Wiyaegü 100:2 - Tupanaarü Ore

² ¡Rü taãxẽãcü penataxẽxẽ ya Cori! ¡Rü taãxẽãcü naxca̱x pewiyaegü rü nüxü̃ picua̱xüxü̃gü!

Wiyaegü 100:2 Referans Kwoze

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Wiyaegü 71:23

Rü ngẽmaãcü taãẽãcüma cha̱u̱a̱xmaxã tá cuxca̱x chawiyae, rü cuxü̃ chicua̱xüxü̃ erü cuma rü choxü̃ cumaxẽxẽ.

Wiyaegü 95:2

¡Rü ngĩxã naxca̱x taxĩ rü moxẽ nüxna taxã rü wiyaegümaxã nüxü̃ ticua̱xüxü̃gü!

Wenaxarü naxümatü ga Tupanaarü mugü 28:47

Erü tama taãẽãcüma rü quixaixcümaãcüma nüxü̃ quicua̱xüxü̃ ya Cori ya curü Tupana ga yexguma cuxü̃ nangü̃xẽẽgu rü muxü̃ma ga ngẽmaxü̃gü cuxna naxãxgu.

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wenaxarü naxümatü ga Tupanaarü mugü 12:12

Rü ngẽma nachicawa i Cori ya Tupanape̱xewa rü tá penaxüchiga wüxigu namaxã i penegü rü pexacügü rü perü puracütanüxü̃ rü ngẽma Lebítanüxü̃ i petanüwa maxẽxü̃. Erü nümagü i Lebítanüxü̃ rü taxuxü̃ma i naanegü nayauxgü i perü naanewa.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Wenaxarü naxümatü ga Tupanaarü mugü 16:14

Rü ngẽma petagu rü tá petaãẽgü namaxã i pexacügü, rü perü mugüruü̃gü, rü Lebítanüxü̃, rü ngẽma duü̃xü̃gü i to i nachixü̃anecüã̱xgü, rü taxcutagü rü yutegüxe i perü ĩanegüwa ngẽxmagüxe.

Nüxíraxü̃xü̃ ga popera ga ãẽ̱xgacügüchiga 8:66

Rü moxü̃ãcü ga Charomóü̃ rü guxü̃ma ga yema duü̃xü̃güxü̃ narümoxẽ nax nachiü̃ca̱x nawoeguxü̃ca̱x. Rü nüma ga duü̃xü̃gü rü norü ãẽ̱xgacümaxã mexü̃ naxuegugü. Rü taãẽãcüma nawoegu yerü Tupana rü nüxü̃ nanawe̱x nax ñuxãcü poraãcü norü duü̃ ga Dabítanüxü̃xü̃ nangechaü̃xü̃, rü ñuxãcü poraãcü nüxü̃ nax nangü̃xẽẽxü̃ i guxü̃ma i norü duü̃xü̃gü i Iraéanecüã̱xgü.

Norü taxre ga to ga popera ga ãẽ̱xgacügüchiga ümatüxü̃ 31:2

Rü yemawena ga Echequía rü nüxü̃ nayanu ga yema puracü ga nüxna ixüchigüxü̃ ga yema chacherdótegü rü Lebítanüxü̃. Rü yexgumarüxü̃ ta nüxü̃ nayanu ga norü ngunexü̃gü ga nagu tá naxügüãxü̃ ga norü puracü. Rü chacherdótegüna nanaxã ga puracü nax wüxichigü ga ngunexü̃gu ãmarearü guruü̃wa ãmaregü ínagugüxü̃, rü yexgumarüxü̃ ta nax yagugüãxü̃ ga yema ãmaregü ga Tupanaarü ngüxmüxẽẽruü̃gü. Rü yema Lebítanüxü̃na nanaxã ga norü puracü nax Tupanana moxẽ naxãgüxü̃ rü nüxü̃ yacua̱xüü̃güxü̃. Rü yema totücumü ga Lebítanüxü̃ rü nüxna nanaxã ga norü puracü nax Tupanapata ga taxü̃neaarü ĩã̱xgüna nadaugüxü̃.

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.