Wiyaegü 101:2 - Tupanaarü Ore

² Rü chanaxwa̱xe nax aixcüma mea cuxca̱x chamaxü̃xü̃. ¿Rü ñuxgu tá chauxü̃tawa cuxũ nax choxü̃ curüngü̃xẽẽxü̃ca̱x? Rü ngẽmaãcü i chorü maxü̃ rü aixcüma tá name nape̱xewa i chopatacüã̱xgü.

Wiyaegü 101:2 Referans Kwoze

Wiyaegü 119:106

Choma rü marü cumaxã ichaxuneta rü ngẽma rü tá chayanguxẽxẽ. Rü tá nagu chixũ i ngẽma curü mugü.

Nüxíraxü̃xü̃ ga popera ga ãẽ̱xgacügüchiga 9:4

Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.

Wiyaegü 101:6

Rü tá naxca̱x chadau i yatügü i aixcüma mea maxẽxü̃ nax chauxü̃tawa nangẽxmagüxü̃ca̱x rü chorü ngü̃xẽẽruü̃gü yixĩgüxü̃ca̱x.

Wiyaegü 40:17

Pa Corix, ¡yáxna chomaxã naxĩnü woo nax cupe̱xewa taxuxü̃ma chixĩxü̃, rü changearü poraáxü̃ nax chaugü íchapoxü̃xü̃! Erü cuma nixĩ i choxü̃ curüngü̃xẽxẽxü̃ rü choxü̃ ícupoxü̃xü̃. Rü ngẽmaca̱x, Pa Chorü Tupanax ¡taxṹ i cunuxcüãẽxü̃ nax choxü̃ curüngü̃xẽxẽxü̃!

Nüxíraxü̃xü̃ ga popera ga ãẽ̱xgacügüchiga 11:4

Rü yexguma marü yaxguã̱x yixĩxgu ga Charomóü̃, rü yema naxma̱xgü rü nanatoãẽgü nax yemaacü togü ga tupanagüwe naxũxü̃ca̱x. Rü tama nanatü ga Dabírüxü̃ aixcüma Cori ya Tupanawe narüxũ.

Wenaxarü naxümatü ga Tupanaarü mugü 6:7

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

Norü taxre ga to ga popera ga ãẽ̱xgacügüchiga ümatüxü̃ 15:17

Rü woo ga Yudáanewa rü tama guxü̃ narüxo ga tupananetachicüna̱xãgü, natürü nüma ga Achá rü guxü̃guma mea Cori ya Tupanaga naxĩnü.

1 Chamué 22:14

Rü yexguma ga Aimérex rü ãẽ̱xgacüxü̃ nangãxü̃ rü ñanagürü: —¿Texé i guxü̃ma i curü churaragüerutanüwa, Pa Ãẽ̱xgacüx, i aixcüma cuga ĩnüxe Dabírüxü̃? Rü naétü, Pa Ãẽ̱xgacüx, rü cuã̱xte nixĩ rü naeru nixĩ i ngẽma churaragü i cuxna daugüxü̃. Rü ngẽmaca̱x natachiga i cupatawa, Pa Ãẽ̱xgacüx.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Ichaía 38:3

—Pa Corix, Pa Tupanax, rü cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü poraãcü naxaxu.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

Ínachoxü̃xü̃chiga 20:24

Rü ngẽma ãmarearü guruxü̃ i cha̱u̱xca̱x pexüxü̃ rü chanaxwa̱xe nax waixü̃münaxca̱x nax yixĩxü̃. Rü ngẽmawa tá nixĩ i penaguxü̃ i ngẽma pexü̃nagü i perü ãmare i cha̱u̱xca̱x pedaixü̃ nax pexü̃́ nüxü̃ charüngümaxü̃ca̱x i perü chixexü̃gü. Rü ngẽma wüxichigü i nachica i marü pexca̱x nüxü̃ ichaxunetaxü̃wa rü chanaxwa̱xe i choxna picua̱xãchie. Rü choma rü tá ngéma chaxũ rü tá pexü̃ charüngü̃xẽẽxü̃.

Wiyaegü 26:11

Natürü i choma rü taxuwama nachixe i chorü maxü̃. ¡Rü ngẽmaca̱x chanaxwa̱xe i choxü̃ curüngü̃xẽxẽ rü cuxü̃́ changechaü̃tümüxü̃!