Wiyaegü 109:16 - Tupanaarü Ore

¹⁶ Rü nüma i ngẽma chixexü̃ üxü̃ rü taguma nüxü̃́ tangechaü̃tümüxü̃ ya yíxema ingearü diẽruã̱xgüxe rü yíxema tama tügü icua̱xüü̃güxe rü yíxema guxchaxü̃maxã naxĩ̱xãchiãẽgüxe. Rü nüma rü chixri tümamaxã inacua̱x rü ngẽmaãcü tüxü̃ nadai.

Wiyaegü 109:16 Referans Kwoze

Wiyaegü 34:18

Rü nüma ya Cori ya Tupana rü ínamemare nax tüxü̃ nangü̃xẽẽxü̃ ya yíxema ngúxü̃ ingegüxe Rü tüxü̃ ínanguxü̃xẽxẽ ya yíxema ngechaxü̃ ingegüxe.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Wiyaegü 37:14

Rü ngẽma chixexü̃gu rüxĩnüexü̃ rü norü tara nanatúxuchi, rü norü würaxü̃ natú nax tüxü̃ namaxü̃xü̃ca̱x ya yíxema taxuxü̃ma tüxü̃́ ngẽxmaxe rü yíxema mexü̃gu rüxĩnüxe. Rü ngẽmaãcü tüxü̃ nadaixchaü̃ ya yíxema mecümagüxe.

Ore i mexü̃ ga Matéu ümatüxü̃ 5:7

Tataãẽgü ya yíxema togü tüxü̃́ ngechaxü̃tümüxü̃güxe, erü tümagü rü tá ta Tupanaaxü̃́ tangechaxü̃tümüxü̃gü.

Wiyaegü 37:32

Rü ngẽma duü̃xü̃ i chixexü̃ rü nanangugü ya yimá yatü ya mecü, rü naxca̱x nadau nax ñuxãcü yamáaxü̃ca̱x.

Wiyaegü 10:14

Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.

Wiyaegü 10:2

Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Naanearü ügüchiga 42:21

Natürü ga wüxichigü rü nügümaxã ñanagürügü: —Aixcümaxü̃chi poraãcü chixexü̃ namaxã taxü ga taenexẽ ga Yúche. Yerü woo nüxü̃ nax idauxü̃ nax ngúxü̃ yangexü̃, natürü tama naga taxĩnüe ga yexguma tüxü̃ naca̱a̱xü̃gu nax tüxü̃́ nangechaü̃tümüxü̃xü̃ca̱x. Rü ngẽmaca̱x nixĩ i ñu̱xma taxca̱x ínanguxü̃ i ñaa guxchaxü̃ —ñanagürügü nügümaxã.