Wiyaegü 104:1 - Tupanaarü Ore

¹ Rü guxü̃ma i chorü ĩnümaxã tá nüxü̃ chicua̱xüxü̃ ya Cori ya Tupana. Erü cumax, Pa Cori Pa Chorü Tupanax, rü guxü̃étüwa cungexma rü cuxüüne rü cunangóonexẽxẽ.

Wiyaegü 104:1 Referans Kwoze

Wiyaegü 103:22

Rü guxãma i pema ya Cori ya Tupana pexü̃ ngo̱xexẽxẽx ¡rü Cori ya Tupanaxü̃ picua̱xüxü̃gü i guxü̃ma i norü naanewa! Rü choma rü tá ta guxü̃ i chorü maxü̃maxã Cori ya Tupanaxü̃ chicua̱xüxü̃.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Wiyaegü 96:6

Rü nüma ínangexmaxü̃wa rü nangóone. Rü napatawa nangẽxma i pora rü guxü̃ma namexẽchi.

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

Wiyaegü 93:1

Rü nüma ya Cori ya Tupana rü ãẽ̱xgacü nixĩ. Rü norü üüne nicuxcuchi rü naporaxüchi. Rü nüma rü nachicagu nanaxǘ i ñoma i naane nax tama ngéma yaxũgachixü̃ca̱x.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Wiyaegü 104:35

¡Rü noxtacüma iyanaxo i ngẽma duü̃xü̃gü i chixexü̃gu maxẽxü̃ i ñoma i naanewa! Rü name nixĩ i nataxuma i ngẽma duü̃xü̃gü i chixexü̃ ügüxü̃. Rü guxü̃ma i chauãẽmaxã rü tá nüxü̃ chicua̱xüxü̃ ya Cori ya Tupana. Rü name i Cori ya Tupanaxü̃ ticua̱xüü̃gü.

Wiyaegü 7:1

Pa Cori Pa Chorü Tupanax, cuxme̱xwa chaugü changexmaxẽxẽ, nax ngẽmaãcü choxü̃ ícupoxü̃xü̃ca̱x nüxna i guxü̃ma i ngẽma chowe ingẽxü̃tanüxü̃.

Abacú 1:12

Dücax, Pa Corix, Pa Chorü Tupanax ¿tama ẽ̱xna i cuma i guxü̃guma cungexmaechaxü̃? Erü cuma rü üünecü rü taguma yucü quixĩ. Pa Corix, Pa Chorü Poxü̃ruxü̃x, cuma nixĩ i pora nüxna cuxãxü̃ i ngẽma Cadéugü nax nawa cuyanguxẽẽxü̃ca̱x i ngẽma poxcu i tomaxã cuxueguxü̃.

Danié 7:9

Rü chaunegüwa nüxü̃ chadawenü rü nüxü̃ chadau ga ñuxre ga tochicaxü̃ yexma nuxü̃ rü ñu̱xũchi nüma ya Ãẽ̱xgacü ya Tupana nawa nayarüto. Yema naxchiru rü ñoma gáuxü̃te̱xe i cómüxü̃chixü̃rüxü̃ nixĩ. Rü yema nayae rü nachoxochi ñoma carnérua̱xmü i cho̱xochixü̃rüxü̃. Rü yema toruxü̃ rü nachicugü rü niyauratanücüxü. Rü wüxi ga üxüema ga taxü̃ ga iya̱u̱xraxü̃ nape̱xewa ínaxũxũ. Rü muxü̃ma nixĩ ga yema nüxü̃́ puracuexü̃. Rü muxũchixü̃ma nixĩ ga yema nape̱xegu chigüxü̃. Rü yema poperagü rü nayange̱xgü.

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.