Wiyaegü 11:6 - Tupanaarü Ore

⁶ Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Wiyaegü 11:6 Referans Kwoze

Echequié 13:13

Rü ngẽmaca̱x i choma i Cori ya Tupana rü nüxü̃ chixu rü chorü numaxã tá íchananguxẽxẽ i wüxi ya buanecü ya íxã̱ũ̱xẽmacü. Rü chorü numaxã tá tacü ya pucü íchananguxẽxẽ. Rü gáuxü̃ i tapütaxü̃ tá charüyi̱xẽxẽ nax ngẽmaãcü chorü numaxã chanaxoxẽxẽ i guxü̃ma.

Ore i mexü̃ ga Luca ümatüxü̃ 17:29

Natürü yexguma Lox ixũxũgu nawa ga guma ĩane ga Chodóma, rü daxũwa narüyi ga üxü ga achúfremaxã ãéü̃xü̃, rü nanadai ga guxü̃ma ga yema duü̃xü̃gü.

Wiyaegü 75:8

Rü nüma ya Cori ya Tupana rü naxme̱xwa nangẽxma i ngẽma copu i norü nu nawa ngẽxmaxü̃ ñoma wüxi ya bínu ya ngúchia̱xüchicürüxü̃. Rü ngẽxguma inabaãgu i ngẽma norü nu naétü i ngẽma duü̃xü̃gü i chixexü̃ ügüxü̃ rü guxü̃watáma nangu rü taxuxü̃táma niña.

Yox 20:23

Rü ngẽxguma meama ínachibüyane rü Tupana rü tá namaxã nanu rü tá ngúxü̃ naxca̱x ínanguxẽxẽ ñoma pucü naxca̱x ínguxgurüxü̃.

Yox 18:15

Rü napata rü tá nixa, rü norü ngẽmaxü̃gü rü achúfre i ya̱u̱xraxü̃maxã tá namaxcutanü.

Ore i mexü̃ ga Cuáü̃ ümatüxü̃ 18:11

Natürü ga Ngechuchu rü Pedruxü̃ ñanagürü: —¡Ngĩxchixü̃gu ngĩxü̃ ixücuchi i curü tara! ¿Tama ẽ̱xna nüxü̃ cucua̱x nax choma rü tá ngúxü̃ chingexü̃ ngẽma Chaunatü chomaxã naxueguxü̃rüxü̃? —ñanagürü.

Abacú 2:16

Rü woo duü̃xü̃gü pexü̃ nicua̱xüü̃gü i ñu̱xmax, natürü nawa tá nangu nax taxü̃ i ãne tá pingegüxü̃. Erü nüma ya Cori ya Tupana rü tá duü̃xü̃güpe̱xewa pexü̃ naxãneexẽxẽ ñoma wüxi i duü̃xü̃ i ngexchiruãcüma ãne ingexü̃rüxü̃. Rü ngẽmaãcü perü taãxẽ rü ãnexü̃ tá pexü̃́ nananguxuchi.

Wiyaegü 105:32

Rü pucüchicüxü yema nachixü̃aneétügu nanayixẽxẽ ga gáuxü̃. Rü ãẽmacü inaxüxẽxẽ.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Wiyaegü 16:5

Pa Corix, cuma nixĩ i ñoma i õnarüxü̃ choxü̃ cuporaxẽẽxü̃. Rü ñoma chorü copa i mexü̃rüxü̃ quixĩ. Rü cuxme̱xwa nangẽxma i chorü maxü̃.

Ichaía 51:22

Rü yimá perü Cori ya Tupana ya norü duü̃xü̃güxü̃ ípoxü̃cü rü ñanagürü: —Yexguma pemaxã chanuxgu rü poraãcü pexü̃ chapoxcue rü yemaacü pexü̃ chanaxĩ̱xãchitanüãẽxẽxẽ ñoma bínumaxã pengaxegurüxü̃. Natürü tá íchayanaxoxẽxẽ i ngẽma poxcu rü marü taxũtáma wena ngẽma poxcumaxã pexü̃ chapoxcue.

1 Chamué 9:23

Rü nüma ga Chamué rü yema üwemüxü̃xü̃ namu nax Chaúna naxããxü̃ca̱x ga yema rümemaexü̃ ga namachi ga woetama naxca̱x ínaxüxüchixü̃.

1 Chamué 1:4

Rü yexguma Ercaná norü ãmare Tupanana naxãxgu, rü naxma̱x ga Peninána nanaxã ga yema namachi ga ngĩxna üxü̃, rü yexgumarüxü̃ ta ngĩxacügüna rü ngĩnena nanaxã ga yema namachi ga nüxna üxü̃.

Naanearü ügüchiga 43:34

Rü nüma ga Yúche rü naenexẽgüxü̃ nanangõ̱xẽxẽ ga yematama õna ga nüma nangṍxü̃ ga norü mechawa yexmaxü̃. Rü yema õna ga Bẽyamíü̃na naxãxü̃ rü poraãcü yema togü ga naenexẽgüna naxãxü̃xü̃ rütamaexü̃ nixĩ. Rü Yúche rü naenexẽgümaxã wüxigu naxaxegü rü nataãẽgü.

Yox 18:10

Rü ngẽma chixexü̃gu maxü̃xü̃ i duü̃xü̃ rü norü namagu nanaxǘgü i wüxi i bocuparaxü̃ i tama ngóxü̃ nax ngẽxguma ngéma naxüpetügu rü ngẽmagu yayauxgüãxü̃ca̱x.

Wiyaegü 18:13

Rü nüma ga Cori ya Tupana ya Guxãétüwa Ngẽxmacü rü daxũguxü̃ ga naanewa inanaxũ ga naga ga ñoma iduruanexü̃rüxü̃ ixĩxü̃. Rü yéma narüyi ga gáuxü̃ ga ãpü̱xüxü̃ rü ã́xwe ga inaicü.

Wiyaegü 32:10

Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.

Yeremía 13:25

Rü ngẽma nixĩ i penaxwa̱xexü̃, Pa Iraétanüxü̃, rü ngẽma nixĩ i pexna üxü̃ nax pemaxã chanaxüxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma. Rü pema rü choxü̃ perüngümae rü nüxü̃́ peyaxõgü ga yema tupananetachicüna̱xãgü ga taxuwama mexü̃.