Wiyaegü 102:2 - Tupanaarü Ore

² ¡Rü taxṹ i cha̱u̱xcha̱xwa iquicúxü̃ i ngẽxguma guxchaxü̃wa changẽxmagu! ¡Rü choxü̃́ nüxü̃ naxĩnü i chorü yumüxẽ! ¡Rü paxa choxü̃ nangãxü̃ i ngẽxguma cuxna chacagügu!

Wiyaegü 102:2 Referans Kwoze

Wiyaegü 69:17

Rü choma nax curü duü̃xü̃ chixĩxü̃ ¡rü taxṹ i choxna quixũgachixü̃! ¡Rü paxa choxü̃ nangãxü̃! Erü ãũcümaxü̃wa changexma.

Ichaía 8:17

Rü woo nüma ya Cori ya Tupana rü Acóbutanüxü̃cha̱xwa nicu̱x, natürü nüxü̃́ chayaxõõma, erü naxü̃tawa nixĩ i íchananguxẽẽxü̃ i norü ngü̃xẽxẽ.

Wiyaegü 27:9

¡Rü taxṹ i cha̱u̱xcha̱xwa iquicúxü̃, rü taxṹ i curü numaxã choxü̃ cuxoxü̃! Erü cuxicatama nixĩ i chorü ngü̃xẽẽruxü̃ quixĩxü̃. ¡Rü taxṹ i chaxica nua choxü̃ cutáxü̃ nax ngẽmaãcü changemücüxü̃ca̱x! Erü cuma nixĩ ya chorü Tupana rü chorü maxẽẽruxü̃ quixĩxü̃.

Wiyaegü 104:29

Natürü ngẽxguma ícunawogügu rü nümagü rü nanaxĩ̱xãchiãẽgü. Rü ngẽxguma nüxna cunayaxu̱xgu ya buanecü rü nayue rü wenaxarü waixü̃müxü̃ nixĩgü.

Wiyaegü 70:1

Pa Chorü Tupanax ¡paxa nua naxũ nax choxü̃ ícunguxuchixẽxẽxü̃ca̱x! Pa Corix ¡paxa nua naxũ nax choxü̃ curüngü̃xẽxẽxü̃ca̱x!

1 Corintios 10:13

Rü taguma pexca̱x ínangu i ta̱xacürü ngúchaü̃ i chixexü̃ i taxucürüwama duü̃xü̃ yáxna namaxã ĩnüxü̃. Rü name nixĩ i Tupanaaxü̃́ peyaxõ erü nüma rü taxũtáma nawa pexü̃ nawogü i ngúchaü̃gü i taxucürüwama yáxna namaxã pexĩnüexü̃. Natürü ngẽxguma tá ngúchaü̃gü i chixexü̃ pexca̱x ínguxgu, rü nüma rü tá pexü̃ ínapoxü̃ nax tama nagu peyixü̃ca̱x.

Wiyaegü 143:7

Pa Cori Pa Tupanax ¡paxa choxü̃ nangãxü̃! Erü ngẽmatama chayu. ¡Rü taxṹ i cuxoxü̃ nax choxü̃ curüngü̃xẽxẽxü̃! Erü ngẽxguma tama choxü̃ curüngü̃xẽẽgu rü tá chayu naxrüxü̃ i ngẽma yuexü̃.

Wiyaegü 71:2

¡Rü ẽcü chorü uanügüna choxü̃ ínapoxü̃! Erü cuma rü chomaxã quixaixcüma. ¡Rü choxü̃́ nüxü̃ naxĩnü i chorü yumüxẽ rü choxü̃ ínanguxuchixẽxẽ!

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Wiyaegü 40:13

Pa Corix, ¡choxü̃ ínanguxuchixẽxẽ nawa i ngẽma chorü pecadugü rü paxa choxü̃ rüngü̃xẽxẽ!

Wiyaegü 31:2

¡Rü ẽcü choxü̃́ nüxü̃ naxĩnü i chorü yumüxẽ! ¡Rü paxa nua naxũ rü naxme̱xwa choxü̃ ínanguxuchixẽxẽ i chorü uanügü! Rü chanaxwa̱xe i chorü poxü̃ruxü̃ nax quixĩxü̃ i cumax. Rü chanaxwa̱xe nax chorü cu̱xchicaxü̃ nax quixĩxü̃ nax tama choxü̃ yama̱xgüxü̃ca̱x.

Wiyaegü 22:19

Natürü cumax, Pa Corix, nax chorü poraxẽẽruxü̃ quixĩxü̃ ¡rü taxṹ i choxna quixũgachixü̃! ¡Rü paxa nua naxũ rü choxü̃ rüngü̃xẽxẽ!

Wiyaegü 13:1

Pa Cori Pa Tupanax ¿Ñuxguratáta nüxü̃ curüchauxü̃ nax choxü̃ curüngü̃maxü̃? ¿Rü ñuxguratáta nüxü̃ curüchauxü̃ nax cha̱u̱xcha̱xwa iquicúxü̃?

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Yox 7:21

¿Rü ẽ̱xna taxucürüwama choxü̃́ nüxü̃ curüngü̃ma i ngẽma chorü chixexü̃? ¿Rü taxucürüwa ẽ̱xna nüxü̃ curüngü̃ma ga yema chixexü̃ ga chaxüxü̃? Rü paxa tá chayu rü waixü̃mütüü̃wa tá changexma. Rü cha̱u̱xca̱x tá cudau natürü i choma rü marü tá chataxu —ñanagürü ga Yox.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Ínachoxü̃xü̃chiga 2:23

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Wiyaegü 17:1

Pa Corix ¡choxü̃́ nüxü̃ naxĩnü i ngẽma cuxna naxca̱x chacaxü̃, erü wüxi i mexü̃ nixĩ! ¡Rü choxü̃́ nüxü̃ naxĩnü i ngẽxguma tagaãcü curü ngü̃xẽxẽca̱x cuxna chacaxgu! ¡Rü choxü̃́ nüxü̃ naxĩnü i chorü yumüxẽ! Erü choma rü tama wüxi i dorata̱xáxü̃ chixĩ.