Wiyaegü 104:3 - Tupanaarü Ore

³ Rü dexáétüwa cungexma rü ngẽxma dauxü̃gu cuxãchiü̃. Rü ngẽma caixanexü̃ rü cuwexü̃xü̃ cuyaxĩxẽxẽ. Rü yimá buanecü nixĩ ya nagu quixũcü.

Wiyaegü 104:3 Referans Kwoze

Amúx 9:6

Rü nüma ya Cori ya Tupana rü dauxü̃guxü̃ i naanegu nanaxü ya napata ya mexẽchine. Rü nanaxü i ngẽma ngo̱xmaanexü̃ i yáuxü̃ i ñoma i naaneétüwa ngẽxmaxü̃. Rü nüma rü dauxü̃ nanaxĩxẽxẽ i már arü dexá rü ñu̱xũchi ñoma i naanegu nanapuxẽxẽ. Rü Cori ya Tupana nixĩ i naéga.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

2 Chamué 22:11

Rü wüxi ga dauxü̃cüã̱x ga ãxpe̱xatüxü̃étügu naxaunagü rü yema namaxã nigoe. Rü nüxü̃ tadau nax buanecüemagu namaxã yañaxü̃.

Naúü̃ 1:3

Rü nüma ya Cori ya Tupana rü woo nax naporaxü̃ natürü yáxna duü̃xü̃gümaxã naxĩnü. Natürü yíxema chixexü̃ ǘxe rü tama nüxü̃ narüngüma nax tüxü̃ napoxcuxü̃. Rü nüma rü yimá poracü ya buanecügu nixũ. Rü ngẽma caixanexü̃gü rü nacutügüarü caixanexü̃ nixĩgü.

Wiyaegü 139:9

Rü ngẽxguma chi chagonagügu rü éstewa chañaxgu rüe̱xna üa̱xcü írüxücuxü̃gu chaxãchiü̃gu, rü woo i ngéma rü chauétü cuwéme̱x rü curü tügüneme̱xẽ rü tagutáma choxü̃ ninge̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.

Ore i mexü̃ ga Matéu ümatüxü̃ 26:64

Rü Ngechuchu nanangãxü̃ rü ñanagürü: —Ngẽma nüxü̃ quixuxü̃ chixĩ. Rü pemaxã nüxü̃ chixu rü tá nüxü̃ pedaugü ya Tupana Nane ya duü̃xü̃xü̃ ixĩcü i ngẽxguma Nanatü ya Guxü̃étüwa Ngẽxmacüarü tügünecüwawa rütocü rü ngẽxguma caixanexü̃gu wenaxarü núma naxũxgu —ñanagürü.

Wenaxarü naxümatü ga Tupanaarü mugü 33:26

Rü yema namaxã yagúexẽẽãxü̃ ga norü dexa ga Moiché rü ñanagürü: —Pa Iraétanüxü̃x, rü nataxuma i to i perü Tupanamaxã wüxiguxü̃. Rü nüma rü norü poramaxã dauxü̃guxü̃ i caixanexü̃gu nixũ nax perü ngü̃xẽẽwa naxũxü̃ca̱x.

Wiyaegü 148:4

Rü cumax, Pa Daxũguxü̃ i Naanex, rü cumax, Pa Dexá i Caixanexü̃étüwa Ngẽxmaxü̃x, rü name nixĩ i nüxü̃ picua̱xüü̃gü.