Wiyaegü 102:4 - Tupanaarü Ore

⁴ Rü chorü maxü̃ne rü nayarümaxãchi ñoma maxẽ yarümaãchicürüxü̃. Rü ngẽmaca̱x chaxoóbü rü tama chataiya.

Wiyaegü 102:4 Referans Kwoze

Ichaía 40:7

Rü ngẽma natüane rü nipa rü ngẽma putüra rü narüñe̱xẽxẽ ega Cori ya Tupana nagu cue ñaxgu. Rü ngẽxgumarüxü̃ ta nixĩ i duü̃xü̃güarü maxü̃ nax ñoma natüanerüxü̃ paxaãchica̱xmare yixĩxü̃.

Wiyaegü 37:2

Erü ngẽma duü̃xü̃gü rü paxa tá inayarüxo ñoma maxẽ ya rüñẽ̱xẽcürüxü̃ rü ñoma natüane i pagüxü̃rüxü̃.

Wiyaegü 77:3

Rü nüxna chacua̱xãchi ya Tupana rü chaxaxu. Rü Tupanaarü ngü̃xẽẽca̱x chadau, natürü changechaü̃ erü tama paxa ínangu i norü ngü̃xẽxẽ.

Édra 10:6

Rü yemawena nüma ga Édra rü ínaxũxũ ga Tupanapata ga taxü̃newa rü Yoanáü̃ ga Eriachí nanearü ucapuwa naxũ rü yexma nape ga yema chütaxü̃gu. Rü tama nachibü rü tama naxaxe yerü poraãcüxüchi nangechaü̃ yerü yema Iraétanüxü̃ ga Babiróniawa woeguxü̃ rü tama Tupanaga naxĩnüe.

Ngechuchuarü ngúexü̃gü ga yamugüxü̃arü puracüchiga 9:9

Rü tomaepü̱x ga ngunexü̃ yéma nayexma, rü nangexetü, rü tama nachibü, rü tama naxaxe.

Auxexü̃chiga 3:13

Rü guma naxne ga Cori ya Tupana choxü̃ namaxã namaxü̃ne rü poraãcü chowa íningaxi.

Wiyaegü 102:11

Rü ngẽma chorü ngunexü̃gü rü paxa naxüpetü ñoma wüxi i gáuxchipetaxü̃rüxü̃. Rü chayarümaãchi ñoma maxẽrüxü̃.

Wiyaegü 102:9

Rü ngẽma nax ngúxü̃ chingexü̃gagu rü tama chataiya rü düxwa tanimaca chanangõ̱xmare. Rü ngẽma chorü axexü̃ rü chauxgüxü̃etümaxã naxãéxü̃ erü chomaxã cunuxũchi. Rü ãẽ̱xgacüwa choxü̃ cungu̱xẽxẽ nax yixcüra choxü̃ curütáexü̃ca̱x.

Wiyaegü 69:20

Rü ngẽma nax chomaxã naguxchigagüxü̃ rü poraãcü choxü̃́ nangu̱x. Rü ngẽmaca̱x charümaxãchi rü changearü poraã̱x. Rü natüca̱xma naxca̱x chadau nax texéaxü̃́ changechaü̃tümüxü̃xü̃ rü texé choxü̃ taãẽxẽẽxü̃, natürü taxuxü̃ma ichayangau.

Wiyaegü 42:6

Natürü i ñu̱xmax rü poraãcüxüchima íchayaxoõchi. Rü ngẽmaca̱x, Pa Tupanax, poraãcü cuxna chacua̱xãchi nawa i ñaa naane i natü i Yudáü̃ nawa dapetüxü̃ rü yima ma̱xpǘnegü ya Ermóü̃ rü Michá nawa ngẽxmagüne.

Yox 33:20

Rü ngẽxguma yada̱xawexgu rü nawa nangu nax marü tama nüxü̃ nachi̱xégaxü̃ woo ta̱xacürü õna i chi̱xichixü̃.

Yox 10:1

Rü marü düxwa chipa nax ñoma i naanewa chamaxü̃xü̃. Rü ngẽma ngúxü̃ i chingexü̃gagu rü taxũtáma chaugüna chachogü nax nüxna chaca̱a̱xü̃ nax tü̱xcüü̃ ngúxü̃ choxü̃ yangexẽẽxü̃.

Yox 6:4

Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

2 Chamué 12:17

Rü yema ãẽ̱xgacügü ga norü ngü̃xẽẽruü̃gü ga yéma naxü̃tawa yexmagüxü̃, rü nüxü̃ naca̱a̱xü̃gü nax inachixü̃ca̱x ga ñaxtüanewa. Natürü ga nüma ga Dabí rü tama inachixchaü̃ rü tama natanüwa nachibüchaü̃.

Yox 30:30

Rü cha̱u̱xcha̱xmüxü̃ rü nanawaãchi rü chauxune rü niyauca namaxã i axüne