Wiyaegü 1:1 - Tupanaarü Ore

¹ Tataãxẽ ya yíxema tama naga ĩnüxe i ngẽma chixexü̃ i duü̃xü̃güarü ucu̱xẽ rü tama nagu ixũxẽ i nacümagü i ngẽma pecadu ügüxü̃, rü tama nanaãẽraxü̃xe i ngẽma duü̃xü̃gü i Tupanagu idaucüraxü̃güxü̃.

Wiyaegü 1:1 Referans Kwoze

Ucu̱xẽgüchiga 13:20

Ngẽxguma duü̃xü̃gü i nüxü̃ cuáxü̃maxã cuxãmücügu, rü tá cunayaxu i cua̱x. Natürü ngẽxguma ngẽma duü̃xü̃gü i naechitamare maxẽxü̃maxã cuxãmücügu, rü tá icuyarütaxu.

Yeremía 15:17

Rü choma rü tama namaxã chaxãmücü i ngẽma duü̃xü̃gü i norü petaguxicatama rüxĩnüexü̃. Rü yexguma cuma choxü̃ cuyaxu̱xgucürüwatama rü marü chaxicatama ichayarüxũü̃xü̃. Erü cuma naxchi choxü̃ cuxaixẽxẽ i ngẽma duü̃xü̃gücüma i chixexü̃.

Ore i mexü̃ ga Luca ümatüxü̃ 11:28

Natürü ga Ngechuchu rü ñanagürü: —Yexeraãcü tataãxẽgü ya yíxema nüxü̃ ĩnüexe i Tupanaarü ore rü naga ĩnüexe —ñanagürü.

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

Ucu̱xẽgüchiga 1:15

Natürü, Pa Chaunex ¡taxṹ i namaxã cuxãmücüxü̃! ¡Paxa nüxna ixũgachi i ngẽma duü̃xü̃gü i chixexü̃gu rüxĩnüexü̃!

Wiyaegü 34:8

¡Rü nüxü̃ pexü̱x rü tá nüxü̃ pedau nax namecümaxü̃ ya Cori ya Tupana! Rü nataãxẽ ya yimá yatü ya Cori ya Tupanaaxü̃́ yaxõcü.

Wiyaegü 112:1

Name nixĩ i Cori ya Tupanaxü̃ ticua̱xüü̃gü. Rü nataãxẽ ya yimá yatü ya Cori ya Tupanaxü̃ ngechaü̃cü rü norü mugügu imaxü̃cü.

Wiyaegü 36:4

Rü ngẽxguma norü pechicaxü̃gu nacaxgu rü ngéma nagu narüxĩnü nax chixexü̃ naxüxü̃. Rü ngẽma nax poraãcü nüxü̃́ nangúchaü̃ i ngẽma chixexü̃ i naxüxü̃ rü ngẽmaca̱x tama ínanangéxchaü̃.

Yox 21:16

Natürü ngẽma duü̃xü̃gü i chixexü̃gu maxẽxü̃ rü tama norü taãẽarü yora nixĩgü. Rü choma rü tama ngẽma duü̃xü̃gü nagu rüxĩnüexü̃gu charüxĩnü.

Efesios 6:13

Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Naanearü ügüchiga 49:6

Rü ngẽmaca̱x tagutáma natanüwa changexma i ngẽxguma nügümaxã nangutaque̱xegügu. Yerü yexguma nanuegu rü duü̃egü tüxü̃ nadai. Rü ñu̱xũchi norü chixecümamaxã nayapoyeparagü ga wocagü ga iyatüxü̃.

Yeremía 17:7

Natürü mexü̃ tümamaxã chaxuegu ya yíxema choxna rüyoexe rü chauxü̃tawa tümaarü ngü̃xẽẽca̱x íca̱xe.

Ucu̱xẽgüchiga 13:15

Ngẽma duü̃xü̃ i mexü̃ i ucu̱xẽ ixãxü̃, rü duü̃xü̃gü namaxã nataãẽgü. Natürü ngẽma duü̃xü̃gü i chixexü̃ i ucu̱xẽ ixãgüxü̃, rü nügütama yuwa nagagü.

Wiyaegü 119:115

¡Rü choxna pixĩgachi, Pa Chixexü̃arü Üruxü̃güx! Erü choma rü chayanguxẽẽchaü̃ i chorü Tupanaarü mugü.

Wiyaegü 106:3

Rü tataãxẽgü ya yíxema aixcüma mexü̃gu rüxĩnüexe rü naxügüxe i ngẽma aixcüma we̱xguxü̃.

Wiyaegü 26:12

Pa Cori Pa Tupanax, choma rü aixcüma cuxü̃́ chayaxõ. Rü guxü̃ i duü̃xü̃güpe̱xewa tá cuxü̃ chicua̱xüxü̃.

Ucu̱xẽgüchiga 2:12

Ngẽma mexü̃ i cua̱x rü mexü̃ i ĩnü tá cuxü̃ ínapoxü̃ nüxna i ngẽma chixexü̃ i nacüma rü nüxna i ngẽma duü̃xü̃gü i chixexü̃ ügüxü̃ i nüxü̃ rüxoexü̃ i nacüma i mexü̃, rü nagu ĩxü̃ i nacüma i chixexü̃.

Wiyaegü 81:12

Rü yemaca̱x nixĩ ga pexü̃ chayexrüxü̃ nax penaxüamaxü̃ca̱x ga perü chixexü̃ rü pema penaxwa̱xexü̃ãcüma pemaxẽxü̃ca̱x.

Ucu̱xẽgüchiga 4:19

Natürü ngẽma nacüma i nagu naxĩxü̃ i ngẽma duü̃xü̃gü i chixexü̃gu maxẽxü̃, rü wüxi i ẽanexü̃ nixĩ, rü ngẽmaca̱x tama nüxü̃ nacua̱xgü nax ta̱xacügu yanapucutügüxü̃.

Ucu̱xẽgüchiga 3:34

Rü nüma ya Cori rü nüxü̃ nacugü i ngẽma dauxcüraxü̃wa̱xegüxü̃, natürü tümamaxã namecüma ya yíxema tama tügü icua̱xüü̃güxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:14

Rü tataãẽgü ya guxãma ya yíxema ya mexẽẽgüxe i tümaarü maxü̃ ñoma tügü tiyauxgüchiruxü̃rüxü̃ nax Tupanape̱xewa timexü̃ca̱x nax yima ĩanearü ĩã̱xwa tichocuxü̃ca̱x rü nüxü̃ tangõ̱xnetagüxü̃ca̱x i ngẽma norü o i ngẽma nai i maxẽẽruxü̃.

Ucu̱xẽgüchiga 9:12

Ngẽxguma cuãẽxü̃ cucua̱xgu rü mexü̃ tá cuyaxu. Natürü ngẽxguma tama ucu̱xẽ curüxĩnüchaü̃gu, rü cugüna tátama guxchaxü̃ cuxã.

Wiyaegü 84:12

Pa Cori Pa Tupana ya Guxãétüwa Ngẽxmacüx, rü tataãxẽgü ya yíxema aixcüma cugu yaxõgüxe.

Romanos 5:2

Rü Cristugagu nixĩ nax tamaxã namecümaxü̃ ya Tupana i ñu̱xmax erü tayaxõgü. Rü nüxü̃ tacua̱x rü guxü̃gutáma tamaxã namecüma. Rü tataãẽgü erü nüxü̃ tacua̱x nax tüxü̃́ tá nangẽxmaxü̃ i tachica i mexü̃ i Tupanaxü̃tawa.

Wiyaegü 144:15

Rü ngẽma duü̃xü̃gü i guxü̃ma i ngẽma mexü̃ nüxü̃́ ngẽxmagüxü̃ rü aixcüma nataãẽgü. Rü ngẽmatama taãxẽ nüxü̃́ nangẽxma i ngẽma duü̃xü̃gü i Cori ya Tupanamaxã Tupanaã̱xgüxü̃.

Ore i mexü̃ ga Cuáü̃ ümatüxü̃ 20:29

Rü Ngechuchu rü ñanagürü nüxü̃: —Pa Tumáchix, cuma cuyaxõ erü choxü̃ cudau. Natürü tataãẽgü ya yíxema tama choxü̃ daugüãcüma yaxõgüxe —ñanagürü.

Ucu̱xẽgüchiga 1:22

Rü ngẽma cua̱x rü ñanagürü: —Pa Ngextü̱xücügü i Ngearü Cua̱xã́xü̃ rü Dauxcüraxü̃wa̱xegüxü̃ rü Naechitamare Maxẽxü̃x, rü ¿ñuxguratáta nüxü̃ perüxoexü̃ i pecüma i chixexü̃? Erü pema rü namaxã petaãxẽ i ngẽma chixexü̃ i nagu pemaxẽxü̃, rü nüxü̃ pexoe i ngẽma cua̱x i aixcüma mexü̃.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Ore i mexü̃ ga Cuáü̃ ümatüxü̃ 13:17

Rü ngẽxguma nüxü̃ pecua̱xgu i chorü ore rü penaxü̱xgu i ngẽma pemaxã nüxü̃ chixuxü̃, rü aixcüma tá petaãẽgü.

Wiyaegü 146:9

Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Wiyaegü 146:5

Rü tataãxẽ ya yíxema Acóbuarü Tupanaxü̃tawa nayaxúxe i tümaarü ngü̃xẽxẽ rü nüxü̃́ yaxṍxe ya Cori ya Tupana.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.

Echequié 20:18

Rü yéma chianexü̃wa rü yema duü̃xü̃gü nanegümaxã nüxü̃ chixu nax tama nagu naxĩxü̃ca̱x ga yema chixexü̃ ga nacümagü ga nanatügü nagu ĩxü̃. Rü namaxã nüxü̃ chixu nax tama yema tupananetagüxü̃mare yacua̱xüü̃güxü̃ca̱x” —ñaxü̃ i chorü ore.

Ucu̱xẽgüchiga 19:29

Yima cua̱i̱xruü̃gü, rü marü ínamemare naxca̱x i ngẽma choxü̃gawa̱xegüxü̃. Rü ngẽxgumarüxü̃ ta, marü ínamemare ya yima cua̱i̱xca̱xwe̱xruxü̃gü naxca̱x i ngẽma tama naãẽxü̃ cuáxü̃.

Wiyaegü 64:2

¡Rü na̱xcha̱xwa choxü̃ icu̱x i ngẽma máxwa̱xegüxü̃ i bexma nagu rüxĩnüexü̃ nax ñuxãcü choxü̃ yama̱xgüchaxü̃xü̃! ¡Rü choxna nadau na̱xcha̱xwa i ngẽma chixexü̃gu rüxĩnüexü̃!

Yox 31:5

Rü aixcüma nüxü̃ chixu rü taguma chixexü̃gu charüxĩnüãcüma ta̱xacü chaxü, rü bai nagu charüxĩnü ga texéxü̃ nax chawomüxẽẽxü̃.

Yox 10:3

¿Rü cumatama nax choxü̃ cuxüxü̃, rü tü̱xcüü̃ ngẽmaãcü chomaxã quixĩ, rü chomaxã cuchixecüma? ¿Ẽ̱xna cuxü̃́ name nax ngúxü̃ choxü̃ quingexẽxẽxü̃ rü ñu̱xũchi namaxã cutaãxẽxü̃ i ngẽma chixexü̃gu maxẽxü̃arü ĩnügü?

Naanearü ügüchiga 5:24

Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.

Norü taxre ga to ga popera ga ãẽ̱xgacügüchiga ümatüxü̃ 22:3

Rü nüma ga Ocochía rü yema norü o̱xi ga Acáxtaagürüxü̃ chixexü̃ naxü. Yerü yema naé rü chixexü̃maxã inaxucu̱xẽ, rü ñu̱xũchi Acáxtanüxü̃maxã naxãmücü ga Ocochía rü yemagagu tama name ga yema Cori ya Tupanape̱xewa naxüxü̃. Rü yexguma nanatü yuxguwena rü yemagü nixĩ ga Ocochíaarü ucu̱xẽruü̃gü ixĩgüxü̃ rü chixexü̃wa nagagüxü̃.

Ore i mexü̃ ga Matéu ümatüxü̃ 16:17

Rü Ngechuchu nanangãxü̃ rü ñanagürü nüxü̃: —Cuma rü aixcüma cutaãxẽ, Pa Chimóü̃, Pa Yoná Nanex, erü taxuxü̃ma i duü̃xü̃ nixĩ i cuxü̃ nüxü̃ cua̱xẽẽxü̃ i ngẽma, natürü Chaunatü ya daxũgucü nixĩ ya cuxü̃ nüxü̃ cua̱xẽẽcü nax Nane chixĩxü̃.

Wenaxarü naxümatü ga Tupanaarü mugü 14:6

Rü marü name nax penangṍxü̃ i ngẽma naeü̃gü i wena yoxwemügüxü̃ rü taxrepatüxü̃.