Wiyaegü 10:11 - Tupanaarü Ore

¹¹ Rü ngẽma yatü i chixexü̃ rü nagu narüxĩnü nax nüma ya Tupana rü marü nüxü̃ yanangümaxü̃ rü nügü yadüxchiwexü̃ nax tama nüxü̃ nadauxü̃ca̱x i ngẽma chixexü̃ i naxüxü̃ i ngẽma duü̃xü̃.

Wiyaegü 10:11 Referans Kwoze

Echequié 8:12

Rü yexguma ga nüma ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma Iraétanüxü̃arü ãẽ̱xgacügü cúãcü norü tupananetachicüna̱xãgüpe̱xegu ixügüxü̃? Rü wüxichigü i ngẽma ãẽ̱xgacügü rü ngéma ẽanexü̃wa noxrütama tupananetachicüna̱xãxü̃ nicua̱xüü̃gü. Rü nümagü rü nagu naxĩnüegu nax choma rü marü nüxna chixũgachixü̃ i ngẽma nachixü̃ane, rü ngẽmaca̱x marü tama nüxü̃ chadauxü̃ i ngẽma inaxügüxü̃ —ñanagürü choxü̃.

Wiyaegü 94:7

Rü nümagü rü ñanagürügü: —Yimá Cori ya Acóbuarü Tupana rü tama nüxü̃ nadau i ngẽma ixüxü̃ rü taxũtáma nüxü̃ nacua̱x —ñanagürügü.

Wiyaegü 73:11

Rü nügümaxã ñanagürügü: —Nüma ya Tupana rü taxũtáma nüxü̃ nacua̱x i ngẽma ixügüxü̃. Rü Yimá Guxãétüwa Ngẽxmacü rü taxũtáma nüxü̃ nacua̱xama —ñanagürügü.

Echequié 9:9

Rü nüma ga Cori ya Tupana rü choxü̃ nangãxü̃ga rü ñanagürü: —Ngẽma Iraéanecüã̱xgüarü pecadu rü ngẽma Yudáanecüã̱xgüarü pecadu rü nataxüchi. Rü ngẽma nachixü̃ane rü máetagüxü̃maxã nanapá. Rü yima ĩane ya Yerucharéü̃wa rü norü duü̃xü̃gü rü chixeãcü nügümaxã inacua̱xgü. Rü nüma nagu naxĩnüegu rü marü nüxna chixũ i ngẽma nachixü̃ane, rü ngẽmaca̱x tama nüxü̃ chadau i ngẽma naxügüxü̃.

Ngu̱xẽẽtaeruü̃arü ore 8:11

Rü ngẽxguma tama paxa napoxcugu i ngẽma chixexü̃arü üruxü̃, rü ngẽma togü i duü̃xü̃gü nagu narüxĩnüe nax nümagü rü ta chixexü̃ naxügüxü̃.

Wiyaegü 64:5

Rü nügüxü̃́ nanangúchaü̃xẽxẽ nax chixexü̃ naxügüxü̃. Rü nügümaxã nagu narüxĩnüe nax ñuxãcü bexma duü̃xü̃güxü̃ chixexü̃gu nayixẽẽchaü̃xü̃. Rü nüma nüxü̃ nacua̱xgügu rü taxúema tá nüxü̃ tadau.

Ore i mexü̃ ga Luca ümatüxü̃ 7:39

Rü yexguma yemaxü̃ nada̱u̱xgu ga yema Parichéu ga Ngechuchuna uxü̃, rü naãxẽwa nagu narüxĩnü rü nügümaxãtama ñanagürü: —Ngẽxguma chi ñaa Ngechuchu rü aixcüma wüxi i Tupanaarü orearü uruxü̃ yixĩxgu, rü chi nüxü̃ nacua̱x nax ta̱xacü yixĩxü̃ i ñaa ngexü̃ i nüxü̃ ingõgüxü̃ rü chi nüxü̃ nacua̱x nax wüxi i ngexü̃ i chixexü̃gu maxü̃xü̃ yixĩxü̃ —ñanagürü ga naãxẽwa.

Ore i mexü̃ ga Márcu ümatüxü̃ 2:6

Natürü ñuxre ga ngúexẽẽruü̃gü ga Moichéarü mugüwa ngu̱xẽẽtaegüxü̃ rü yéma narütogü. Rü naãxẽwa ñaxü̃gu narüxĩnüe: —¿Ñuxãcü tama namuü̃ nax ngẽmaãcü yadexaxü̃? Rü Tupanape̱xewa rü wüxi i taxü̃ i chixexü̃ nixĩ i ngẽma nüxü̃ yaxuxü̃. Erü Tupanaxicatama nixĩ ya duü̃xü̃güarü pecaduxü̃ irüngümacü —ñaxü̃gu narüxĩnüe.

Wiyaegü 59:8

Natürü i cumax, Pa Corix, rü nagu quidauxcüraxü̃ rü nüxü̃ cucugü i guxü̃ma i ngẽma togü i nachixü̃anecüã̱xgü.

Wiyaegü 64:6

Rü nagu narüxĩnüe nax chixexü̃ naxügüxü̃, rü ñanagürügü: —Meama nagu tarüxĩnüe nax ñuxãcü tá tanaxü i ngẽma taxüxchaü̃xü̃ —ñanagürügü. Rü ngẽma nagü naxĩnüexü̃ i ngéma duü̃xü̃gü rü taxuwama name.

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.