Wiyaegü 109:21 - Tupanaarü Ore

²¹ Natürü cumax, Pa Corix rü chanaxwa̱xe i choxü̃ curüngü̃xẽxẽ rü mea choxna cudau nax ngẽmaãcü natachigaxü̃ca̱x i cuéga. ¡Rü curü mecümagagu choxü̃ ínanguxuchixẽxẽ nawa i ngẽma chixexü̃gü!

Wiyaegü 109:21 Referans Kwoze

Wiyaegü 69:16

Pa Corix ¡choxü̃ nangãxü̃! Erü cuma rü chomaxã cumecüma rü poraãcü choxü̃ cungechaü̃. Rü ngẽma nax choxü̃ cungẽchaü̃gagu ¡rü chauxca̱x nataegu!

Wiyaegü 31:3

Rü cuma nixĩ i chorü poxü̃ruxü̃ rü chorü cu̱xchicaxü̃. ¡Rü cuégaxü̃ cungechaü̃gagu choxna nadau rü chomaxã inacua̱x!

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Ore i mexü̃ ga Cuáü̃ ümatüxü̃ 17:1

Rü yema ñaxguwena rü Ngechuchu daxũgu nadawenü, rü ñanagürü: —Pa Chaunatüx, marü nawa nangu i ngunexü̃ nax duü̃xü̃güarü pecaduca̱x chayuxü̃. Rü chanaxwa̱xe nax duü̃xü̃güxü̃ nüxü̃ cucua̱xẽẽxü̃ nax choma rü aixcüma Cune chixĩxü̃. Rü ngẽmaãcü i choma rü tá nüxü̃ nüxü̃ chacua̱xẽxẽ nax cuma rü aixcüma Tupana nax quixĩxü̃.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Wiyaegü 69:29

Natürü i choma nax chida̱xawexü̃ rü chanaxĩ̱xãchiãẽxü̃ ¡rü choxü̃ írüdaxẽxẽ rü choxü̃ ínapoxü̃, Pa Chorü Tupanax!

Wiyaegü 23:3

Rü ngẽxguma chaturagu, choxü̃ naporaxẽxẽ rü mexü̃ i namawa choxü̃ naga. Rü ngẽmaãcü choxü̃ nanawe̱x nax namecümaxü̃ rü choxü̃ nangechaü̃xü̃.