Wiyaegü 10:2 - Tupanaarü Ore

² Erü ngẽma chixexü̃gu maxü̃xü̃ rü nügü írütaxü̃ rü norü numaxã tüxü̃ nachixewe ya yíxema taxucürüwa tügü ípoxü̃xẽ. Natürü nüma i ngẽma chixexü̃gu maxü̃xü̃ tátama nagu nangu ya yima yüta ya toguxeca̱x naxüxü̃ne.

Wiyaegü 10:2 Referans Kwoze

Wiyaegü 59:12

Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!

Wiyaegü 36:11

¡Natürü taxṹ i cunaxüchicaxü̃ nax chauétü nachigüxü̃ i ngẽma nügü icua̱xüü̃güxü̃, rü bai i choxü̃ nax ínata̱xüchigüxü̃ i ngẽma tama cuga ĩnüexü̃!

Wiyaegü 7:16

Rü ngẽma chixexü̃ i togueca̱x naxüxü̃ rü ngẽma máeta i nagu naxĩnüxü̃, rü nagu tátama nangu.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Wiyaegü 119:122

¡Rü chauétüwa nachogü nax taxuxü̃ma i chixexü̃ choxü̃ naxüpetüxü̃ca̱x rü tama chixexü̃gu choxü̃ nanguxẽẽgüxü̃ca̱x i ngẽma nügü icua̱xüü̃güxü̃!

Wiyaegü 31:18

Rü ngẽmaãcü tá narüchianegü i ngẽma duü̃xü̃gü i dorata̱a̱xgüxü̃ i cugüwa̱xegüxü̃ rü to̱xguã̱xü̃ oexü̃ rü tümamaxã guxchigawa̱xegüxü̃ ya yíxema mexẽ ya duü̃xẽgü.

Wiyaegü 140:5

Rü ngẽma duü̃xü̃gü i nügü icua̱xüü̃güxü̃ rü chopexegu nanaxǘgü i wüxi i norü yauxruxü̃. Rü choxü̃ niwaiyemaxü̃gü namaxã i ngẽma norü yauxruxü̃ rü norü bocupararuxü̃.

Wiyaegü 119:85

Rü ngẽma duü̃xü̃gü i nügü icua̱xüü̃güxü̃ rü tama curü ngu̱xẽẽtáegu ĩxü̃, rü chomaxü̃gu nanaxügü i wüxi i ãxmaxü̃ nax ngẽmagu chingucuchixü̃ca̱x.

Wiyaegü 119:69

Rü ngẽma duü̃xü̃gü i nügü icua̱xüü̃güxü̃, rü natüca̱xmamare choxü̃ nixugüe. Natürü i chomax rü guxü̃guma chayanguxẽxẽ i ngẽma curü mugü.

Ichaía 14:16

Rü ngẽma duü̃xü̃gü i cuxü̃ daugüxü̃ nax ãmaxü̃gu quixücuchixü̃, rü tá ngéma cuxü̃ narüdaunü rü tá nüxna nacua̱xãchie ga yema cuxüxü̃, rü tá ñanagürügü: “¿Ẽ̱xna ñaachire̱x yixĩxü̃ ga yema yatü ga ñoma i naane idu̱xruxanexẽẽxü̃, rü guxü̃ma ga nachixü̃anegüxü̃ rüporamaexü̃, rü ñoma i naane rü nachica i chianexü̃ yanguxuchixẽẽxü̃, rü ĩanegü rüxoxẽẽgüxü̃, rü poxcuexü̃ tama ínguxü̃xẽẽxü̃?” ñanagürügü tá.

Ichaía 14:13

Rü cumax rü cugüãẽwa nagu curüxĩnü rü ñacurügü: “Choma rü daxũguxü̃ i naanegu i Tupanaarü ẽxtagüétügu tá chaxĩnagü nax ngéma charütoxü̃ca̱x. Rü yima ma̱xpǘne ya nórtewaama üxü̃ne i nawa nangutaque̱xene i ngẽma tupanagü i duü̃xü̃gü namaxã tupanaã́xü̃ rü yimawa tá chanangexmaxẽxẽ i chorü tochicaxü̃.

Wiyaegü 119:5

Chierüna guxü̃gu mea naga chaxĩnügu i ngẽma curü mugü nax ngẽmaãcü taxuca̱xma chaxãnexü̃ca̱x i ngẽxguma chayanguxẽẽgu i curü mugü.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

Wiyaegü 109:16

Rü nüma i ngẽma chixexü̃ üxü̃ rü taguma nüxü̃́ tangechaü̃tümüxü̃ ya yíxema ingearü diẽruã̱xgüxe rü yíxema tama tügü icua̱xüü̃güxe rü yíxema guxchaxü̃maxã naxĩ̱xãchiãẽgüxe. Rü nüma rü chixri tümamaxã inacua̱x rü ngẽmaãcü tüxü̃ nadai.