Wiyaegü 102:17 - Tupanaarü Ore

¹⁷ Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Wiyaegü 102:17 Referans Kwoze

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Wiyaegü 72:12

Erü nüma ya yimá ãẽ̱xgacü rü tá tüxü̃ ínapoxü̃ ya yíxema ngearü ngẽmaxü̃ã́xẽ ya nüxna caxe. Rü yíxema taxúema tüxü̃ rüngü̃xexẽ́xẽ rü nüma tá tüxü̃ narüngü̃xẽxẽ.

Wiyaegü 22:24

Erü nüma ya Cori ya Tupana rü taguma tüxü̃ inarüngüma ya yíxema ngearü diẽruã̱xgüxe ya ngúxü̃ ingegüxe rü taguma tümacha̱xwa inicu̱x. Rü nüma ya Tupana rü tüxü̃ naxĩnü ega nüxna ica̱xgu, rü tüxü̃ narüngü̃xẽxẽ.

Wiyaegü 9:18

Natürü Tupana rü taxũtáma tüxü̃ inarüngüma ya yíxema ngearü diẽruã̱xgüxe. Rü aixcüma tá tüxna nanaxã i ngẽma ngü̃xẽxẽ i ítananguxẽẽgüxü̃.

Wenaxarü naxümatü ga Tupanaarü mugü 32:36

Rü nüma ya Cori ya Tupana rü tá norü duü̃xü̃güxü̃ ínapoxü̃ i ngẽxguma nüxü̃ nada̱u̱xgu nax marü nangearü poraáxü̃. Rü tá nüxü̃ narüngü̃xẽxẽ i ngẽxguma nüxü̃ nada̱u̱xgu nax marü nataxuxü̃ma i norü duü̃xü̃gü i poraexü̃ i íyaxügüxü̃.

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Neemía 1:11

Pa Corix, cuxü̃ chachixewe nax choxü̃́ nüxü̃ cuxĩnüxü̃ca̱x i ñaa chorü yumüxẽ i cumaxã nüxü̃ chixuxü̃ i chomax nax curü duü̃xü̃ chixĩxü̃. Erü ngẽma chorü ngúchaü̃ i nagu charüxĩnüxü̃ nixĩ nax cuxü̃ chicua̱xüüxü̃. Rü ngẽxgumarüxü̃ ta cuxna naxca̱x chaca nax choxü̃ curüngü̃xẽẽxü̃ nax chomaxã namecümaxü̃ca̱x ya ãẽ̱xgacü —ñachagürü. Rü yexgumaü̃cüxü rü choma rü ãẽ̱xgacü ga Artayérearü bínuarü baeruxü̃ chixĩ.

Wiyaegü 69:23

¡Rü ẽcü yangexetüxẽxẽ rü guxü̃guma yadu̱xrueparagüxü̃!

Neemía 2:20

Natürü ga choma rü chanangãxü̃ga rü ñacharügü: —Nüma ya daxũcüã̱x ya Tupana rü tá toxü̃ narüngü̃xẽxẽ. Toma i norü duü̃xü̃gü rü itanaxügü nax tanamexẽẽxü̃ ya daa ĩanearü poxeguxü̃. Natürü i pemax rü nataxuma i ta̱xacü i pexna üxü̃ nawa i ñaa puracü —ñachagürü nüxü̃.

Wiyaegü 147:2

Rü nüma ya Cori ya Tupana rü wena ínanadaxẽxẽ ya Yerucharéü̃ rü nananutaque̱xe i ngẽma Iraétanüxü̃ i to i nachixü̃anegügu woonexü̃.

Ichaía 40:5

Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Ichaía 44:26

Natürü ngẽma chorü duü̃xü̃güarü ore rü choma rü chayanguxẽxẽ. Rü yimá chorü orearü uruü̃gü rü nüxü̃ charüngü̃xẽẽxü̃ nax mea nüxü̃́ ínanguxuchigüxü̃ i ngẽma nagu naxĩnüexü̃. Rü choma rü nüxü̃ chixu rü wena tá nimu i duü̃xü̃gü ya ĩane ya Yerucharéü̃wa. Rü yima ĩanegü ya Yudáanearü naanewa ngẽxmagüne rü tá wena nimexẽẽgü. Rü tá nüxü̃ charüngü̃xẽxẽxü̃ nax wena ínadaxẽẽgüãxü̃ca̱x ya yima norü ĩanegü.

Yeremía 31:38

Rü nüma ya Cori ya Tupana rü ñanagürü: —Tá ínangu i wüxi i ngunexü̃ i nagu tá wena namexẽxẽxü̃ ya chorü ĩane ya Yerucharéü̃. Rü Ananéarü Dauxü̃taechicawa tá inaxügü rü ñu̱xmata ngẽma Ĩã̱x i Ínapoõchixü̃wa ngẽxmaxü̃wa nangu nax namexẽẽxü̃.