Wiyaegü 112:1 - Tupanaarü Ore

¹ Name nixĩ i Cori ya Tupanaxü̃ ticua̱xüü̃gü. Rü nataãxẽ ya yimá yatü ya Cori ya Tupanaxü̃ ngechaü̃cü rü norü mugügu imaxü̃cü.

Wiyaegü 112:1 Referans Kwoze

Wiyaegü 128:1

Rü cutaãxẽ i cumax erü nüxü̃ quicua̱xüxü̃ ya Cori ya Tupana rü naga cuxĩnü

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Ore i mexü̃ ga Luca ümatüxü̃ 1:50

Rü nüma ya Tupana rü guxü̃gutáma nüxü̃́ tangechaü̃tümüü̃gü ya guxãma ya yíxema aixcüma nüxü̃ cua̱xüü̃güxe.

Wiyaegü 119:35

¡Rü choxü̃ naporaxẽxẽ nax nagu chixũxü̃ca̱x i ngẽma curü mugü! Erü ngẽmagu nixĩ i nüxü̃ chayangauxü̃ i chorü taãxẽ.

Wiyaegü 145:19

Rü yíxema nüxü̃ ngechaü̃güxe, rü tüxna nanaxã i ngẽma naxca̱x ítaca̱xaxü̃. Rü ngẽxguma norü ngü̃xẽẽca̱x nüxna tacagüegu, rü nüma rü tüxü̃ naxĩnü rü tümaarü guxchaxü̃wa tüxü̃ ínanguxü̃xẽxẽ.

Wiyaegü 111:10

Rü yíxema aixcüma cua̱x tüxü̃́ ngẽxmaxe rü Cori ya Tupanaxü̃ ticua̱xüü̃gü. Rü yíxema Cori ya Tupanaxü̃ icua̱xüü̃güxe rü aixcüma tümaãẽxü̃ ticua̱x. Rü name nixĩ i guxü̃guma nüxü̃ ticua̱xüü̃gü.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Wiyaegü 119:97

Rü poraãcü choxü̃́ nangúchaü̃ i curü ucu̱xẽgü, rü wüxichigü i ngunexü̃gu rü nagu charüxĩnü.

Wiyaegü 150:1

¡Cori ya Tupanaxü̃ picua̱xüü̃gü! ¡Rü napatawa rü nüxü̃ picua̱xüü̃gü! ¡Rü pema i daxũguxü̃ i naanewa ngẽxmagüxe i nüma ínangexmaxü̃wa rü nüxü̃ picua̱xüü̃gü!

Wiyaegü 147:1

¡Rü ngĩxã nüxü̃ ticua̱xüü̃gü ya Cori ya Tupana! Rü name nixĩ i naxca̱x tawiyaegü. Erü wüxi i taãxẽ nixĩ nax nüxü̃ icua̱xüü̃güxü̃.

Wiyaegü 119:143

Rü yexguma taxü̃ ga guxchaxü̃wa chayexmagu, rü curü mugü choxü̃ nataãẽxẽxẽ.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Romanos 8:6

Rü ngẽma nax ñoma i naanearü ngúchaü̃ca̱x idaugüxü̃ rü yuwa tüxü̃ nagagü. Natürü yíxema Tupanaãxẽ i Üünecüarü ngúchaü̃ca̱x daugüxe rü tataãẽgü, rü tá tüxü̃́ nangẽxma i maxü̃ i taguma gúxü̃.

Wiyaegü 119:16

Rü curü mugümaxã tá chataãxẽ, rü tagutáma nüxü̃ icharüngüma i curü ore. -3-

Wiyaegü 119:14

Rü muxü̃ma i ngẽmaxü̃güarü yexera rü curü mugümaxã chataãxẽ.

Wiyaegü 111:1

Name nixĩ i Cori ya Tupanaxü̃ ticua̱xüü̃gü. Rü choma rü guxü̃ma i chorü maxü̃nemaxã tá Cori ya Tupanaxü̃ chicua̱xüxü̃ nape̱xewa i ngẽma duü̃xü̃gü i mexü̃gu rüxĩnüexü̃arü ngutaque̱xewa rü guxü̃ma i duü̃xü̃güpe̱xewa.

Wenaxarü naxümatü ga Tupanaarü mugü 28:3

Rü ngẽxguma ĩanewa pengẽxmagügu rüe̱xna peanewa pengẽxmagügu rü nüma ya Cori ya perü Tupana rü tá pexü̃ narüngü̃xẽxẽ.

Nüxíraxü̃xü̃ ga popera ga ãẽ̱xgacügüchiga 18:3

Rü nüma ga Acáx rü naxca̱x naca ga norü ngü̃xẽẽruxü̃ ga Adía ga aixcüma Cori ya Tupanaxü̃ ngechaü̃xü̃.

Ngu̱xẽẽtaeruü̃arü ore 8:12

Rü ngẽma duü̃xü̃ i chixexü̃ rü mue̱xpü̱xcüna chixexü̃ naxü rü woo mucüma ya taunecü namaxü̃gu, natürü nüxü̃ chacua̱x ya yíxema Tupanaxü̃ ngechaü̃xe rü ngẽma chixexü̃ üxü̃arü yexera mexü̃wa tá tangexma.