Wiyaegü 102:25 - Tupanaarü Ore

²⁵ Rü noxriarü ügügu rü cuma cunaxü ga ñoma i naane. Rü cumatama nixĩ ga cunaxüxü̃ ga guxü̃ma i ngẽma dauxü̃wa nüxü̃ idauxü̃.

Wiyaegü 102:25 Referans Kwoze

Naanearü ügüchiga 1:1

Yema Tupana namaxã inaxügüxü̃ nixĩ nax naxüaxü̃ ga guxü̃ma i daxũwa ngẽxmaxü̃ rü ñoma i naane. Natürü ñaa naane ga noxri rü taxũta mea nango̱x yerü dexátüü̃wa nayexma rü naxẽanemare. Rü nüma ga Tupanaãxẽ rü naétügu ínachü̱xüxüxü̃.

Ínachoxü̃xü̃chiga 20:11

Yerü choma i Cori ya Tupana rü 6 ga ngunexü̃gu nixĩ ga chanaxüxü̃ ga daxũguxü̃ ga naane, rü ñoma ga naane rü taxü̃ ga már rü guxü̃ma i ta̱xacü i nawa ngẽxmagüxü̃. Rü ñu̱xũchi icharüngü̃ ga norü 7 ga ngunexü̃gu. Rü yemaca̱x mexü̃ namaxã chaxuegu ga yema ngunexü̃ rü nüxü̃ chixu nax ngẽma ngunexü̃ i üünexü̃gu choxü̃ quicua̱xüxü̃xü̃ca̱x.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.

Naanearü ügüchiga 2:1

Rü yemaacü ningu i ngẽma daxũwa ngẽxmagüxü̃ rü ñoma i naane rü guxü̃ma i nawa ngẽxmagüxü̃.

Wiyaegü 96:5

Rü ngẽma togü i nachixü̃anegüarü tupanagü rü taxuxü̃ma nixĩgü. Natürü nüma ya Cori ya Tupana nixĩ ga naxüxü̃ i guxü̃ma i ngẽma dauxü̃wa nüxü̃ idauxü̃.

Wiyaegü 90:2

Rü nũxcümaxü̃chima naxü̃pa nax cunaxüxü̃ ga ñoma ga naane rü norü ma̱xpǘnegü rü woetama marü Tupana quixĩ. Rü cuma rü guxü̃gutáma cungexmaecha.

Wiyaegü 92:9

Rü ngẽma curü uanügü, Pa Cori Pa Tupanax, rü tá inayarüxo. Rü guxü̃ma i ngẽma chixexü̃ ügüxü̃ rü tá nawoone.

Ichaía 38:10

—Choma rü chaugümaxã ñachagürü: “Taxũtáma nawa nanguyane nax yaxguã̱x chixĩxü̃ rü Tupana chomaxã nanaxuegu nax chayuxü̃ rü ngẽmaãcü yuexü̃tanüwa chayanguxẽẽxü̃ca̱x ya yimá naigü ya taunecü ya choxü̃́ íyaxügücü”, ñachagürü.