Wiyaegü 11:2 - Tupanaarü Ore

² ¡Rü dücax i ngẽma chixexü̃ ügüxü̃ i duü̃xü̃gü! Rü nanape̱xecunüxẽxẽ ya norü würa nax yacu̱xgüãcüma naxnegümaxã tüxü̃ nama̱xgüxü̃ca̱x ya yíxema duẽxẽgü i mea maxẽxe.

Wiyaegü 11:2 Referans Kwoze

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Wiyaegü 37:14

Rü ngẽma chixexü̃gu rüxĩnüexü̃ rü norü tara nanatúxuchi, rü norü würaxü̃ natú nax tüxü̃ namaxü̃xü̃ca̱x ya yíxema taxuxü̃ma tüxü̃́ ngẽxmaxe rü yíxema mexü̃gu rüxĩnüxe. Rü ngẽmaãcü tüxü̃ nadaixchaü̃ ya yíxema mecümagüxe.

Wiyaegü 21:12

Erü cuma rü tá cuyabuxmüxẽxẽ, rü yima curü würa rü naguama cunatoenü.

Ore i mexü̃ ga Matéu ümatüxü̃ 26:4

Rü yema ngutaque̱xewa nügümaxã nanamexẽẽgü nax womüxẽẽãcüma Ngechuchuxü̃ yayauxgüxü̃ nax yama̱xgüãxü̃ca̱x.

Wiyaegü 125:4

Pa Corix ¡nüxü̃ rüngü̃xẽxẽ i ngẽma duü̃xü̃gü i mea maxẽxü̃ rü aixcüma mexü̃gu rüxĩnüexü̃!

Wiyaegü 97:11

Rü ngẽma duü̃xü̃gü i mea maxẽxü̃ca̱x nixĩ i yangunexü̃xü̃. Rü ngẽma taãxẽ i aixcüma ixĩxü̃ rü ngẽma duü̃xü̃gü i tama chixexü̃ ügüxü̃ca̱x nixĩ.

Wiyaegü 94:15

Rü ngẽma aixcüma mexü̃ i nacüma rü tá wena duü̃xü̃güca̱x nataegu. Rü guxü̃ma i duü̃xü̃gü i mexü̃gu rüxĩnüexü̃ rü tá nagu naxĩ.

Wiyaegü 64:10

Rü yimá yatü ya mexü̃gu maxü̃cü rü Cori ya Tupanamaxã tá nataãxẽ rü tá naxca̱x nixũ nax ínapoxü̃ãxü̃ca̱x. Rü guxü̃ma i duü̃xü̃gü i mexü̃gu rüxĩnüexü̃ rü tá nataãxẽgü.

Wiyaegü 32:11

¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!

Wiyaegü 10:2

Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Wiyaegü 7:12

Rü ngẽxguma ngẽma chixexü̃gu maxü̃xü̃ tama nüxü̃ naxoxgu i norü chixexü̃ rü tama Tupanaca̱x nada̱u̱xgu, rü nüma ya Tupana rü tá nanawaixmagu i norü tara, rü tá nanaporamaã́xü̃ ya norü würa nax yamáaxü̃ca̱x.

Wiyaegü 7:10

Nüma ya Tupana rü chorü poxü̃ruxü̃ nixĩ. Rü nüma nixĩ i tüxü̃ namaxẽxẽẽxü̃ ya yíxema ixaixcümagüxe.

1 Chamué 23:9

Natürü yexguma Dabí nüxü̃ cuáchigagu nax Chaú nagu rüxĩnüxü̃ nax yamáxchaü̃ãxü̃, rü chacherdóte ga Abiatáxü̃ namu nax naxü̃tawa nangeaxü̃ ga Tupanaarü efóx nax Cori ya Tupanana naca̱xü̃ca̱x.

1 Chamué 18:21

Yerü nagu narüxĩnü ga Dabína ngĩxü̃ nax namuxü̃ nax Dabíma̱x yixĩxü̃ca̱x rü ngĩma Firitéugüme̱xẽgu nanguxẽẽãxü̃ca̱x. Rü yemaca̱x ga nüma ga Chaú rü wenaxarü Dabíxü̃ ñanagürü: —Rü ñu̱xmata waxi nixĩ i chauã̱xte quixĩxü̃ —ñanagürü.