Wiyaegü 101:5 - Tupanaarü Ore

⁵ Rü tá chayanangea̱xgüxẽxẽ i ngẽma duü̃xü̃gü i namücügüechita chixri tümachiga idexagüxü̃. Rü taxũtáma yáxna namaxã chaxĩnü i ngẽma duü̃xü̃gü i to̱xguã̱xétüwa nügü ügüxẽxẽchaü̃xü̃ rü ngẽma norü poramaxã nügü icua̱xüxü̃güxü̃.

Wiyaegü 101:5 Referans Kwoze

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Wiyaegü 15:3

rü tama texéchiga chixri idexaxe, rü taxuxü̃ma chixexü̃ tümamücümaxã ǘxe, rü tama chixexü̃ i oremaxã tümamücüxü̃ nga̱xe,

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Wiyaegü 50:20

Rü cuma rü chixri nachiga quidexa ya cumücü. Rü yimá cuenexẽxü̃chi rü namaxã cuguxchiga.

Popera ga Títoca̱x naxümatüxü̃ ga Pauru 2:3

Rü ngẽxgumarüxü̃ ta chanaxwa̱xe i mea cuyaxucu̱xẽgü i ngẽma ngexü̃gü i yáxü̃ nax mea Tupanape̱xewa namaxẽxü̃ca̱x. Rü tama name nax yaxoregüta̱a̱xgüxü̃, rü nangãxẽwa̱xegüxü̃. Rü name nixĩ i guxü̃ i duü̃xü̃güpe̱xewa mea namaxẽ.

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ore i mexü̃ ga Luca ümatüxü̃ 18:14

Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Ucu̱xẽgüchiga 20:19

Ngẽma oregüta̱xáxü̃, rü tama nüxicatama nüxna nadau i ngẽma ore i tama mexü̃ nax guxã nüxü̃ cuáxü̃. Rü ngẽmaca̱x tama name i namaxã cuxãmücü i ngẽma oregüta̱xáxü̃.

Echequié 22:9

Rü cuwa nangẽxma i ñuxre i chixexü̃ i duü̃xü̃gü i ãẽ̱xgacügüpe̱xewa idorata̱xagüxü̃ rü ngẽmagagu nayue i ngẽma taxuxü̃ma i chixexü̃ ügüchiréxü̃. Rü ngẽma duü̃xü̃gü i chixexü̃gu maxẽxü̃ rü ma̱xpǘnegüwa nanaxüchiga i norü naxchicüna̱xãgü, rü ngẽmaãcü nanaxügü i taxü̃ i chixexü̃gü i ãũãchixü̃.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ucu̱xẽgüchiga 25:23

Yimá buanecü ya nórtewaama ne ũcü rü pucü ínanguxẽxẽ. Rü yimá conü ya chixexü̃maxã idexacü rü nu ínanguxẽxẽ.

Ucu̱xẽgüchiga 10:18

Ngẽma idorata̱xáxü̃ rü tama nanango̱xẽxẽ ega ngẽxguma duü̃xẽchi naxaixgu, rü ngẽma tama naãẽxü̃ cuáxü̃ rü naxoregüta̱a̱x.

Wiyaegü 138:6

Rü woo dauxü̃wa nax nangemaxü̃ ya Cori ya Tupana, natürü ngéma nüxü̃ nadawenü i ngẽma tama nügü icua̱xüü̃xü̃. Natürü ngẽma nügü icua̱xüü̃xü̃ rü Tupana rü yáxü̃gutama nüxü̃ nadawenü rü nüxü̃ nacua̱x i ñuxãcü nax yixĩxü̃.

1 Chamué 2:3

Rü tama name i texé tügü ticua̱xüxü̃ i ngẽxguma tidexagu rü tama name i tügü ítarüta, erü Cori ya Tupana ya Guxü̃xü̃ma Cuáxcü rü nanangugü i guxü̃ma i ngẽma naxüxü̃ i wüxichigü i duü̃xü̃.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Ínachoxü̃xü̃chiga 23:1

Rü tama name i doramaxã ícunapoxü̃ i ngẽma duü̃xü̃ i chixexü̃arü üruxü̃ i ngẽxguma ãẽ̱xgacü norü chixexü̃ca̱x nüxna caxgux.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:11

Rü naxma̱xgü i ngẽma yatügü i diácunugü, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü tama name i oregüta̱xaxgüxü̃ nixĩgü, natürü tanaxwa̱xe i mea namaxẽ rü aixcüma nayanguxẽẽgü i guxü̃ma i ngẽma nüxü̃ yaxugüxü̃.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.