Wiyaegü 10:5 - Tupanaarü Ore

^5-6 Rü ngẽma naxüxü̃wa rü guxü̃guma mea nüxü̃́ ínanguxuchi. Rü nüma rü nüxü̃ naxo i curü mugü, Pa Tupanax. Rü nagu naxĩnügu rü tagutáma cunapoxcu. Rü norü uanügüxü̃ nacugü, rü nagu narüxĩnü nax taxúetama nüxü̃ rüporamaexü̃ rü tagutáma guxchaxü̃ nüxü̃́ ngẽxmaxü̃.

Wiyaegü 10:5 Referans Kwoze

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Romanos 3:16

Rü ngextá ítaxũxü̃wa rü duü̃xü̃güxü̃ tachixexẽxẽ rü tanangechaü̃xẽxẽ.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Ichaía 42:25

Rü yemaca̱x ga Tupana rü poraãcü yema Iraétanüxü̃maxã nanu. Rü nanayexrü nax norü uanügümaxã nügü nada̱i̱xü̃ca̱x. Rü norü uanügü nüxü̃ narüporamae rü ínanagu ga norü ĩanegü. Natürü woo yemaacü nüxü̃ nangupetü rü nüma ga Iraétanüxü̃ rü tama inaxĩnüechaü̃ —ñanagürü ga Ichaía.

Ichaía 28:15

Pemax rü ñaperügügü: —Taxucürüwa i torü uanü toxü̃ nadai erü marü wüxi i uneta taxü nax tama tayuexü̃ca̱x rü togü toxü̃ ínapoxü̃xü̃ca̱x —ñaperügügü. Natürü ngẽma uneta rü yuwa tá pexü̃ nagagü erü wüxi i womüxẽẽmare nixĩ.

Ichaía 10:1

¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Ucu̱xẽgüchiga 24:1

¡Taxṹ i naxca̱x quixãũxãchixü̃ i ngẽma nacüma i ngẽma duü̃xü̃gü i chixexü̃ ügüxü̃! ¡Rü taxṹ cuxü̃́ nangúchaü̃xü̃ nax namaxã cuxãmücüxü̃! Erü nümagü rü ma̱xguxicatama narüxĩnüe, rü ngẽxguma yadexagügu rü nachiga nidexa i ngẽma chixexü̃ i naxügüxü̃. -20-

Ucu̱xẽgüchiga 15:24

Yimá yatü ya naãẽxü̃ cuácü, rü nama i dauxü̃wa daxü̃gu nixũ, rü ngẽmaãcü nügü ínanguxuchixẽxẽ nüxna i yu.

Ucu̱xẽgüchiga 1:19

Rü ngẽma duü̃xü̃gü i naxca̱x ñu̱xãẽgüxü̃ nax ngĩ́ãcü nanutaque̱xeãxü̃ i norü ngẽmaxü̃gü, rü ngẽma norü chixexü̃gagu tá nayue.

Nüxíraxü̃xü̃ ga popera ga ãẽ̱xgacügüchiga 20:13

Rü yexgumayane rü wüxi ga Tupanaarü orearü uruxü̃ rü Acáx ga Iraéanearü ãẽ̱xgacüxü̃tawa nangu rü ñanagürü: —Nüma ya Cori ya Tupana rü cumaxã nüxü̃ nixu rü ñanagürü: “Woo nüxü̃ cudau i ngẽma muxũchixü̃ i curü uanügü natürü i choma rü ñomatama i ngunexü̃ rü tá cuxme̱xgu chanayixẽxẽ nax ngẽmawa nüxü̃ cucuáxü̃ca̱x nax chaxicatama Tupana chixĩxü̃” —ñanagürü.

2 Chamué 5:6

Rü nüma ga ãẽ̱xgacü ga Dabí rü norü churaragümaxã Yerucharéü̃wa naxĩ nax naxca̱x íyaxü̃ãchixü̃ca̱x ga yema Yebuchéutanüxü̃ ga yema naanegu ãchiü̃güxü̃. Rü nüma ga Yebuchéutanüxü̃ rü nagu narüxĩnüe nax taxũtáma Dabíaxü̃́ natauxchaxü̃ ga guma ĩanegu nax naxücuxü̃. Rü yemaca̱x ñanagürügü nüxü̃: —Cuma rü taxũtáma nuxã cuxücu erü woo ngẽma ingexetüxü̃ rü ichixeparaxü̃ rü ningu nax ínapoxü̃güãxü̃ ya daa ĩane nax tama nagu cuxücuxü̃ca̱x —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 9:38

Rü Chebúx nanangãxü̃ rü ñanagürü: —¡Ñu̱xma idexa, Pa Ídexaechaxü̃! Cumax, nixĩ ga ñacuxü̃: “Abimeréx rü taxuxü̃ma nixĩ, rü taxuca̱xma norü mugüruü̃gü tixĩgü i yixemagü”, ñacuxü̃. ¡Rü ñu̱xma nüxü̃ nadau rü ngẽmagü nixĩ i churaragü i cuxca̱x taxuxü̃ma ixĩgüxü̃! ¡Rü inaxũãchi rü namaxã cugü yadai! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:27

Rü yémacüã̱x ga duü̃xü̃gü rü naanewa naxĩ nax norü úba yanabuxgüxü̃ca̱x. Rü norü bínu nanaxügü, rü yexguma marü nüxü̃́ namexgu ga norü bínu rü napetaegü. Rü norü tupananetapatawa nügümaxã nachibüe rü naxaxegü. Rü yéma chixexü̃ Abimeréxmaxã naxuegugü.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Wiyaegü 73:3

Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.