Wiyaegü 10:3 - Tupanaarü Ore

³ Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

Wiyaegü 10:3 Referans Kwoze

Wiyaegü 94:4

Rü guxü̃ma i ngẽma chixexü̃ ügüxü̃ rü nadauxcüraxü̃wa̱xegü rü togüétüwa nügü naxügüxẽxẽ rü norü poramaxã nügü nicua̱xüü̃gü.

Ore i mexü̃ ga Luca ümatüxü̃ 12:19

Rü ngẽxguma marü namexgu i guxü̃ma, rü chaugümaxã tá ñacharügü: ‘Ñu̱xma rü tá icharüngü̃ rü mea tá chachibü rü mea chaxaxe rü ngẽmaãcü tá chataãxẽ. Erü namuxũchi i chorü ngẽmaxü̃gü, rü mucüma ya taunecü tá choxü̃́ natai’, ñacharügü tá chaugümaxã”.

Ichaía 37:23

¿Rü texéchiga nixĩ ga chixri quidexaxü̃ rü texémaxã nixĩ ga cuguxchigaxü̃? ¿Rü texémaxã nixĩ ga quipuraxü̃ rü cunuxetüxü̃? Rü cumaxã nüxü̃ chixu rü chomaxã nixĩ i cunuxü̃ i choma i Iraétanüxü̃arü Tupana ya Üünecü.

Ucu̱xẽgüchiga 28:4

Ngẽma nüxna ixĩgachitanüxü̃ i Cori ya Tupanaarü mugü, rü nüxü̃ nicua̱xüü̃gü i ngẽma chixexü̃ ügüxü̃. Natürü ngẽma naga ĩnüexü̃ i Coriarü mugü, rü tama namaxã nataãẽgü i ngẽma chixexü̃ ügüxü̃.

Wiyaegü 49:6

Rü nümagü rü norü diẽruguama narüxĩnüe rü muxü̃ i norü ngẽmaxü̃gümaxã nügü nicua̱xüü̃gü.

Wiyaegü 35:21

Rü poraãcü choxü̃ nacugüe rü chauchiga nidexagü rü ñanagürügü: —Dücax, toxetümaxã nüxü̃ tadau nax chixexü̃ naxüxü̃ —ñanagürügü.

Wiyaegü 5:6

Rü ngẽma idorata̱a̱xgüxü̃ rü icuyanaxoxẽxẽ. Rü cuma rü nüxü̃ cuxo i ngẽma womüxẽẽwa̱xegüxü̃ rü máetagüxü̃.

Yox 31:24

Rü taguma chorü ngẽmaxü̃güna charüyoe.

Wenaxarü naxümatü ga Tupanaarü mugü 29:19

Rü nawena nax marü nüxü̃ pexĩnüexü̃ i ñaa unetaarü dexa, rü ngẽxguma chi ngexerüxe i petanüwa rü nüxü̃ ixuxgu nax taxuxü̃ma i chixexü̃ naxüxü̃ rü ñaxü̃gu naxĩnügu: “Rü guxü̃ma i ta̱xacü i chaxüxü̃wa rü mea tá choxü̃́ ínanguxuchi woo ngẽma choma chanaxwa̱xexü̃ chaxümaregu”, ñaxü̃gu naxĩnügu, rü nagagu tá nixĩ i Cori ya Tupana poxcu naxca̱x ínguxẽẽxü̃ i guxü̃ma i Iraétanüxü̃.

Ínachoxü̃xü̃chiga 15:9

Rü ngẽma uanü rü norü ĩnüwa rü ñanagürü: “Nawe tá change ñu̱xmatáta nüxü̃ ichayangau. Rü ngẽxguma nüxü̃ ichayangauxgu rü tá chanayaxu i chorü tara rü chorü poramaxã tá chayama̱x. Rü nüxna tá chanapuxü̃ i guxü̃ma i norü ngẽmaxü̃gü i chanaxwa̱xexü̃. Rü tá ichayanu i ngẽma nüxna chapuxü̃xü̃”, ñaxü̃gu narüxĩnü.

Nüxíraxü̃xü̃ ga popera ga Cuáü̃ ümatüxü̃ 2:15

¡Taxṹ i pexü̃́ nangúchaü̃xü̃ i ñoma i naane rü norü ngẽmaxü̃gü! Ngẽxguma chi texéaxü̃́ nangúchaü̃gu i ñoma i naane rü tama Tanatü ya Tupanaxü̃ tangechaü̃.

Popera ga Chantiágu ümatüxü̃ 4:13

¡Choxü̃́ iperüxĩnüe i pema nax ñapegügüxü̃: “Ñu̱xma rüe̱xna moxü̃ tá nai ya ĩanewa taxĩ, rü wüxi ya taunecü tá ngẽxma tayayaxu, rü tá ngéma tataxegü nax mucü i diẽru ngĩxü̃ iyaxuxü̃ca̱x”, ñaperügügü!

Colosenses 3:5

Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Romanos 1:32

Rü nümagü i ngẽma duü̃xü̃gü rü meama nüxü̃ nacua̱xgüchire̱x rü Tupana rü marü namaxã nanaxuegu nax noxtacüma nayuexü̃ i ngẽma duü̃xü̃gü i ngẽmaãcü maxẽxü̃. Natürü woo meama nüxü̃ nacua̱xgüchire̱x i guxü̃ma i ngẽma, natürü nanaxügüama i ngẽma chixexü̃, rü nataãẽgü ega togü naxü̱xgu.

Romanos 1:29

Rü düxwa ga yema duü̃xü̃gü rü guxü̃raü̃xü̃ ga chixexü̃gu narüxĩnüe. Rü tama aixcüma mea naxma̱xmaxã rü natemaxã namaxẽ. Rü naxaü rü nügüna nananugüchaü̃ i guxü̃ma. Rü chixexü̃gu namaxẽ. Rü nixãũxãchiwa̱xegü, rü namáetagü, rü nanuewa̱xegü, rü nawomüxẽẽwa̱xegü, rü naxü̃nearü ngúchaü̃ nüxü̃ napora, rü Taxúegama naxĩnüe, rü nixoregüta̱a̱xgü.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Abacú 2:9

¡Rü pegümaxã pengechaü̃, i pema nax naxca̱x pengĩxü̃maxã penaxüãcuxü̃ ya pepata nax ngẽmamaxã pegü ípepoxü̃güxü̃ca̱x na̱xcha̱xwa i guxü̃ma i ãũcümaxü̃gü!

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Ichaía 57:17

Rü yema Iraétanüxü̃arü pecadugagu nixĩ ga noxri chanuxü̃ rü chanapoxcuexü̃ rü nüxna chixũgachixü̃. Natürü ga nümagü rü chomaxã nanueama rü yexera norü ngúchaü̃we narüxĩ.

Wiyaegü 52:1

Pa Yatü ya Poracüx ¿tü̱xcüü̃ cugü quicua̱xüxü̃ namaxã i ngẽma chixexü̃ i cuxüxü̃? Tupanaarü ngechaxü̃ rü aixcüma taguma inayacua̱x.

Wiyaegü 49:18

Rü woo ñu̱xma nax maxü̃gu rü nataãxẽ, rü duü̃xü̃gü rü nüxü̃ nicua̱xüü̃gü naxca̱x i norü ngẽmaxü̃gü, natürü wüxi i ngunexü̃gu rü tá nayu rü marü tagutáma ñomaarü ngóonexü̃xü̃ nadau.

1 Chamué 23:21

Rü nüma ga Chaú rü nanangãxü̃ rü ñanagürü: —¡Tupana pexü̃ rüngü̃xẽxẽ erü choxü̃ pengechaü̃ rü chaugu perüxĩnüe!

Wenaxarü naxümatü ga Tupanaarü mugü 32:19

Rü yemaca̱x nixĩ ga Cori ya Tupana rü pemaxã nanuxü̃, rü pexü̃ naxoxü̃ i pema nax naxacügü pixĩgüxü̃.

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Popera ga Chantiágu ümatüxü̃ 4:16

Natürü i pema rü ngẽxguma pidexagügu rü pegü picua̱xüü̃gü. Rü guxü̃ma i ngẽma nax pegü picua̱xüü̃güxü̃ rü tama name.

Ãẽ̱xgacügü ga guxchaxü̃güarü mexẽxẽruü̃gü 17:2

Rü wüxi ga ngunexü̃gu rü naéxü̃ ñanagürü: —Cuxü̃ chaxĩnü nax chixexü̃ namaxã quixugüxü̃ i ngẽma ngĩ́ta̱xaxü̃ i 1,100 tachinü i curü diẽruca̱x ngĩ́xü̃. Natürü choma nixĩ ga cuxü̃́ tümaca̱x changĩ́xü̃ rü daxe tixĩ, rü cuxü̃́ tüxü̃ chatáeguxẽxẽ i ñu̱xmax. Erü cuxü̃ chaxĩnü nax Tupanamaxã nüxü̃ quixuxü̃ nax wüxíexü̃ tá cumuxü̃ nax naiwa cuxü̃́ naxüaxü̃ca̱x i wüxi i naxchicüna̱xã i ngẽma diẽrumaxã pexenexü̃ —ñanagürü. Rü yemaacü naéaxü̃́ tüxü̃ natáeguxẽxẽ ga guxema diẽru. Rü ngĩma ga naé rü ngĩgürügü: —¡Tupana cuxü̃ rüngü̃xẽxẽ, Pa Chaunex! —ngĩgürügü.

Nüxíraxü̃xü̃ ga popera ga ãẽ̱xgacügüchiga 20:25

¡Rü ngẽmawena nanutaque̱xe naxẽ̱xpü̱x ga yema churaragü rü cowarugü rü carugü ga tüxü̃ rüporamaegüxü̃. Rü mea íyawéanexü̃gu tá Iraéanearü churaragümaxã togü tadai rü aixcümaxü̃chi tá nüxü̃ tarüporamaegü —ñanagürügü. Rü yexguma nüma ga Ben-adáxü̃ rü yema norü churaragüerugü naxwa̱xegüxü̃ãcü nanaxü.

Ngu̱xẽẽtaeruü̃arü ore 7:15

Rü guxü̃ma i ngẽma rü nüxü̃ chadau nagu i chorü maxü̃ i natüca̱xmamare ixĩxü̃. Rü nangẽxma i yatügü i mexü̃ ügüxü̃ i yuexü̃ woo namexgu i norü maxü̃. Rü ñu̱xũchi nangẽxma i duü̃xü̃gü i chixexü̃ ügüxü̃ rü mucüma ya taunecü maxẽxü̃ woo nachixegu i norü maxü̃.