Wiyaegü 112:2 - Tupanaarü Ore

² Rü yimá yatü ya mexü̃gu rüxĩnücü rü Tupana tá nüxü̃ narüngü̃xẽxẽ i ngẽma naxacügü rü tá naporae i ñoma i naanewa.

Wiyaegü 112:2 Referans Kwoze

Naanearü ügüchiga 17:7

Rü ngẽma ñu̱xma tá cumaxã rü cutaagümaxã chaxueguxü̃ rü ñaa nixĩ: Rü choma rü guxü̃gutáma curü Tupana chixĩ rü cutaagüarü Tupana chixĩ.

Ucu̱xẽgüchiga 20:7

Tupanape̱xewa tame ya yíxema ngearü chixexü̃ã́xe. Rü ngẽma tümaxacügü i tümacümagu ĩxü̃ rü nataãẽgü.

Wiyaegü 37:26

Rü nüma ya yimá yatü ya mecü rü guxü̃guma duü̃xẽ nüxü̃́ tangechaü̃tümüxü̃ rü tüxna nanaxã ega ta̱xacüca̱x nüxna tacagügu. Rü nanegü rü norü taãẽxẽẽruxü̃ nixĩgü.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Wiyaegü 25:13

Rü tüma rü tá tataãxẽ rü tümaxacügü tá nixĩ i norü yora i ñaa nachixü̃ane.

Wiyaegü 102:28

Rü ngẽma nataagü i curü duü̃xü̃gü rü tá nüxna cudau. Rü ngẽma naane i toxna cuxãxü̃wa tá nangẽxmagüecha.

Yeremía 32:39

Rü tá mea nagu chanaxĩnüexẽxẽ, rü mexü̃ i nacüma tá nüxna chaxã nax guxü̃guma choxü̃xicatama yacua̱xüü̃güxü̃ca̱x nax ngẽmaãcü mexü̃wa nangẽxmagüxü̃ca̱x i nümagü rü nanegü rü naxacügü rü nataagü.

Naanearü ügüchiga 25:11

Rü nawena ga nax nayuxü̃ ga Abraáü̃, rü Cori ya Tupana rü Ichaáxü̃ poraãcü narüngü̃xẽxẽ. Rü nüma ga Ichaá rü gumá puchu ga Tupana ya Maxü̃cü rü Choxü̃ Daucügu ãégacüxü̃tagu naxãchiü̃.

Iraétanüxü̃arü muxchiga 7:62

Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.

Ucu̱xẽgüchiga 11:21

Aixcümaxü̃chi tá napoxcu i ngẽma duü̃xü̃ i chixexü̃gu maxü̃xü̃, natürü yíxema mexü̃ i nacümagu maxü̃́xẽ, rü taxũtáma tapoxcu.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.