Wiyaegü 11:4 - Tupanaarü Ore

⁴ Natürü nüma ya Cori ya Tupana rü napata ya üünenewa nangẽxma. Rü nüma ya Cori rü daxũguxü̃ i naanewa nüxü̃́ nangẽxma i norü tochicaxü̃, rü ngéma meama ínadawenü rü nanangugü i duü̃xü̃gü.

Wiyaegü 11:4 Referans Kwoze

Wiyaegü 103:19

Rü nüma ya Cori ya Tupana rü daxũguxü̃ i naanewa nanangẽxmaxẽxẽ i norü tochicaxü̃ rü ngéma namaxã inacua̱x i guxü̃ma.

Wiyaegü 18:6

Rü yema ãũcümaxü̃wa nax chayexmaxü̃, rü Corica̱x aita chaxü nax nüma ga Tupana choxü̃ rüngü̃xẽẽxü̃ca̱x. Rü nüma rü napata ya üünenewa choxü̃ naxĩnü. Rü yema aita nax chaxüxü̃ rü naxmachixẽwa nangu.

Wiyaegü 2:4

Natürü nüma ya Cori ya Tupana ya daxũguxü̃ i naanewa ãẽ̱xgacü ixĩcü rü nüxü̃ nacugümare.

Abacú 2:20

Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.

Ichaía 66:1

Tupana rü ñanagürü: —Ngẽma daxũguxü̃ i naane rü chorü tochicaxü̃ nixĩ rü ñoma i naane rü chorü chicutüchica nixĩ. ¿Rü ngexta tá nixĩ i choxü̃́ penaxüxü̃ ya wüxi ya chopata? ¿Rü ngexta tá nixĩ i choxü̃́ penaxüxü̃ i wüxi i nachica i nagu charüngü̃xü̃?

Wiyaegü 33:13

Rü nüma ya Cori ya Tupana rü daxũguxü̃ i naanewa ínadawenü, rü nüxü̃ nadau i guxü̃ma i duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:2

Rü yexgumatama ga choma rü Tupanaãxẽ ya Üünecü rü chauãẽmaxã inacua̱x, rü daxũwa nanaga. Rü yéma daxũguxü̃ ga naanewa nüxü̃ chadau ga wüxi ga tochicaxü̃ ga mexẽchixü̃ ga yéma wüxi nawa rütoxü̃.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

2 Tesalonicenses 2:4

Rü ngẽma Tupanaarü uanü rü tá Tupanamaxã rü guxü̃ma i ngẽma Tupanaarü ixĩgüxü̃maxã narüxuanü. Rü tá naxchi naxai i guxü̃ma i ngẽmaxü̃gü i namaxã Tupanaxü̃ icua̱xüü̃güxü̃. Rü Tupanapata ya taxü̃newa tá nayarüto ñoma Tupana yixĩxü̃rüxü̃. Rü nüma rü tá nügü nixu nax Tupana yixĩxü̃.

Ore i mexü̃ ga Matéu ümatüxü̃ 23:21

Rü yíxema Tupanapata ya taxü̃neégagu ixunetaxe, rü tama yimá Tupanapata ya taxü̃neégaguxicatama itaxuneta, natürü Tupana ya ngéma maxü̃cüégagu rü ta itaxuneta.

Ore i mexü̃ ga Matéu ümatüxü̃ 5:34

Natürü choma rü pemaxã nüxü̃ chixu rü tama name i ta̱xacüégagu ipexuneta. Rü tama name i daxũguxü̃ i naaneégagu ipexuneta, erü ngẽma nixĩ i norü tochicaxü̃ ya Tupana.

Wiyaegü 66:7

Rü nüma ya Tupana rü guxü̃guma norü poramaxã ñoma i naanemaxã inacua̱x. Rü nüma rü naxetümaxã nüxü̃ nadau i guxü̃ma i nachixü̃anegü. Rü ngẽma tama naga ĩnüexü̃, rü tama name nax namaxã nanuexü̃.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:5

Rü yexguma Equítuanewa perü o̱xigü ga Iraétanüxü̃güxü̃ íchanguxü̃xẽẽ̱xgucürüwa rü ñu̱xmata ñoma i ngunexü̃wa nangu rü taguma wüxi ga ĩpata ga taxü̃newa chayexma. Rü naxchirunaxca̱x ga ĩpatawamare chiyexmachigü.

Ngechuchuarü ngúexü̃gü ga yamugüxü̃arü puracüchiga 7:49

“Choma rü daxũguxü̃ i naane nixĩ i chorü tochicaxü̃ ixĩxü̃ rü ñoma i naane nixĩ i chorü chicutüruxü̃ ixĩxü̃. ¿Rü ñuxũcürüwa i nagu perüxĩnüexü̃ nax penaxüxü̃ ya wüxi ya chopata ya chaugu mexü̃ne?” ñanagürü ga Cori ya Tupana. Rü ñanagürü ta ga Tupana: “¿Tama ẽ̱xna choma yixĩxü̃ ichanaxüxü̃ ga guxü̃ma i ta̱xacü i ngẽxmaxü̃? ¿Rü ñuxãcü chi penaxüxü̃ i wüxi i nachica i nagu charüngü̃xü̃?” —ñanagürü ga norü orewa.

Ucu̱xẽgüchiga 15:3

Nüma ya Cori ya Tupana, rü guxü̃wama nangẽxma rü tüxü̃ nangugü ya yíxema mea maxẽxe, rü nanangugü ta i ngẽma chixexü̃gu maxẽxü̃.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.

Wiyaegü 9:11

¡Rü naxca̱x pewiyaegü ya Cori ya Tupana ya Chióü̃wa ãẽ̱xgacü ixĩcü! ¡Rü guxü̃ i nachixü̃anegüwa nüxü̃ pixu i ngẽma mexü̃gü i naxüxü̃!

Miquéa 1:2

Rü nüma ga Miquéa rü ñanagürü: —¡Pa Guxãma i Ñaa Nachixü̃anecüã̱xgüx i Duü̃xü̃güx, rü iperüxĩnüe i ñaa ore! Rü nüma ya Cori ya Tupana rü napata ya üünenewa tá pexü̃ nixu.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Wiyaegü 14:2

Rü nüma ya Cori ya Tupana rü daxũguxü̃ i naanewa duü̃xü̃güxü̃ nadawenü nax nüxü̃ nadauxü̃ca̱x rü tayíxema ya tümaãẽxü̃ cuáxe rü Tupanaxca̱x dauxe.

Wiyaegü 113:5

Rü taxúema namaxã tawüxigu ya tórü Cori ya Tupana ya daxũguxü̃ i naanewa ãẽ̱xgacü ixĩcü, natürü nüma rü ngéma nüxü̃ nadawenü i daxũguxü̃ i naane rü ñoma i naane.

Wiyaegü 139:23

Pa Tupanax, ¡nangugü i chorü maxü̃ i ñuxãcü nax yixĩxü̃ i cupe̱xewa! ¡Rü choxü̃ naxü nax cupe̱xewa nangóxü̃ca̱x i ngẽma nagu charüxĩnüxü̃!