Wiyaegü 10:1 - Tupanaarü Ore

¹ Pa Cori Pa Tupanax ¿Tü̱xcüü̃ choxna cuyáxü̃gu? ¿Rü tü̱xcüü̃ iquicu̱x ega guxchaxü̃wa changexmagu?

Wiyaegü 10:1 Referans Kwoze

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

Wiyaegü 27:9

¡Rü taxṹ i cha̱u̱xcha̱xwa iquicúxü̃, rü taxṹ i curü numaxã choxü̃ cuxoxü̃! Erü cuxicatama nixĩ i chorü ngü̃xẽẽruxü̃ quixĩxü̃. ¡Rü taxṹ i chaxica nua choxü̃ cutáxü̃ nax ngẽmaãcü changemücüxü̃ca̱x! Erü cuma nixĩ ya chorü Tupana rü chorü maxẽẽruxü̃ quixĩxü̃.

Yeremía 14:8

Pa Tupanax, cuxü̃́ nixĩ i tayaxõgüxü̃ i toma i Iraétanüxü̃. Rü cuma nixĩ i toxü̃ ícunguxü̃xẽẽxü̃ i ngẽxguma guxchaxü̃wa tangexmagügu. ¿Rü ta̱xacüca̱x i ñu̱xma rü to i nachixü̃anecüã̱xrüxü̃ quixĩ i ñaa tochixü̃anewa? ¿Rü ta̱xacüca̱x ñoma wüxi i duü̃xü̃ i to i nachixü̃anewa ne ũxü̃ rü paxaãchi nuxã ípemarexü̃rüxü̃ quixĩ?

Wiyaegü 88:14

¿Rü tü̱xcüü̃ nixĩ i choxü̃ cuxoxü̃, Pa Corix, rü tü̱xcüü̃ nixĩ i cha̱u̱xcha̱xwa iquicúxü̃?

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

Wiyaegü 44:24

¿Tü̱xcüü̃ toxcha̱xwa iquicu̱x? ¿Rü tü̱xcüü̃ toxü̃ icurüngüma i toma nax poraãcü ngúxü̃ tingegüechaxü̃?

Wiyaegü 30:7

Cumax, Pa Corix, rü choxü̃ curüngü̃xẽxẽ rü nagu charüxĩnü nax tagutáma ta̱xacürü guxchaxü̃ choxü̃ üpetüxü̃. Natürü yexguma choxna quixũgachigu rü muü̃maxã chaba̱i̱xãchi.

Yox 13:24

¿Ta̱xacüca̱x cha̱u̱xcha̱xwa cudauegu? ¿Rü tü̱xcüü̃ wüxi i curü uanürüxü̃ chomaxã quixĩ?

Yox 34:29

Rü ngẽxguma chi Tupana rüchianegu ¿rü texé tá nüxü̃ tixu nax chixexü̃ taxüxü̃? Rü ngẽxguma duü̃xü̃gücha̱xwa nügü yacu̱xgu ¿rü texé tá nüxü̃ tadauama? Rü nüma nixĩ i nüxna nadauxü̃ ya ĩanegü rü duü̃xü̃gü nax tama namaxã inacua̱xgüxü̃ca̱x i ngẽma ãẽ̱xgacügü i chixexü̃ i duü̃xü̃güxü̃ womüxẽẽxü̃.

Yox 23:9

Rü ngẽxguma chi nórtegu naxca̱x chada̱u̱xgu rü tama nüxü̃ chadau. Rü ngẽxguma chi súrgu naxca̱x chada̱u̱xgu rü ngéma rü ta tama cha̱u̱xca̱x nango̱x.

Wiyaegü 44:25

Rü ñu̱xma rü waixü̃müte̱xewa ãne tingegü. Rü waixü̃müanegumare togü titúgü.

Yeremía 14:9

¿Rü ta̱xacüca̱x ñoma wüxi i yatü i naxĩxãchiãẽxü̃rüxü̃ quixĩ? ¿Rü ta̱xacüca̱x ñoma wüxi i churara i taxuacüma tüxü̃ rüngü̃xẽẽxü̃rüxü̃ quixĩ? Natürü, Pa Corix, cuma rü totanüwa cungexma, rü guxü̃ma i toma nüxü̃ tacua̱x nax curü duü̃xü̃gü tixĩgüxü̃. ¡Rü taxṹ i toxü̃ ícuwogüxü̃! —ñanagürü ga Yeremía.