Wiyaegü 1:6 - Tupanaarü Ore

⁶ Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Wiyaegü 1:6 Referans Kwoze

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Ore i mexü̃ ga Cuáü̃ ümatüxü̃ 10:14

Choma nixĩ i carnérugüarü dauruxü̃ ya mecü chixĩxü̃. Rü ngẽxgumarüxü̃ ya Chaunatü nax choxü̃ nacuáxü̃ rü choma rü Chaunatüxü̃ nax chacuáxü̃, rü ngẽxgumarüxü̃ ta nüxü̃ chacua̱x i chorü carnérugü, rü nümagü rü choxü̃ nacua̱xgü. Rü choma rü naxca̱x chayu i chorü carnérugü.

Ucu̱xẽgüchiga 15:9

Nüma ya Cori ya Tupana rü tama nacümamaxã nataãxẽ i ngẽma chixexü̃gu maxẽxü̃. Natürü tüxü̃ nangechaü̃ ya yíxema aixcüma mea nape̱xewa maxü̃́xẽ.

Naúü̃ 1:7

Rü nüma ya Cori ya Tupana rü namecüma. Rü ngẽxguma guxchaxü̃ ínguxgu rü nüma nixĩ i tüxna nadauxü̃. Rü nüma rü tüxü̃ ínapoxü̃ ya yíxema nüxü̃́ yaxõgüxe.

Wiyaegü 146:9

Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Ore i mexü̃ ga Cuáü̃ ümatüxü̃ 10:27

Chorü carnérugü rü nüxü̃ nacua̱x i chauga, rü choma rü chorü carnérugüxü̃ chacua̱x, rü nüma rü chowe narüxĩ.

Ucu̱xẽgüchiga 14:12

Nangexma i nacümagü i taxca̱x mexü̃ nax nagu ixũxü̃, natürü ngẽma iyacuáxü̃wa rü yu nixĩ.

Ore i mexü̃ ga Matéu ümatüxü̃ 7:13

Name i ngẽma ĩã̱x i íxraxü̃waama pichocu. Erü ngẽma ĩã̱x i taxü̃ rü ngẽma nama i tamaxü̃ rü yuwa tüxü̃ naga, rü muxũchixü̃ma i duü̃xü̃gü nagu naxĩ.

Yox 23:10

Natürü nüma rü nüxü̃ nacua̱x nax ñuxãcü yixĩxü̃ i chorü maxü̃. Rü ngẽxguma choxü̃ naxü̱xgu rü ñoma úiru i ngearü ãũãchiã́xü̃rüxü̃ tá chixĩ.

Norü taxre ga popera ga Pedru ümatüxü̃ 2:12

Rü ngẽma ngu̱xẽẽruü̃netagü, rü ñoma naeü̃gürüxü̃ nixĩgü, rü naeü̃gürüxü̃ taxuxü̃ma nacua̱xgü. Rü ngẽma naxü̃negü naxwa̱xexü̃ nixĩ i naxügüxü̃. Rü nabue nax ñoma naeü̃gü i yayauxgüxü̃ rü nada̱i̱xü̃rüxü̃ yixĩgüxü̃ca̱x. Rü chixri nachiga nidexagü i ngẽma tama nüxü̃ nacua̱xgüxü̃. Natürü ngẽma chixexü̃ i naxügüxü̃gagu tá ñoma naeü̃gürüxü̃ inayarütauxe.

Wiyaegü 112:10

Rü ngẽma chixexü̃ ügüxü̃ rü nanue ega nüxü̃ nadaugügu. Rü norü numaxã nixü̃́xchapütagü. Natürü ngẽma norü ĩnü i ngẽma chixexü̃arü üruü̃gü rü tá nagu nayarüchixe.

Wiyaegü 9:6

Rü ngẽma chorü uanügü rü marü inayarüxo, rü yima norü ĩanegü rü nagu cupogü. Rü ngẽmaãcü i ñu̱xma rü taxúema nüxna tacua̱xãchi.

1 Chamué 2:9

Tupana rü tüxna nadau ya yíxema naga ĩnüexe natürü ngẽma tama naga ĩnüexü̃ rü ẽanexü̃gu nayue. Erü taxúema nüxü̃ tacua̱x nax tümaarü poramaxãtama tügü tamaxẽẽxü̃.

Wiyaegü 142:4

Rü ngẽxguma chorü tügünecüwagu chadawenügu rü tataxuma ya texé ya chorü ngü̃xẽẽwa ũxẽ. Rü tataxuma ya texé ya choxü̃ ípoxü̃xẽ. Rü tataxuma ya texé ya cha̱u̱xca̱x oegaãẽxe.