Wiyaegü 11:1 - Tupanaarü Ore

¹ Choma rü Cori ya Tupaname̱xẽwa chaugü changexmaxẽxẽ nax choxü̃ ínapoxü̃xü̃ca̱x nüxna i chorü uanügü. ¿Rü tü̱xcüü̃ choxü̃ ñapegürü: —¡Ma̱xpǘneanewa naña nax ngéma werigürüxü̃ cugü quicúxü̃ca̱x! —ñaperügü choxü̃?

Wiyaegü 11:1 Referans Kwoze

Wiyaegü 56:11

Rü Tupanaaxü̃́ chayaxõ rü taxuca̱xma chamuü̃. ¿Rü ta̱xacürü chixexü̃ tá chomaxã naxüxü̃ i wüxi i duü̃xü̃?

Wiyaegü 25:2

Pa Chorü Tupanax, cuxü̃́ chayaxõ. ¡Rü taxṹ i cunaxüchicaxü̃ i chorü uanügü nax ãne choxü̃ yangexẽxẽgüxü̃ca̱x rü choxü̃ nacugüexü̃ca̱x!

1 Chamué 23:14

Rü nüma ga Dabí rü yema chianexü̃ ga Chíxwa naxũ, rü yexma ma̱xpǘnearü ãxmaxü̃gügu norü duü̃xü̃gümaxã nicu̱xgü rü yéma nayexmagü. Rü nüma ga Chaú rü guxü̃ma ga ngunexü̃gu naxca̱x nadau, natürü ga Tupana rü Dabína nadau, rü yemaca̱x ga Chaú rü taguma nüxü̃ inayangau.

Ore i mexü̃ ga Luca ümatüxü̃ 13:31

Rü yematama ngunexü̃gu rü Ngechuchuxü̃tawa nangugü ga ñuxre ga Parichéugü. Rü ñanagürügü Ngechuchuxü̃: —¡Íixũ i nua! Erü ãẽ̱xgacü ya Eróde rü cuxü̃ nimáchaü̃ —ñanagürügü.

Ucu̱xẽgüchiga 6:5

¡Rü paxa nüxna ixũgachi i ngẽma cumücüarü ngetanü ñoma wüxi i cowü i cueneecücha̱xwa iñaxü̃rüxü̃, rü wüxi i weri i yütawa iñaxü̃rüxü̃!

Wiyaegü 16:1

¡Choxna nadau, Pa Tupanax! Erü cuxü̃́ nixĩ i chayaxõxü̃ nax choxü̃ ícupoxü̃xü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 16:8

¿Rü tama ẽ̱xna nüxna cucua̱xãchi ga yema namaxã ngupetüxü̃ ga yema Etiopíaanecüã̱xgü rü Líbiaanecüã̱xgüarü churaragü ga iporaxüchixü̃ ga yexguma guxü̃ma ga norü cowarugümaxã rü carugü ga cowaru itúgünemaxã cuxca̱x íyaxüãchigu? Natürü nüma ga Cori ya Tupana rü cuxü̃ narüngü̃xẽxẽ rü cuxme̱xgu nanayixẽxẽ, yerü nüxü̃́ cuyaxõ.

Wiyaegü 31:14

Natürü i chomax, Pa Corix, Pa Tupanax, rü cuxü̃́ chayaxõ rü ñachagürü: —Cuma nixĩ i chorü Tupana quixĩxü̃ —ñachagürü.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Wiyaegü 7:1

Pa Cori Pa Chorü Tupanax, cuxme̱xwa chaugü changexmaxẽxẽ, nax ngẽmaãcü choxü̃ ícupoxü̃xü̃ca̱x nüxna i guxü̃ma i ngẽma chowe ingẽxü̃tanüxü̃.

Norü taxre ga to ga popera ga ãẽ̱xgacügüchiga ümatüxü̃ 14:11

Rü naxü̃pa ga nax nügü nada̱i̱xü̃ rü nüma ga Achá rü nayumüxẽ rü Tupanamaxã nidexa rü ñanagürü: —Pa torü Tupanax, namaxã tá togü tadai i ñaa muxũchixü̃ i churaragü i torü uanü ixĩgüxü̃. Rü ngẽmaca̱x curü ngü̃xẽẽca̱x ítaca erü cuxü̃́ tayaxõgü. Rü nataxuma i to i cuxrüxü̃ nüxü̃ rüngü̃xẽẽxü̃ i ngẽma rüturamaexü̃ nax ngẽma rüporamaexü̃me̱xẽwa ínanguxuchixü̃ca̱x. Rü cuma nixĩ i torü Tupana quixĩxü̃. Rü nüxü̃ tacua̱x nax taxúema cuxü̃ rüporamaexü̃ —ñanagürü ga Achá.

1 Chamué 20:38

Rü wenaxarü yema norü ngü̃xẽẽruü̃na tagaãcü nacagü rü ñanagürü: —¡Paxa inañaachi rü taxṹ i cuyachaxãchixü̃! —ñanagürü. Rü yema Yonatáü̃arü ngü̃xẽẽruxü̃ rü nanade ga guma chuxchigü rü norü corina nayana. Natürü tama nüxü̃ nacua̱x nax ta̱xacüchiga yixĩxü̃ ga yema. Rü Yonatáü̃ rü Dabíxicatama nixĩ ga nüxü̃ cua̱xgüxü̃ ga yema cua̱xruxü̃.

1 Chamué 27:1

Natürü nüma ga Dabí rü ñaxü̃gu narüxĩnü: —Ngexü̃rüü̃xü̃ i ñaa ngunexü̃gügumare i Chaú rü tá choxü̃ nima̱x. Rü ngẽmaca̱x name nixĩ i Firitéugüarü naanewa chaxũ nax tama choxü̃ nachixewexü̃ca̱x i Chaú, rü tama guxü̃ i Iraéanegu cha̱u̱xca̱x nadauxü̃ca̱x. Rü ngẽmaãcü tá naxcha̱xwa chiña —ñaxü̃gu narüxĩnü.

1 Chamué 22:3

Rü yéma inaxũãchi ga Dabí rü Mispáwa naxũ ga Moáanewa. Rü Moáarü ãẽ̱xgacüxü̃ ñanagürü: —Rü cuxna chaca, Pa Ãẽ̱xgacüx, nax chaunatü rü chaué napexü̃tawa tangexmagüxü̃ca̱x ñu̱xmatáta Cori ya Tupana choxü̃ nawé i ngẽma chomaxã nanaxwa̱xexü̃ —ñanagürü.

1 Chamué 19:11

Rü yexgumatama ga Chaú rü norü duü̃xü̃güxü̃ namu nax Dabípatawa naxĩxü̃ca̱x nax nüxna yéma yadaugüxü̃ca̱x rü moxü̃ãcü yama̱xgüãxü̃ca̱x. Natürü Micá ga Dabí naxma̱x rü ngĩtexü̃ ngĩgürügü: —Ngẽxguma taxũtáma quiñaxgu i ñaa chütaxü̃gu, rü moxü̃ ẽxü̃wa rü tá cuyu —ngĩgürügü.

Neemía 6:11

Natürü ga choma rü chanangãxü̃ rü ñachagürü nüxü̃: —Ngẽma yatügü i chauxrüxü̃ tama muü̃exü̃ rü tama nibuxmü rü bai nax Tupanapata ya taxü̃negu yanacu̱xgüxü̃ nax ngẽmaãcü taxuxü̃ma nüxü̃ ngupetüxü̃ca̱x. Choma rü taxũtáma ngẽxma chayarücu̱x —ñachagürü nüxü̃.

Wiyaegü 7:2

Rü ngẽxguma tama choxü̃ ícupoxü̃gu rü chorü uanügü rü ñoma leóü̃gü i chaugu wagüexü̃rüxü̃ tá nixĩgü. Rü tataxuma ya texé ya nüxna choxü̃ ípoxü̃xẽ.

Yeremía 48:14

Rü tama name i Moáanecüã̱xgü ñanagürügü: “Toma rü tama tamuü̃e, rü daitanüxü̃ i poraexü̃ tixĩgü”, ñanagürügü.