Wiyaegü 101:6 - Tupanaarü Ore

⁶ Rü tá naxca̱x chadau i yatügü i aixcüma mea maxẽxü̃ nax chauxü̃tawa nangẽxmagüxü̃ca̱x rü chorü ngü̃xẽẽruü̃gü yixĩgüxü̃ca̱x.

Wiyaegü 101:6 Referans Kwoze

Wiyaegü 119:63

Rü yíxema cuxü̃ ngechaü̃güxe rü cuga ĩnüexe rü chauenexẽ tixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:3

Rü nüxü̃ chaxĩnü ga wüxi ga naga ga yema tochicaxü̃wa inaxũxü̃ ga tagaãcü ñaxü̃: “Ñaa nixĩ i nachica ya Tupana nawa maxü̃xü̃ natanüwa i duü̃xü̃gü. Rü nüma rü natanüwa tá nangẽxma, rü nümagü rü norü duü̃xü̃gü tá nixĩgü. Rü nüma tátama natanüwa namaxü̃ nax guxü̃guma norü Tupana yixĩxü̃ca̱x.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Ore i mexü̃ ga Matéu ümatüxü̃ 24:45

¿Rü texé tixĩxü̃ ya tümaarü coriarü duü̃xü̃ ya aixcüma yanguxẽẽ́xẽ rü tümaãẽxü̃ cuáxe? ¿Tama ẽ̱xna yíxema tixĩxü̃ ya tümaarü cori tüxna ãgaxe nax mea nüxna tadauxü̃ca̱x rü mea oragu tanachibüexẽxẽxü̃ca̱x i norü duü̃xü̃gü?

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Ucu̱xẽgüchiga 29:2

Ngẽxguma ngẽma duü̃xü̃gü i mexü̃gu rüxĩnüexü̃ ĩanemaxã icua̱xgügu, duü̃xü̃gü rü nataãẽgü. Natürü ngẽxguma ngẽma duü̃xü̃gü i chixexü̃gu rüxĩnüexü̃ ĩanemaxã icua̱xgügu, rü duü̃xü̃gü rü ngúxü̃ ningegü.

Ucu̱xẽgüchiga 28:28

Ngẽxguma ngẽma duü̃xü̃gü i chixexü̃gu rüxĩnüexü̃ ĩanemaxã icua̱xgügu, rü duü̃xü̃gü na̱xcha̱xwa inicu̱xgü. Natürü ngẽxguma ínanguxü̃gu i ngẽma chixexü̃gu rüxĩnüexü̃, rü ngẽma duü̃xü̃gü i mexü̃gu maxẽxü̃ rü tá nüxí yima ĩanemaxã inacua̱xgü, rü tá mea inixũ.

Wiyaegü 34:15

Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.

Ore i mexü̃ ga Cuáü̃ ümatüxü̃ 14:3

Rü ngẽxguma ngéma chaxũxgu rü choxü̃́ namexgu i wüxi i pechica, rü wena táxarü núma chaxũ. Rü pexü̃ tá chayagagü nax ngẽma íchangexmaxü̃wa pengẽxmagüxü̃ca̱x.

Lebítanüxü̃arü puracüchiga 14:42

Rü yimá nutagü ya nadecüchicüxü tá nai ya nutagü ngéma nanucu, rü ngexwaca̱xü̃xü̃ i ñaxruü̃maxã tá nanachaxtapüxgü ya yima ĩxtapü̱x.