Wiyaegü 1:2 - Tupanaarü Ore

² Natürü tümaarü taãxẽ nixĩ nax nagu tamaxü̃xü̃ i Tupanaarü mugü rü guxü̃guma chütacü rü ngunecü ngẽmagu tarüxĩnü.

Wiyaegü 1:2 Referans Kwoze

Yochué 1:8

¡Rü guxü̃gutáma nawa cungu̱x i ngẽma nüxü̃ chixuxü̃ i chorü mugüpanewa! Rü name nixĩ i cuma rü chütacü rü ngunecü rü nagu curüxĩnü i ngẽma chorü ore nax ngẽmaãcü mea cunaxüxü̃ca̱x i ngẽma cumaxã nüxü̃ chixuxü̃, rü mea cuxü̃́ ínanguxuchixü̃ca̱x i guxü̃ma i ta̱xacü ícuxüxü̃wa.

Wiyaegü 119:92

Rü ngẽxguma chi ngẽma curü mugü taxũchima taãxẽ choxna ãxgu, rü chi chorü ngechaü̃maxã chayu.

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Wiyaegü 119:35

¡Rü choxü̃ naporaxẽxẽ nax nagu chixũxü̃ca̱x i ngẽma curü mugü! Erü ngẽmagu nixĩ i nüxü̃ chayangauxü̃ i chorü taãxẽ.

Wiyaegü 112:1

Name nixĩ i Cori ya Tupanaxü̃ ticua̱xüü̃gü. Rü nataãxẽ ya yimá yatü ya Cori ya Tupanaxü̃ ngechaü̃cü rü norü mugügu imaxü̃cü.

Wiyaegü 104:34

Rü chierüx Cori namaxã taãẽgu i ngẽma nagu charüxĩnüxü̃. Erü naxü̃taguxica nixĩ i nüxü̃ ichayangauxü̃ i chorü taãxẽ.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Wiyaegü 119:1

Rü tataãẽgü ya yíxema aixcüma nagu maxẽxe i Tupanaarü mugü rü tama nüxü̃ rüngü̃maexe.

Nüxíraxü̃xü̃ ga popera ga Cuáü̃ ümatüxü̃ 5:3

Rü ngẽxguma aixcüma Tupanaxü̃ ingechaü̃gügu rü naga taxĩnüe i ngẽma tüxü̃ namuxü̃. Rü ngẽma tüxü̃ namuxü̃ rü tama naguxcha nax naga ixĩnüexü̃.

Yox 23:12

Rü guxü̃guma mea chayanguxẽxẽ i norü mugü rü norü ucu̱xẽgü, rü taguma choxrütama ngúchaü̃ chaxü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:15

¡Mea naxü i guxü̃ma i ngẽma cumaxã nüxü̃ chixuxü̃, nax ngẽmaãcü guxü̃ i duü̃xü̃gü nüxü̃ daugüxü̃ca̱x nax guxü̃ i ngunexü̃gu yexeraãcü mea Tupanaca̱x nax cumaxü̃xü̃!

Wiyaegü 119:72

Rü ngẽma curü ucu̱xẽgü i choxna cuxãxü̃, rü cha̱u̱xca̱x rü muxü̃ma i úiru rü diẽruarü yexera narümemaexü̃chi. -10-

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

1 Tesalonicenses 2:9

Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.

Ore i mexü̃ ga Luca ümatüxü̃ 18:7

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa?

Wiyaegü 88:1

Pa Corix, Pa Chorü Tupanax, Pa Chorü Maxẽxẽruxü̃x, ngunecü rü chütacü rü cuxna chaca nax choxü̃ curüngü̃xẽẽxü̃ca̱x.

Naanearü ügüchiga 24:63

Rü yáuanecü ga yexguma marü nayaanegu rü nüma ga Ichaá rü yexma nanaxũane. Rü yáxü̃gu nüxü̃ nadau ga ñuxre ga caméyugü ga ingaixcaetanüxü̃.

Édra 7:10

Rü nüma ga Édra rü aixcüma nagu narüxĩnü nax Tupanaarü mugüwa nangúxü̃ rü nagu nax namaxü̃xü̃ rü yema togü ga Iraéanecüã̱xgüxü̃ nax nangúexẽẽxü̃ca̱x ga yema Tupanaarü mugü.