Wiyaegü 112:4 - Tupanaarü Ore

⁴ Rü yimá yatü rü ñoma wüxi i omü i ẽanexü̃wa ibáxixü̃rüxü̃ nixĩ naxca̱x i ngẽma togü i duü̃xü̃gü i mexü̃. Rü nüma rü namecüma rü nangechaü̃wa̱xe rü nixaixcüma.

Wiyaegü 112:4 Referans Kwoze

Yox 11:17

Rü ngẽma curü maxü̃ rü tá yexera inabaxi üa̱xcü tocuchigu ibáxigurüxü̃. Rü ngẽma curü oragü i nagu ngúxü̃ quingexü̃ rü ñoma ngexwaca yangunexü̃rüxü̃ tá nixĩ.

Wiyaegü 97:11

Rü ngẽma duü̃xü̃gü i mea maxẽxü̃ca̱x nixĩ i yangunexü̃xü̃. Rü ngẽma taãxẽ i aixcüma ixĩxü̃ rü ngẽma duü̃xü̃gü i tama chixexü̃ ügüxü̃ca̱x nixĩ.

Nüxíraxü̃xü̃ ga popera ga Cuáü̃ ümatüxü̃ 3:7

Pa Chauxacügüx, ¡taxṹ i naga pexĩnüexü̃ i ngẽma duü̃xü̃gü i pexü̃ womüxẽẽgüchaü̃xü̃! Yíxema mexü̃ ǘxe rü aixcüma mecü tixĩ, ngẽxgumarüxü̃ ya Cristu nax aixcüma mecü yixĩxü̃rüxü̃.

Ore i mexü̃ ga Luca ümatüxü̃ 6:36

Rü name nixĩ i pexü̃́ nangechaü̃tümüxü̃gü i ngẽma togü, ngẽma Penatü ya Tupanaaxü̃́ pengechaxü̃tümüxü̃güxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 2:29

Pema nüxü̃ pecua̱x nax Cristu rü aixcüma mecü yixĩxü̃. Rü ngẽxgumarüxü̃ ta name nixĩ nax nüxü̃ pecuáxü̃ nax guxü̃ma i duü̃xü̃gü i aixcüma mexü̃ ügüxü̃ rü Tupanaxacügü nax yixĩgüxü̃.

Efesios 4:32

Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

Wiyaegü 106:1

Name i Cori ya Tupanaxü̃ ticua̱xüü̃gü. ¡Rü moxẽ nüxna pexã! Erü nüma rü namecüma rü ngẽma norü ngechaü̃ rü taguma inayacua̱x.

Efesios 5:9

Erü ngẽma ngóonexü̃ nixĩ i nango̱xẽẽxü̃ i ngẽma mecüma, rü ngẽma we̱xguxü̃, rü ngẽma aixcüma ixĩxü̃.

Ore i mexü̃ ga Cuáü̃ ümatüxü̃ 12:46

Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.

Wiyaegü 37:6

Rü nüma rü tá nanango̱xẽxẽ nax cumexü̃ rü quixaixcümaxü̃ ñoma üa̱xcü tocuchigu ibáxixü̃rüxü̃.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Efesios 5:15

Rü ngẽmaca̱x name nixĩ i pegüna pedaugü rü mea pemaxẽ. ¡Rü taxṹ i ngẽma duü̃xü̃gü i naechitamare maxü̃xü̃ãcü pemaxẽxü̃! Rü name nixĩ i duü̃xü̃gü i mea naãxẽxü̃ cuáxü̃ãcü pemaxẽxü̃.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Yox 22:28

Rü guxü̃ma i ngẽma cuxüxü̃wa rü mea tá ínanguxuchi. Rü Tupana rü tá cuxü̃ nibáixmaxü̃ i ngextá ícuxũxü̃wa.

Yox 29:3

Rü yexguma nüma norü omümaxã choxü̃ yabáixmaxü̃gu rü ngóonexü̃gu chixũ woo naxẽanegu.

Wiyaegü 116:5

Rü nüma ya Cori ya Tupana rü aixcümacü nixĩ rü nüxü̃́ tangechaü̃tümüxü̃wa̱xe. Erü nüma rü woetama guxü̃guma namecümaxüchi.

Wiyaegü 145:17

Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.

Ucu̱xẽgüchiga 21:21

Yíxema naxca̱x dauxe nax mexü̃gu tamaxü̃xü̃, rü tixaixcümaxü̃, rü nüxü̃ itayangau i maxü̃, rü duü̃xü̃gü rü tümamaxã nataãxẽ.

Ichaía 58:8

Rü yíxema ngẽmaãcü aurexe rü ñoma ngexwaca yangóonexü̃rüxü̃ tá nango̱x nax aixcüma namexü̃ i tümaarü maxü̃, rü ngẽma tümaarü o̱xrigü rü tá paxa nixegü. Rü ngẽxguma ngẽmaãcü pexauregu rü duü̃xü̃gü tá nüxü̃ nadaugü nax aixcüma yawéxü̃ i pecüma. Rü choma rü chorü poramaxã tá pexna chadau.