Biblia Todo Logo
Bib sou entènèt

- Piblisite -




Wiyaegü 11:7 - Tupanaarü Ore

7 Rü nüma ya Cori ya Tupana rü ixaixcümacü nixĩ, rü nüxü̃ nangechaü̃ i ngẽma aixcüma ixĩxü̃. Rü ngẽmaca̱x ya yíxema ixaixcümagüxe rü tá Tupanachiwexü̃ tadaugü.

Gade chapit la Kopi




Wiyaegü 11:7
20 Referans Kwoze  

Rü mea tá nachiwexüchixü̃ nadaugü, rü nacatügüwa tá nangẽxma i naéga.


Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.


Erü nüma ya tórü Cori rü tüxna nadau ya yíxema aixcüma naga ĩnüexe, rü nüxü̃ naxĩnü i tümaarü yumüxẽ. Natürü tümamaxã nanu ya yíxema chixexü̃ ügüxe”, ñanagürü i Tupanaarü ore.


Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.


Rü guxü̃guma tüxna nadau ya yíxema mexü̃arü üruü̃gü. Rü ñu̱xũchi ãẽ̱xgacügüxü̃ narüngü̃xẽxẽ nax guxü̃guma duü̃xü̃gümaxã inacuáxü̃ca̱x.


Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.


¿Rü ñu̱xma rü ta̱xacüca̱x chi íchayaxoõchixü̃? ¿Rü ta̱xacüca̱x chi i naxca̱x chaxoegaãẽxü̃? Rü Tupanawa tá nüxü̃ ichayangau i chorü ngü̃xẽxẽ, rü yimáxü̃ tá nixĩ i chicua̱xüxü̃xü̃. Erü nüma nixĩ ya chorü Tupana ya chorü maxẽẽruxü̃.


Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.


Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.


Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.


Rü nüma ya Cori ya Tupana rü namaxã nataãxẽ i ngẽma aixcüma ixĩxü̃ rü ngẽma we̱xguxü̃. Rü ngẽma norü ngechaü̃ rü ñoma i naane namaxã nanapá.


Rü cuma rü guxü̃guma nüxü̃ curüngü̃xẽxẽ. Rü naxü̃tawa cungexmaecha rü ngẽmaca̱x poraãcü nataãẽxü̃chi.


Erü cuma rü mexü̃ tümamaxã cuxuegu ya yíxema aixcüma cuga ĩnüxe. Rü ngẽma curü ngechaü̃ rü tümaarü poxü̃ruxü̃ nixĩ.


Erü nüma ya Tupana rü naxchi naxai i ngẽma ngĩ́ta̱a̱x rü máeta, natürü nüxü̃ nangechaü̃ i ngẽma aixcüma mexü̃. Rü tá pexna nanaxã i taxü̃ma i perü natanü, rü pemaxã tá nanaxü i wüxi i uneta i tagutáma yagúxü̃.


Rü yíxema ingexetüxe rü tüxü̃ nidauuchigüxẽxẽ. Rü yíxema ya iyayitanüxe rü tüxü̃ ínarüdagüxẽxẽ. Rü nüma ya Cori rü nüxü̃ nangechaü̃ i ngẽma duü̃xü̃gü i mexü̃ ügüxü̃.


Pa Cori Pa Tupana ya Ixaixcümacüx, cuma rü cunangugü i wüxichigü i duü̃xü̃güarü ĩnügü rü norü ngúchaü̃gü i naãẽwa nagu naxĩnüexü̃. ¡Rü iyanaxoxẽxẽ i norü chixexü̃ i ngẽma chixexü̃gu maxẽxü̃! ¡Natürü yíxema mexü̃gu maxü̃́xẽ rü tüxna nadau nax tama chixexü̃gu tanguxü̃ca̱x!


Nüma ya Tupana rü ãẽ̱xgacü ya mea duü̃xü̃güarü maxü̃xü̃ ngugücü nixĩ, rü marü poxcu namaxã naxuegu i ngẽma chixexü̃gu maxẽxü̃.


Erü nüma ya Cori ya Tupana rü nüxü̃ nangechaü̃ i ngẽma maxü̃ i we̱xguxü̃, rü taguma tüxü̃ ínawogü ya yíxema aixcüma nawe rüxĩxe. Rü guxü̃gutáma tüxna nadau. Natürü ngẽma chixexü̃gu maxẽxü̃, rü Tupana tá inayanaxoxẽxẽ i nanegü rü nataagü.


Rü guxü̃ma i cuxchirugü rü pumara i paacaxü̃ i míra rü aroé rü canelamaxã napaacaematanü. Rü paxetaruü̃gü i ãtü̱xüxü̃maxã cuxü̃ nataãẽxẽẽgü nawa ya cupata ya marfíxmaxã nga̱xãẽne.


Nüma ya Cori ya Tupana rü tama nacümamaxã nataãxẽ i ngẽma chixexü̃gu maxẽxü̃. Natürü tüxü̃ nangechaü̃ ya yíxema aixcüma mea nape̱xewa maxü̃́xẽ.


Swiv nou:

Piblisite


Piblisite