Wiyaegü 1:3 - Tupanaarü Ore

³ Rü yíxema duü̃xẽ rü ñoma wüxi i nanetü i natücutü toxü̃ i guxü̃guma oxü̃ rü taguma rüñẽ̱xátüxü̃rüxü̃ tixĩ. Rü guxü̃ma i ta̱xacü i taxüxü̃wa rü mea tüxü̃́ ínanguxuchi.

Wiyaegü 1:3 Referans Kwoze

Yeremía 17:8

Rü yíxema duü̃xẽ ya choxna rüyoexe rü ñoma wüxi i nanetü i natücutüwa rüxüxü̃ rü dexáwa nadagüchúmaxãxü̃rüxü̃ tixĩ. Rü ngẽma nanetü rü tagutáma nagüátü i ngẽxguma yapaanegu. Rü natanü rü guxü̃gutáma nabaca rü guxü̃gutáma naxoecha.

Echequié 47:12

Rü ngẽma taxre i naxãnacüwa i ngẽma natü rü tá narüxügü i naguxü̃raü̃xü̃ i ori̱xgü. Rü ngẽma ori̱xgü rü taguma nagüátügü, rü ñu̱xũchi guxü̃gutáma nixoecha. Rü guxcüma ya tauemacügu rü tá nixo erü ngẽma dexá i Tupanapata ya taxü̃newa ne yaxü̃chiüxü̃maxã nimegü. Rü ngẽma norü o rü tá name nax nangṍxü̃ rü ngẽma naatü rü üxüxü̃wa tá name”, ñanagürü.

Wiyaegü 92:14

Rü woo ngẽxguma nayaegu rü tá nixãxacüetanüama rü guxü̃gutáma naporae.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Echequié 19:10

Pa Iraétanüxü̃x, tachixü̃ane rü ñoma wüxi i úbane i natücutüwa rüxüxü̃rüxü̃ nixĩ. Rü nabaca rü nataeta erü taguma nüxü̃́ nataxu i dexá.

Naanearü ügüchiga 39:23

Rü nüma ga yema poxcupataü̃arü ãẽ̱xgacü rü taxuca̱xma tü̱xcüü̃ ínayadauuxü̃ ga yema Yúcheme̱xẽwa yexmaxü̃, yerü ga Tupana rü Yúchexü̃ narüngü̃xẽxẽ nax guxü̃ma mea iyaxũxü̃ca̱x ga yema poxcupataü̃wa.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:2

Rü guma ĩanearü ngãxü̃gu idaxü̃ ga namaarü ngãxü̃gu nida ga yema natü. Rü nacutügüwa narüxü ga yima nai ga maxẽẽruxü̃. Rü yema nai rü wüxichigü ga tauemacügu naxo, rü yemaacü 12 e̱xpü̱xcüna naxo ga wüxichigü ga taunecügu. Rü naatügü ga yema nai, rü guxü̃ i nachixü̃anegüca̱x üxüxü̃ruxü̃ nixĩ.

Echequié 17:8

Natürü marüchire̱x mexü̃ ga naanegu nato ga dexá íyemaxü̃wa ga ngextá chi ínamuchacüüxü̃wa rü ínaxoxü̃wa, rü wüxi i baxcaxü̃ i úbane chi nixĩ”.

Ore i mexü̃ ga Matéu ümatüxü̃ 13:6

Natürü yexguma nangunagügu ga üa̱xcü, rü narüñẽxgü ga yema trigu Rü nayue yerü tama poraãcü nixãma̱xã.

Norü taxre ga to ga popera ga ãẽ̱xgacügüchiga ümatüxü̃ 31:21

Rü guxü̃ma ga yema puracü ga Tupanapata ga taxü̃neca̱x naxüxü̃ rü Tupanaarü mugü nüxü̃ ixuxü̃ãcüma nanaxü. Rü guxü̃guma Tupanaarü ucu̱xẽca̱x nadau, rü yemaca̱x mea nüxü̃́ ínanguxuchi ga yema puracü.

Naanearü ügüchiga 39:3

Rü yema norü cori rü nüxü̃ nicua̱xãchi nax Yúchexü̃tawa nayexmaxü̃ ga Tupana, yerü guxü̃ma ga yema naxüxü̃, rü meama inixũ.

Wiyaegü 128:2

Rü cuma rü tá cunangõ̱x i ngẽma curü puracüwa ne ũxü̃ i cunetüarü o. Rü tá cutaãxẽ rü mexü̃ tá cuxü̃ naxüpetü.

Ichaía 3:10

Natürü tá nataãxẽ i ngẽma duü̃xü̃ i mexü̃gu maxü̃xü̃, erü ta̱xacü inaxüxü̃wa rü mea nüxü̃́ ínanguxuchi. Rü nüma tátama namaxã nataãxẽ i ngẽma mexü̃ i naxüxü̃.

Ichaía 44:4

Rü nümagü rü tá nimu ñoma maxẽ i waianexü̃wa rüxügüxü̃rüxü̃, rü ñoma naigü i natügüpechinüwa rüxügüxü̃rüxü̃.

Ore i mexü̃ ga Matéu ümatüxü̃ 21:34

Rü yexguma úbaarü buxgüwa nanguxgu, rü yema naanearü yora rü yéma nanamugü ga ñuxre ga norü duü̃xü̃gü nax yema puracütanüxü̃na ngĩxca̱x yaca̱xaxü̃ca̱x ga yema úbatanü ga norü yorana ücü.

Ore i mexü̃ ga Matéu ümatüxü̃ 21:19

Rü namacüwawa nüxü̃ nadau ga wüxi ga nanetü ga igunecü. Rü naxca̱x nixũ, natürü taxuxü̃ma ga norü oxü̃ inayangau, rü naatüxicaxü̃ inayangau. Rü yemaca̱x ñanagürü nüxü̃ ga yema nanetü: —Tagutáma wena cuxo̱x —ñanagürü. Rü yexgumatama narüñexẽ ga yema nanetü.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ore i mexü̃ ga Matéu ümatüxü̃ 21:41

Rü yema chacherdótegüarü ãẽ̱xgacügü rü Ngechuchuxü̃ nangãxü̃gü, rü ñanagürügü: —Ngẽma naanearü yora rü tama nüxü̃́ nangechaü̃tümüü̃ãcüma tá nanadai i ngẽma puracütanüxü̃ i chixri maxẽxü̃. Rü ñu̱xũchi tá nüxna nüxü̃ nadauxẽxẽ i togü i puracütanüxü̃ i mea namaxã ngĩxü̃ itoyexü̃ i diẽru i úbatanü i ngẽxguma norü buxguwa nanguxgu —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:11

Rü ñu̱xmax, Pa Chaunex, rü cuxü̃tawa nangẽxma ya Tupana, rü marü cua̱x cuxna naxã nax cunaxüxü̃ca̱x ya yima napata ya taxü̃ne, yexgumarüxü̃ ga cumaxã nax naxueguãxü̃ nax cuma tá yixĩxü̃ nax cunaxüxü̃.

Wiyaegü 129:8

Rü ngẽxguma texé nüxü̃ da̱u̱xgu rü taxúematama ñatagürü nüxü̃: —¡Tupana pexü̃ rüngü̃xẽxẽ! ¡Rü Cori ya Tupanaégagu mexü̃ pexü̃ ngupetü! —ñatagürü nüxü̃.

Norü taxre ga to ga popera ga ãẽ̱xgacügüchiga ümatüxü̃ 32:23

Rü yemaca̱x muxü̃ma ga yema togü ga nachixü̃anecüã̱xgü rü Cori ya Tupanaca̱x Yerucharéü̃wa nanana ga norü ãmaregü. Rü nüma ga Yudáanearü ãẽ̱xgacü ga Echequíaca̱x rü ta yéma nanana ga mexẽchigüxü̃ ga ãmaregü. Rü yexgumacürüwa ga ãẽ̱xgacü ga Echequía rü natachiga nape̱xewa ga guxü̃ma ga yema togü ga nachixü̃anegü.

Iraétanüxü̃arü muxchiga 24:6

Rü pepatagü rü ñoma cucugü i máxchimüxü̃xü̃rüxü̃ nixĩgü. Rü ngẽma ípepegüxü̃wa rü ñoma ori̱xnecü i natüpechinügu togüxü̃rüxü̃ nixĩgü. Rü pema rü ñoma naigü i mexẽchixü̃ i Tupanatama itogüxü̃rüxü̃ pixĩgü, rü ñoma ocayiwagü i natüpechinüwa rüxügüxü̃rüxü̃ pixĩgü.

Wenaxarü naxümatü ga Tupanaarü mugü 28:8

Rü nüma ya Cori ya Tupana rü tá pexü̃ narüngü̃xẽxẽ rü ngẽma perü trigupatagü rü guxü̃gutáma nixããcu. Rü guxü̃ma i perü puracü i pexüxü̃ rü tá mea pexü̃́ ínanguxuchi. Rü tá pexü̃ narüngü̃xẽxẽ nax taãẽxãcü nawa pemaxẽxü̃ca̱x i ngẽma naane i tá pexna naxãxü̃.

Norü taxre ga popera ga ãẽ̱xgacügüchiga 18:7

Rü yemaca̱x ga Cori ya Tupana rü poraãcü nüxü̃ narüngü̃xẽxẽ. Rü guxü̃ma ga ta̱xacü ga naxüxü̃wa rü meama nüxü̃́ ínananguxuchixẽxẽ. Rü nüma ga Echequía rü tama Achíriaanearü ãẽ̱xgacüga naxĩnü rü tama naxme̱xwa nügü nayexmaxẽẽchaü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:13

Rü guxü̃táma mea cuxü̃́ inixũ i ngẽxguma tá cuyanguxẽẽgu i ngẽma norü mugü rü norü ucu̱xẽgü ga Cori ya Tupana Moichémaxã nüxü̃ ixuxü̃ naxca̱x ga Iraétanüxü̃. ¡Ẽcü pora naxü rü cugü naporaxẽẽama! ¡Rü taxṹ i curümaãchixü̃! ¡Rü taxṹ i cumuü̃xü̃!

Yox 22:28

Rü guxü̃ma i ngẽma cuxüxü̃wa rü mea tá ínanguxuchi. Rü Tupana rü tá cuxü̃ nibáixmaxü̃ i ngextá ícuxũxü̃wa.

Wiyaegü 92:15

Rü tá nüxü̃ nixugügü rü ñanagürügü tá: —Nüma ya Cori ya yimá chorü poxü̃ruxü̃ rü nixaixcüma rü nawa rü nataxuma i ta̱xacürü chixexü̃ —ñanagürügü tá.

Ichaía 58:11

Rü choma rü tá guxü̃gutáma mea pemaxã ichacua̱x rü ngẽma ínanaianexü̃wa rü taxúema íxãpataxü̃wa rü tá pexna chanaxã i dexá rü pexü̃ tá chaporaexẽxẽ. Rü ngẽxguma rü tá ñoma nanetünecü i meama ixaiyagüxü̃rüxü̃, rü ñoma natü i poraxü̃chíüxü̃rüxü̃ tá pora pexü̃́ nangẽxma.

Echequié 31:5

Rü ngẽma nax poraãcü nadexáã́xü̃gagu rü guma ocayiwa rü poraãcü namáchanexüchi rü nataetaxüchi togü ga naigüarü yexera.