Wiyaegü 10:13 - Tupanaarü Ore

¹³ ¿Rü tü̱xcüü̃, Pa Tupanax, cuxü̃ nacugü i ngẽma chixexü̃ i duü̃xü̃ i nagu rüxĩnüxü̃ rü tagutáma nüxna cuca nachiga i ngẽma chixexü̃ i naxüxü̃?

Wiyaegü 10:13 Referans Kwoze

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Wiyaegü 74:18

Pa Corix ¡taxṹ i nüxü̃ icurüngümaxü̃ i ñuxãcü ngẽma curü uanüã̱xgü cumaxã chixexü̃ yaxugüexü̃! ¡Rü dücax i ngẽma duü̃xü̃gü i tama naãẽxü̃ cua̱xgüxü̃ rü ñuxãcü chixri cuchiga nidexagü!

Wiyaegü 74:10

Pa Tupanax, ¿ñuxguxüratáta nixĩ i nüxü̃ nachauexü̃ i ngẽma torü uanügü nax chixri tomaxã nachopetüxü̃? ¿Rü ngẽxgumarüxü̃ ta rü ñuxguxüratáta nixĩ i nüxü̃ nachauexü̃ nax cumaxã chixexü̃ yaxugüexü̃?

Norü taxre ga to ga popera ga ãẽ̱xgacügüchiga ümatüxü̃ 24:22

Rü nüma ga ãẽ̱xgacü ga Yoá rü nüxü̃ inarüngüma nax ñuxãcü Chacaría nanatü ga Yoiadá poraãcü nüxü̃ rüngü̃xẽẽxü̃. Natürü woo yemaacü nax nüxü̃ nangü̃xẽẽxü̃, rü nüma ga Yoá rü Yoiadá nane ga Chacaríaxü̃ nima̱x. Rü nüma ga Chacaría rü yexguma nayu̱xgu rü tagaãcü ñanagürü: —¡Nüxü̃ nadau, Pa Cori Pa Tupanax i ñaa naxüexü̃ i duü̃xü̃gü! Rü cuma tá nixĩ i nüxna cucaxü̃ naxca̱x nax choxü̃ yama̱xgüxü̃ —ñanagürü.

Iraétanüxü̃arü muxchiga 11:20

Rü wüxi ya tauemacüxüchi tá nixĩ i namachi nangõ̱xgüxü̃ ñu̱xmatáta naemamaxã yangü̃ãtanücüxü rü nawa naxoegagü erü choxü̃ naxoe i chomax i Cori ya Tupana nax natanüwa changexmaxü̃. Rü naxauxeãcüma chope̱xewa ñanagürügü: “¿Rü ta̱xacüca̱x ga Equítuanewa íchoxü̃xü̃?” ñanagürügü —ñanagürü ga Cori ya Tupana.

Naanearü ügüchiga 9:5

Rü tá nüxna chaca i ngẽma duü̃xü̃ i wüxíexü̃ imáxü̃ rü tá nayu. Rü ngẽma naexü̃ i duü̃xẽxü̃ imáxü̃ rü norü maxü̃maxã tátama tüxü̃ naxütanü. Rü wüxichigü i duü̃xü̃ rü tá nüxna chaca naxca̱x i namücüarü maxü̃. Rü ngẽxguma texé wüxi ya duẽxẽxü̃ ima̱xgu, rü tá to i duü̃xü̃ tüxü̃ nima̱x erü tüxü̃ tima̱x ya yíxema Tupana nügüraxü̃ãcü tüxü̃ üxe.

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.

Naanearü ügüchiga 42:22

Rü nüma ga Rubéü̃ rü naenexẽgüxü̃ ñanagürü: —Choma rü marü pemaxã nüxü̃ chixu nax tama chixexü̃ namaxã pexügüxü̃ca̱x ga gumá bucü, natürü tama chauga pexĩnüechaü̃. Rü ngẽma nixĩ i tórü natanü ga nax nayuxü̃ —ñanagürü.

Wenaxarü naxümatü ga Tupanaarü mugü 29:18

Rü tama penaxwa̱xe nax petanüwa nangemaxü̃ i wüxi i yatü, rüe̱xna wüxi i ngexü̃, rüe̱xna wüxi ya ĩpatacüã̱xgü, rüe̱xna wüxitücumü i duü̃xü̃gü i Cori ya Tupanana ixĩgachixü̃ naxca̱x nax ngẽma nachixü̃anegüarü tupananetagüxü̃ yacua̱xüü̃güxü̃ca̱x. Rü petanüwa rü tama name nax wüxíe ñoma wüxi i nai i üxchuma̱xãxü̃ i nawa iyuxü̃rüxü̃ ixĩxẽ.

Yox 24:12

Rü yíxema ĩanewa yuechaü̃xẽ rü taxauxe rü ngéma ticagüxü̃. Natürü nüma ya Tupana rü tama tüxü̃́ nüxü̃ naxĩnü i tümaarü yumüxẽ.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.