Wiyaegü 109:22 - Tupanaarü Ore

²² Choma rü poraãcüxüchi guxchaxü̃wa changexma rü chanaxĩ̱xãchiãxẽ rü chorü maxü̃newa rü poraãcü nangu̱x.

Wiyaegü 109:22 Referans Kwoze

Wiyaegü 86:1

Pa Corix ¡choxü̃́ nüxü̃ naxĩnü i chorü yumüxẽ! Erü poraãcü ngúxü̃ chinge rü guxchaxü̃wa changexma.

Wiyaegü 102:4

Rü chorü maxü̃ne rü nayarümaxãchi ñoma maxẽ yarümaãchicürüxü̃. Rü ngẽmaca̱x chaxoóbü rü tama chataiya.

Wiyaegü 40:17

Pa Corix, ¡yáxna chomaxã naxĩnü woo nax cupe̱xewa taxuxü̃ma chixĩxü̃, rü changearü poraáxü̃ nax chaugü íchapoxü̃xü̃! Erü cuma nixĩ i choxü̃ curüngü̃xẽxẽxü̃ rü choxü̃ ícupoxü̃xü̃. Rü ngẽmaca̱x, Pa Chorü Tupanax ¡taxṹ i cunuxcüãẽxü̃ nax choxü̃ curüngü̃xẽxẽxü̃!

Wiyaegü 22:6

¿Rü ñu̱xma rü ta̱xacüca̱x tama cunangãxü̃ i chorü yumüxẽ? ¿Ẽ̱xna wüxi i õxmi chixĩ rü tama wüxi i duü̃xü̃ chixĩ? Rü duü̃xü̃gü rü choxü̃ naxoe.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.

Ore i mexü̃ ga Cuáü̃ ümatüxü̃ 12:27

Rü Ngechuchu ñanagürü: —Rü ñu̱xma rü poraãcü changechaü̃ rü chanaxĩ̱xãchiãxẽ. ¿Rü ta̱xacüxü̃ tá Chaunatümaxã chixuxü̃? Taxucürüwa namaxã nüxü̃ chixu nax choxü̃ ínanguxuchixẽẽxü̃ca̱x nax tama chayuxü̃ca̱x, erü woetama ngẽmaca̱x núma chaxũ —ñanagürü.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Ore i mexü̃ ga Matéu ümatüxü̃ 8:20

Ngechuchu nanangãxü̃ rü ñanagürü: —Ngowagü rü nüxü̃́ nangẽxma i naxmaü̃gü, rü werigü rü nüxü̃́ nangẽxma i naxchiãü̃gü. Natürü yimá Tupana Nane ya duü̃xü̃xü̃ ixĩcü, rü nataxuma i ta̱xacü i nagu yacuxeruxü̃ —ñanagürü.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Wiyaegü 109:16

Rü nüma i ngẽma chixexü̃ üxü̃ rü taguma nüxü̃́ tangechaü̃tümüxü̃ ya yíxema ingearü diẽruã̱xgüxe rü yíxema tama tügü icua̱xüü̃güxe rü yíxema guxchaxü̃maxã naxĩ̱xãchiãẽgüxe. Rü nüma rü chixri tümamaxã inacua̱x rü ngẽmaãcü tüxü̃ nadai.

Yox 6:4

Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

Norü taxre ga popera ga ãẽ̱xgacügüchiga 4:27

Rü ma̱xpǘne ga Carméruwa ingu ga Erichéu íyexmaxü̃wa. Rü yexguma naxü̃tawa nanguxgu, rü nacutüwa ina̱i̱xãchi. Rü gumá Erichéuarü ngü̃xẽẽruxü̃ ga Guexáchi rü ngĩxca̱x nixũ nax ngĩxü̃ yagagachixü̃ca̱x. Natürü nüma ga Erichéu rü ñanagürü nüxü̃: —Nüetama erü ngĩma rü poraãcü ngechaü̃ ngĩxü̃́ nangu̱x, natürü nüma ya Cori ya Tupana rü taxũta chomaxã nüxü̃ nixu nax ta̱xacü ngĩxü̃ ngupetüxü̃ —ñanagürü.

Wiyaegü 25:16

Pa Corix ¡choxü̃ rüngü̃xẽxẽ erü chanaxĩ̱xãchiãxẽ, rü cuxü̃́ changechaü̃tümüxü̃ erü chaxicatama charüxã̱ũ̱x!