Wiyaegü 109:1 - Tupanaarü Ore

¹ Pa Tupanax ¡taxṹ i choxü̃́ nüxü̃ cuxoxü̃ i chorü yumüxẽ!

Wiyaegü 109:1 Referans Kwoze

Wiyaegü 28:1

Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.

Wiyaegü 83:1

Pa Tupanax ¡taxṹ i curüchianexü̃, rü taxṹ i ngẽxma curüxã̱ũ̱xmarexü̃! ¡Rü nangãxü̃ i torü yumüxẽ rü toxü̃ ínanguxü̃xẽxẽ!

Wenaxarü naxümatü ga Tupanaarü mugü 10:21

Erü nüxü̃ nixĩ i namexü̃ nax nüxü̃ picua̱xüü̃güxü̃. Rü nüma nixĩ ya perü Tupana ga pexca̱x naxücü ga yema taxü̃gü ga mexü̃gü ga pexetümaxã nüxü̃ pedaugüxü̃.

Yeremía 17:14

¡Pa Corix, cha̱u̱xca̱x yataanexẽxẽ! Rü ngẽxguma i choma rü tá cha̱u̱xca̱x nitaane. ¡Rü choxü̃ ínapoxü̃! Rü ngẽxguma rü taxũtáma choxü̃ nima̱xgü. Erü cuxü̃xicatama nixĩ i chicua̱xüxü̃xü̃.

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Ichaía 42:14

Rü ñanagürü ga Tupana: —Mucüma ya taunecü rü ichayarüchiane rü taguma chidexa, natürü i ñu̱xma rü tá aita chaxü ñoma wüxi ya ngexe ya ngu̱xnecaxe rü íxraxacüchaü̃xerüxü̃.

Wiyaegü 118:28

Rü cuxna moxẽ chaxã, Pa Corix, rü cuxü̃ chicua̱xüxü̃ erü cuporaxüchi rü chorü Tupana quixĩ.

Wiyaegü 83:2

¡Dücax i ngẽma curü uanügü i cuxchi aiexü̃! Rü nümagü rü nananuexẽxẽ i duü̃xü̃gü nax tama cuga naxĩnüexü̃ca̱x.