Wiyaegü 10:4 - Tupanaarü Ore

⁴ Rü ngẽma yatü i chixexü̃ rü nügü nicua̱xüxü̃ rü ñanagürü: —Nataxuma ya Tupana. Rü taxúetama choxna taca nachiga i ngẽma chaxüxü̃ —ñanagürü. Rü ngẽmaguxicatama narüxĩnü.

Wiyaegü 10:4 Referans Kwoze

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ngechuchuarü ngúexü̃gü ga yamugüxü̃arü puracüchiga 8:22

¡Nüxü̃ rüxo i ngẽma curü chixexü̃, rü Tupanana naca nax cuxü̃́ nüxü̃ rüngü̃maxü̃ca̱x! Rü bexmana tá cuxü̃́ nüxü̃ iyanangü̃ma i ngẽma chixexü̃ i cuãxẽwa nagu curüxĩnüxü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Ichaía 65:2

Rü guxü̃ i ngunexü̃gu íchamemare nax chanadexü̃ i ngẽma duü̃xü̃gü i tama chauga ĩnüexü̃ i chixexü̃weama rüxĩxü̃ rü noxrütama ngúchaü̃ ügüamaxü̃.

Wiyaegü 53:1

Rü ngẽma duü̃xü̃gü i naechita maxẽmarexü̃ rü ñanagürügü: —Nataxuma ya Tupana —ñanagürügü. Rü ngẽma duü̃xü̃gü rü chixexü̃gu narüxĩnüe rü chixexü̃ naxügü. Rü tataxuma ya texé ya mexü̃ üxe, rü bai i wüxi.

Yox 22:17

Rü ngẽma duü̃xü̃gü i chixexü̃gu maxẽxü̃ rü Tupanaca̱x wáita naxüe rü ñanagürügü: “¡Taxṹ i toxü̃ cuchixewexü̃! ¿Ta̱xacürü mexü̃ tá toxca̱x cuxü, Pa Tupana ya Guxãétüwa Ngẽxmacü?” ñanagürügü.

Ínachoxü̃xü̃chiga 5:2

Natürü ga nüma ga Faraóü̃ rü nanangãxü̃, rü ñanagürü: —¿Texé tixĩ ya yíxema “Cori”, ixĩxẽ, rü ta̱xacüca̱x tá naga chaxĩnü rü chayange̱xgü i ngẽma Iraétanüxü̃ i duü̃xü̃gü? Choma rü tama nüxü̃ chacua̱x i ngẽma Tupana i nachiga pidexagüxü̃ rü taxũtáma chayange̱xgü i ngẽma Iraétanüxü̃ —ñanagürü.

Ore i mexü̃ ga Márcu ümatüxü̃ 7:21

Erü norü aixepewa i naãxẽwa ne naxĩ i muxü̃ma i chixexü̃gü ngẽxgumarüxü̃ nax chixexü̃gu naxĩnüxü̃, rü naxü̃nearü ngúchaü̃gu nax namaxü̃xü̃, rü nangĩ́xü̃, rü namáetaxü̃, rü nai i ngexü̃maxã namaxü̃xü̃, rü togüarü ngẽmaxü̃ nüxü̃́ ngúchaü̃xü̃, rü chixexü̃gu namaxü̃xü̃, rü nawomüxẽẽwa̱xexü̃, rü chixexü̃ i nacümagü, rü naxauxãchiwa̱xexü̃, rü naxoregüta̱xáxü̃, rü nügü yacua̱xüxü̃xü̃, rü tama mea naãxẽxü̃ nacuáxü̃.

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Ichaía 59:7

Rü pepaxaãẽgü nax pemáetagüxü̃ rü tüxü̃ pima̱x ya yíxema taxuxü̃ma i chixexü̃ üxe. Rü máetaguxicatama perüxĩnüe rü ngẽmaca̱x penadai i duü̃xü̃gü rü ngẽma ípechopetüxü̃wa rü guxü̃ma nachixe.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Ichaía 2:11

Rü ngẽma ngunexü̃ i nagu ínanguxü̃ ya Cori ya Tupana, rü ngẽma nügü icua̱xüü̃güxü̃ rü nape̱xewa tá naxãnee, rü ngẽma nügü írütagüxü̃ rü nape̱xewa rü tá taxuwama nime. Rü nüxicatama ya Cori ya Tupana rü tá inanawe̱x i norü pora i ngẽma ngunexü̃gu.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Ucu̱xẽgüchiga 6:17

Rü ñaagü nixĩ: yima naxetü ya nügü icua̱xü̃ne, rü yimá conü ya idoreta̱xácü, rü yima naxme̱x ya tüxü̃ imáxe ya duü̃xẽ ya taxuxü̃ma i chixexü̃ ǘxe, rü ngẽma naãxẽ i chixexü̃gu rüxĩnüxü̃, rü yima nacutügü ya paxa ixüãchine nax chixexü̃ naxügüxü̃ca̱x, rü ngẽma poxü̃ruxü̃neta i dorata̱xáxü̃, rü ngẽma daica̱x dauxü̃ i naenexẽgümaxã.

Wiyaegü 101:5

Rü tá chayanangea̱xgüxẽxẽ i ngẽma duü̃xü̃gü i namücügüechita chixri tümachiga idexagüxü̃. Rü taxũtáma yáxna namaxã chaxĩnü i ngẽma duü̃xü̃gü i to̱xguã̱xétüwa nügü ügüxẽxẽchaü̃xü̃ rü ngẽma norü poramaxã nügü icua̱xüxü̃güxü̃.

Wiyaegü 36:1

Rü ngẽma duü̃xü̃ i tama Tupanaga ĩnüxü̃ rü ngẽma pecadu nixĩ i norü ĩnüwa nüxü̃́ nangúchaü̃xẽẽxü̃ nax chixexü̃ naxüxü̃ca̱x. Rü ngẽmaca̱x taguma nagu narüxĩnü nax Tupanaxü̃ namuü̃xü̃.

Wiyaegü 27:8

Rü chauãẽwa rü chaugümaxã ñachagürü: —Cori ya Tupanaca̱x tá chadau —ñachagürü. Rü ngẽmaca̱x i chomax, Pa Corix, rü cuxca̱x chadau.

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Wiyaegü 73:11

Rü nügümaxã ñanagürügü: —Nüma ya Tupana rü taxũtáma nüxü̃ nacua̱x i ngẽma ixügüxü̃. Rü Yimá Guxãétüwa Ngẽxmacü rü taxũtáma nüxü̃ nacua̱xama —ñanagürügü.

Ngu̱xẽẽtaeruü̃arü ore 8:11

Rü ngẽxguma tama paxa napoxcugu i ngẽma chixexü̃arü üruxü̃, rü ngẽma togü i duü̃xü̃gü nagu narüxĩnüe nax nümagü rü ta chixexü̃ naxügüxü̃.

Chofonía 1:12

Rü ngẽma ngunexü̃gu rü choma ya Tupana rü omügümaxã guxü̃wama i Yerucharéü̃wa tá mea naxca̱x chadau i ngẽma duü̃xü̃gü i chixexü̃ ügüxü̃. Rü tá chanapoxcue i ngẽma duü̃xü̃gü i ñoma bínu ya marü tama ichicacürüxü̃ ixĩgüxü̃. Rü nümagü rü inarüchomare rü taxuguma narüxĩnüe. Rü nügümaxãtama ñanagürügü: “Nüma ya Cori ya Tupana rü taxuxü̃táma i mexü̃ rüe̱xna chixexü̃ tamaxã naxü”, ñanagürügü.