Wiyaegü 10:7 - Tupanaarü Ore

⁷ Rü naã̱xwa ínaxũxũ i chixexü̃ i dexa, rü doraxü̃ nixu, rü naguxchigawa̱xe. Rü ngẽxguma yadexaxgu rü mexü̃ i oregu nayacu̱x i ngẽma chixexü̃ i nagu naxĩnüxü̃, rü ngẽmaãcü tüxü̃ nawomüxẽxẽ ya duẽxẽgü.

Wiyaegü 10:7 Referans Kwoze

Wiyaegü 7:14

¡Rü dücax, nüxü̃ peda̱u̱x i ngẽma chixexü̃arü üruxü̃! Rü nüma rü pora naxü nax yanguxẽẽãxü̃ca̱x i ngẽma chixexü̃ i nagu naxĩnüxü̃, rü ngẽmaãcü nanango̱xẽxẽ i ngẽma dora i namaxã tá duü̃xü̃güxü̃ nawomüxẽẽxü̃.

Yox 20:12

Rü ngẽma chixexü̃ i naxüxü̃ rü ñoma maixcuraxü̃rüxü̃ naxca̱x ixĩxü̃, rü norü conütüxü̃gu namaxã nanguxü̃, rü nügüã̱xwa tama ínanaxũxü̃xẽxẽ.

Wiyaegü 140:3

Rü yima norü conü rü ñoma ãxtapearü conürüxü̃ naxãmagu. Rü ngẽma norü dexa rü ãxtapeguchatarüxü̃ nixĩ.

Wiyaegü 73:8

Rü duü̃xü̃güxü̃ nacugüe rü tümagu nidauxcüraxü̃gü rü chixexü̃ tümamaxã nixugüe. Rü chixexü̃maxã rü ma̱xmaxã duü̃xü̃güxü̃ naxãxũnegü. Rü nügü yacua̱xüü̃güãcüma nidexagü.

Wiyaegü 64:3

Erü norü conü rü ñoma tararüxü̃ nate̱xechi nax doraxü̃ yaxuxü̃. Rü ñoma naxnegürüxü̃ inanaña i norü dexagü i poraãcü tüxü̃́ nangu̱xẽẽxü̃.

Wiyaegü 59:12

Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!

Wiyaegü 52:4

Rü curü me nixĩ nax curü conümaxã to̱xguã̱xü̃ quixuxü̃ rü curü me nixĩ nax to̱xguã̱xchiga doraxü̃ quixuxü̃.

Wiyaegü 36:3

Rü ngẽma duü̃xü̃ i chixexü̃ rü ngẽxguma yadexagu rü taguma mexü̃ i orexü̃ nixu rü doraxü̃xicatama nixu. Rü wüxi i duü̃xü̃ i tama naãẽxü̃ cuáxü̃ nixĩ, rü taguma mexü̃ naxü.

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Yeremía 9:6

Rü Cori ya Tupana rü ñanagürü —Cumax, Pa Yeremíax, rü duü̃xü̃gü i womüxẽẽgüwa̱xexü̃tanüwa cungexma. Rü ngẽma doragu nax namaxẽxü̃gagu tama choxü̃ nacua̱xgüchaü̃.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ucu̱xẽgüchiga 30:8

¡Rü choxü̃ rüngü̃xẽxẽ nax tama chidoraxü̃ca̱x! Rü tama chanaxwa̱xe nax choxü̃ cumuarü diẽruã̱xẽẽxü̃ rüe̱xna changearü diẽruã́xü̃. ¡Rü ẽcü choxna naxã i ngẽma nagu mexü̃ nax choxü̃́ nangẽxmaxü̃ca̱x i wüxichigü i ngunexü̃arü õna!

Ucu̱xẽgüchiga 21:6

Ngẽma diẽru i womüxẽẽãcü iyaxuxü̃, rü taxuwama name, rü wüxi i paxaãchiruü̃mare nixĩ naxca̱x i ngẽma duü̃xü̃gü i yuca̱x daugüxü̃.

Wiyaegü 62:4

Rü ngẽma duü̃xü̃gü i chixexü̃ rü ngẽma nagu naxĩnüexü̃xicatama nixĩ nax choxü̃ ínata̱xüchigüxü̃. Rü ngẽma namaxã nataãẽgüxü̃ nixĩ i norü dora. Rü naã̱xmaxã choxü̃ nicua̱xüü̃gü, natürü norü ĩnüwa rü chomaxã naguxchigagü.

Wiyaegü 58:3

Rü ngẽma chixexü̃gu maxẽxü̃ i duü̃xü̃gü rü woetama naéanüwa nixĩ i chixexü̃ nüxna nguxü̃. Rü ngẽma idorata̱xáxü̃ rü woetama nabuxgucürüwa rü ngẽma dora namaxã inacua̱x.

Wiyaegü 55:21

Rü ngẽxguma yadexagügu rü ore i mexechixü̃maxã nidexagü, natürü i norü ĩnüwa rü daigu narüxĩnüe. Rü mexẽchixü̃ i dexamaxã nidexagü, natürü ngẽma dexagü rü ñoma taragü i nachiü̃wa ituxuchigüxü̃rüxü̃ nixĩgü.

Wiyaegü 41:6

Rü ngẽxguma choxü̃ íyadaugügu i ngẽma nax chida̱xawexü̃ rü chomücüxü̃ nügü nixĩxẽẽnetagü. Natürü chauxchi naxaie rü nataãẽgü i ngẽxguma nüxü̃ nadaugügu nax ngúxü̃ chingexü̃. Rü ngẽxguma choxna nawoegu̱xgu rü choxü̃ nacugüe.

Wiyaegü 12:2

Rü nügütanüwa i duü̃xü̃gü rü nügü nawomüxẽẽgü. Rü mea nidexagüneta rü tama aixcümaxü̃ nixugü.

Wiyaegü 5:9

Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Yox 15:35

Rü nümagü rü guxchaxü̃ nax naxügüxü̃ca̱x nadaugü, rü ngẽmaãcü chixexü̃ naxügü rü nawomüxẽẽtaegü —ñanagürü ga Erifá.

Wiyaegü 50:19

Rü cua̱x rü chixexü̃ i oremaxã nidexa, rü curü conü rü doraxü̃ nixu.

Wiyaegü 59:13

¡Rü curü numaxã yanaxoxẽxẽ i ngẽma duü̃xü̃gü! ¡Rü noxtacüma nayuexẽxẽ nax ngẽmaãcü guxü̃ma i duü̃xü̃gü nüxü̃ nacua̱xgüxü̃ca̱x nax cuma rü Iraétanüxü̃maxã icucuáxü̃ rü guxü̃ i ñoma i naanemaxã icucuáxü̃!

Amúx 8:4

Rü Cori ya Tupana rü ñanagürü: —¡Nüxü̃ pexĩnüe i pemax nax chixri tümamaxã pixĩgüxü̃ ya yíxema taxuxü̃ma tüxü̃́ ngẽxmagüxe rü tüxü̃ pedaixü̃ ya yíxema ingearü diẽruã̱xgüxe i ñaa nachixü̃anewa ngẽxmagüxe!