Wiyaegü 100:3 - Tupanaarü Ore

³ ¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Wiyaegü 100:3 Referans Kwoze

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

Wiyaegü 119:73

Rü cumatama nixĩ ga choxü̃ cungo̱xẽẽxü̃ rü maxü̃ choxna cuxãxü̃. Rü ngẽmaca̱x chanaxwa̱xe nax choxna cunaxãxü̃ i cua̱x nax choxü̃́ natauxchaxü̃ca̱x nax naxca̱x changúxü̃ i curü mugü.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Wenaxarü naxümatü ga Tupanaarü mugü 4:39

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Wenaxarü naxümatü ga Tupanaarü mugü 4:35

Rü nüma rü pexca̱x nanaxü ga guxü̃ma ga yema nax yemaacü nüxü̃ pecuáxü̃ca̱x nax nüma yixĩxü̃ ya Cori ya aixcüma Tupana ixĩcü, rü naweama rü nataxuma i to i tupana.

Nüxíraxü̃xü̃ ga popera ga Pedru ümatüxü̃ 2:25

Rü pema ga ü̃pa rü ñoma carnérugü i irütauxexü̃rüxü̃ pixĩgü. Natürü i ñu̱xma rü marü Cristuca̱x pewoegu. Rü nüma nixĩ i perü dauruxü̃ yixĩxü̃, rü nüma nixĩ i pexna nadauxü̃.

Wiyaegü 79:13

Rü ñu̱xũchi i toma nax curü duü̃xü̃gü tixĩgüxü̃ rü guxü̃gutáma moxẽ cuxna taxã. Rü torü wiyaemaxã guxü̃gutáma gucü ya taunecügügu cuxü̃ ticua̱xüü̃gü.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Wiyaegü 78:52

Rü Equítuanewa Iraétanüxü̃xü̃ ínagaxü̃ ñoma carnérugü naxpüü̃wa ígaxü̃xü̃rüxü̃. Rü chianexü̃wa nanagagü ga yema norü duü̃xü̃gü ga Iraétanüxü̃.

Echequié 34:11

Rü choma ya Cori ya Tupana rü ñachagürü: —Chomatátama nüxna chadau i ngẽma chorü carnérugü.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Ichaía 63:19

Rü ñu̱xma rü toma rü ñoma taguma tomaxã icucuáxü̃rüxü̃ tixĩgü. Rü ñoma taguma cuxü̃ tacuáxü̃rüxü̃ tixĩgü.

Ichaía 63:11

Rü nümagü rü nüxna nacua̱xãchie ga yema nũxcüma Moiché üxü̃ ga yexguma Iraétanüxü̃xü̃ ínanguxü̃xẽẽgu. Rü yemaca̱x nügüna nacagüe rü ñanangürügü: —¿Ngexcü nixĩ ya yimá Tupana ga ñoma wüxi ga carnéruarü dauruü̃rüxü̃ Iraétanüxü̃xü̃gümaxã icuácü ga yexguma márwa yachoü̃gu? ¿Rü ñu̱xmax, rü ngextá nixĩ i nangẽxmaxü̃ ya yimá Tupana ga Moichéna namucü ga Naãxẽ ya Üünecü?

Norü taxre ga popera ga ãẽ̱xgacügüchiga 19:19

Rü ñu̱xmax, Pa Corix, Pa Torü Tupanax, ¡rü ngẽma Achíriaanearü ãẽ̱xgacüme̱xẽwa toxü̃ ínanguxü̃xẽxẽ nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

Wenaxarü naxümatü ga Tupanaarü mugü 7:9

Rü ngẽmaca̱x penaxwa̱xe nax nüxü̃ pecuáxü̃ nax nüma ya Cori ya Tupana rü aixcümaxü̃chi Tupana yixĩxü̃. Rü woo 1,000 e̱xpü̱xcüna yamuxgu i duü̃xü̃gü rü nüma ya Tupana rü guxü̃guma nayanguxẽxẽ i norü uneta i naxüxü̃ naxca̱x i ngẽma duü̃xü̃gü i ingóetanüxü̃ i nüxü̃ ngechaü̃güxü̃ rü yanguxẽẽgüxü̃ i norü mugü.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.

Wiyaegü 12:4

Rü nümagü rü ñanagürügü: —Toma rü mea nüxü̃ tacua̱xgü nax tidexagüxü̃ rü torü oremaxã togü ítapoxü̃. ¿Rü texé tá toxü̃ tarüngea̱xgüxẽxẽ? —ñanagürügü.

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Ínachoxü̃xü̃chiga 6:7

Rü pexü̃ tá chade nax chorü duü̃xü̃gü pixĩgüxü̃ca̱x. Rü choma tá nixĩ i perü Tupana chixĩxü̃. Rü ngẽmawa tá nüxü̃ pecua̱x nax choma ya perü Cori ya Tupana yixĩxü̃ i pexü̃ íchanguxü̃xẽẽxü̃ nawa ga yema puracügü i yáxü̃ i Equítuanecüã̱xgü peétü nugüxü̃.

Wenaxarü naxümatü ga Tupanaarü mugü 32:6

¿Rü ñuxãcü i ñu̱xma i pema rü chixexü̃maxã Cori ya Tupanaaxü̃́ penaxütanüxü̃? Pa Duü̃xü̃gü i Peechitamare Maxẽxe rü Ngearü Cuáã̱xgüxex ¿tama ẽ̱xna nüxü̃ pecua̱x nax yimá yixĩxü̃ ya penatü ya pexü̃ ngóexẽẽcü? Rü aixcüma yimá nixĩ ya pexü̃ ngóexẽẽcü, rü pexna naxãcü i perü maxü̃ nax ñu̱xma duü̃xü̃gü pixĩgüxü̃.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:14

Rü nüma nixĩ i Cori ya tórü Tupana yixĩxü̃. Rü nüma nixĩ i ñoma i naanemaxã inacuáxü̃.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.