Popera ga Títoca̱x naxümatüxü̃ ga Pauru 3:14 - Tupanaarü Ore

¹⁴ Rü ngẽma taenexẽgü i yaxõgüxü̃, rü name nixĩ i naxca̱x nangúe nax mexü̃ naxügüxü̃ rü togüxü̃ nangü̃xẽẽgüxü̃ ega ta̱xacü nüxü̃́ taxu̱xgux. Rü ngẽmaãcü i ngẽma togü rü tá nayaxõgü.

Popera ga Títoca̱x naxümatüxü̃ ga Pauru 3:14 Referans Kwoze

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Ore i mexü̃ ga Matéu ümatüxü̃ 7:19

Rü guxü̃ma i nanetü i tama mexü̃ i norü o rü tayadaxüchi rü üxüwa tayata̱xcuchi.

Norü taxre ga popera ga Pedru ümatüxü̃ 1:8

Rü ngẽxguma aixcüma nagu pemaxẽgu i ngẽma nacümagü i pemaxã nüxü̃ chixuxü̃, rü taxũtáma natüca̱xma nixĩ i perü maxü̃, rü taxũtáma natüca̱xma nixĩ nax tórü Cori ya Ngechuchu ya Cristuxü̃ pecuáxü̃.

Filipenses 4:17

Rü ñu̱xma nax ngẽma ñachaxü̃ rü tama naxca̱x chadau nax wena diẽru choxna pexãxü̃, natürü ngẽma aixcüma chanaxwa̱xexü̃ nixĩ nax Tupana pexü̃́ yamuxẽẽxü̃ i perü diẽru.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Ore i mexü̃ ga Cuáü̃ ümatüxü̃ 15:8

Rü ngẽxguma muxü̃ i duü̃xü̃gü cha̱u̱xca̱x pegagügu, rü ngẽmawa tá nango̱x i Chaunatüarü pora. Rü ngẽmaãcü i pema rü aixcüma chorü ngúexü̃gü tá pixĩgü.

2 Tesalonicenses 3:8

Rü toma rü taguma texéarü õna ngetanüãcüma tangõ̱x. Natürü ngunecü rü chütacü rü torü õnaca̱x tapuracüe nax tama wüxi ga guxchaxü̃ pexü̃́ tixĩgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 20:35

Rü guxü̃guma mea pexü̃ changúexẽxẽ nax ngẽmaãcü pepuracüexü̃ nax nüxü̃ perüngü̃xẽẽxü̃ca̱x i ngẽma duü̃xü̃gü i nüxü̃́ nataxuxü̃. Rü name nixĩ nax nüxna pecua̱xãchiexü̃ i Cori ya Ngechuchuarü ore ga nümatama ñaxü̃: “Rü narümemae nixĩ i pema nax toguxena penaxãxü̃ rü tama i tüma pexna nax tanaxãxü̃” —ñaxü̃.

Ore i mexü̃ ga Matéu ümatüxü̃ 21:19

Rü namacüwawa nüxü̃ nadau ga wüxi ga nanetü ga igunecü. Rü naxca̱x nixũ, natürü taxuxü̃ma ga norü oxü̃ inayangau, rü naatüxicaxü̃ inayangau. Rü yemaca̱x ñanagürü nüxü̃ ga yema nanetü: —Tagutáma wena cuxo̱x —ñanagürü. Rü yexgumatama narüñexẽ ga yema nanetü.

Ngechuchuarü ngúexü̃gü ga yamugüxü̃arü puracüchiga 18:3

Rü nüma ga Pauru rü Aquírarüxü̃ rü Prichírarüxü̃ nüxü̃ nacua̱x nax naxchirunaxca̱x ga düxenüarü üwa napuracüxü̃. Rü yemaca̱x ga Pauru rü naxü̃tagu narüxã̱ũ̱x nax wüxigu nügümaxã napuracüexü̃ca̱x.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

1 Tesalonicenses 2:9

Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.

Romanos 15:28

Rü ngẽxguma chanagu̱xẽẽgu i ngẽma puracü, rü ngẽxguma taenexẽgü i Yudíugüna marü ngĩxü̃ chaxãxgu i ngẽma diẽru, rü Españawa tá chaxũ. Rü ngẽxguma ngéma chaxũxgu, rü tá woe pexü̃tagu íchidau.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Filipenses 4:16

Rü yexguma Techarónicaarü ĩanewa chayexmagu, rü pema rü taxree̱xpü̱xcüna yéma cha̱u̱xca̱x penamugü ga diẽru nax choxü̃ perüngü̃xẽẽgüxü̃ca̱x.

Popera ga Títoca̱x naxümatüxü̃ ga Pauru 2:8

Rü ngẽxguma ngẽmaãcü mea cunangúexẽẽgu i ngẽma ore i mexü̃, rü taxúetama texé chixri nachiga tidexa. Rü ngẽxguma ya yíxema chixri tachiga idexagüchaü̃xe rü tá taxãnee erü taxucürüwa ta̱xacürü chixexü̃xü̃ tixugü i tachiga.