Popera ga Títoca̱x naxümatüxü̃ ga Pauru 3:1 - Tupanaarü Ore

¹ Rü ngẽma yaxõgüxü̃, ¡rü namaxã nüxü̃ ixu nax nachixü̃anearü ãẽ̱xgacügüga naxĩnüexü̃ rü guxü̃ma i ngẽma togü i ãẽ̱xgacügüga naxĩnüexü̃ca̱x! ¡Rü yaxucu̱xẽgü nax ínamemaregüxü̃ca̱x nax naxügüã̱xü̃ca̱x i guxü̃ma i ngẽma mexü̃ ixĩxü̃!

Popera ga Títoca̱x naxümatüxü̃ ga Pauru 3:1 Referans Kwoze

Ngu̱xẽẽtaeruü̃arü ore 10:4

Rü ngẽxguma cumaxã nanuxgu i curü ãẽ̱xgacü rü tama name i namaxã cunu. Rü wüxi i duü̃xü̃ i naãẽxü̃ cuáxü̃ rü yáxna namaxã naxĩnü i ngẽma guxchaxü̃gü.

Ucu̱xẽgüchiga 24:21

Pa Chaunex, ¡naga naxĩnü ya Tupana! ¡Rü ngẽxgumarüxü̃ ta naga naxĩnü ya ãẽ̱xgacü! ¡Rü taxṹ i namaxã cuxãmücüxü̃ i ngẽma tama ixĩnüechaü̃xü̃! Erü ngẽma norü poxcu rü ngürüãchimare tá naxca̱x ínangu. Rü taxúema nüxü̃ tacua̱x i ngẽma poxcu nüma ya Tupana rü nüma ya ãẽ̱xgacü tá namaxã ueguxü̃.

Ore i mexü̃ ga Matéu ümatüxü̃ 22:21

Rü nümagü nanangãxü̃gü, rü ñanagürügü: —Rómacüã̱x ya ãẽ̱xgacü ya tacüchicüna̱xã nixĩ —ñanagürügü. Rü yexguma ga Ngechuchu rü ñanagürü nüxü̃: —¡Ãẽ̱xgacüna ngĩxü̃ pexã i ngẽma ãẽ̱xgacüarü ixĩcü, rü Tupanana ngĩxü̃ pexã i ngẽma Tupanaarü ixĩcü! —ñanagürü.

Norü taxre ga popera ga Timutéuca̱x naxümatüxü̃ ga Pauru 2:21

Rü ngẽxguma wüxi i yaxõxü̃ nügüna dauxgu i norü maxü̃wa rü nataxuxguma i norü chixexü̃, rü ñoma wüxi i ngẽmaxü̃ i mexẽchixü̃rüxü̃ nixĩ. Rü Tupanape̱xewa tá naxüüne rü tá nüxü̃́ name nax naxüaxü̃ca̱x i naguxü̃raü̃xü̃ i puracü i mexü̃.

Norü taxre ga popera ga Timutéuca̱x naxümatüxü̃ ga Pauru 1:6

Rü ngẽmaca̱x cumaxã nüxü̃ chixu nax cugü cuporaxẽẽxü̃ nax yexeraãcü cunaxüamaxü̃ca̱x i ngẽma Tupanaarü puracü ga naxca̱x cuxna naxããxü̃ ga cua̱x ga yexguma noxri cuétü chaxǘxme̱xãcüma cumaxã chayumüxẽgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:2

Rü ngẽxgumarüxü̃ ta name nixĩ i naxca̱x peyumüxẽ i guxü̃ma i nachixü̃anegüarü ãẽ̱xgacügü rü guxü̃ma i norü ngü̃xẽẽruü̃gü i ãẽ̱xgacügü nax ngẽmaãcü itaãẽgüxü̃ca̱x rü Tupanape̱xewa rü guxü̃ i duü̃xü̃güpe̱xewa tüxü̃́ nangẽxmaxü̃ca̱x i wüxi i maxü̃ i aixcüma mexü̃.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Yeremía 27:17

¡Rü taxṹ i naga pexĩnüexü̃! ¡Rü Babiróniaanearü ãẽ̱xgacüme̱xẽwa pegü pengẽxmagüxẽxẽ, rü tá pemaxẽ! ¿Rü ta̱xacüca̱x tá daa ĩane rü naxchipe̱xegüxica ngéma nayaxügü?

Wenaxarü naxümatü ga Tupanaarü mugü 17:12

Natürü ngẽxguma tangexmagu ya wüxíe ya tama naga ĩnüchaü̃xe i ngẽma poxcu i ãẽ̱xgacü i guxchaarü mexẽẽruxü̃ ueguxü̃ rüe̱xna ngẽma poxcu i chacherdóte i Tupanaarü puracü ixüxü̃ ueguxü̃, rü yu tá tümamaxã naxuegu. Rü ngẽmaãcü tá peyanaxoxẽxẽ i ngẽma chixexü̃ i Iraéanewa ngẽxmaxü̃.

Norü taxre ga popera ga Pedru ümatüxü̃ 1:12

Rü ngẽmaca̱x woo marü nüxü̃ nax pecuáxü̃ rü nagu nax pexĩxü̃ i ngẽma ore i aixcüma ixĩxü̃, natürü guxü̃gutáma pexna nüxü̃ chacua̱xãchixẽxẽ ga yema pexü̃ namaxã chaxucu̱xẽxü̃.

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Ichaía 43:26

Rü ngẽxguma chi nagu perüxĩnüegu nax dora yixĩxü̃ nax chixexü̃ chope̱xewa pexüxü̃, rü ngĩxã nachiga tidexagü nax nüxü̃ icuáxü̃ca̱x rü aixcüma yixĩxü̃ i nataxuxü̃ma i perü chixexü̃ i chope̱xewa pexüxü̃.

Popera ga Yúda ümatüxü̃ 1:5

Rü woo marü nüxü̃ nax pecuáxü̃, natürü chanaxwa̱xe nax pexna nüxü̃ chacua̱xãchixẽẽxü̃ ga yema nüxü̃ ngupetüxü̃ ga yema nũxcümaü̃güxü̃ ga Iraétanüxü̃ ga Moichéwe rüxĩxü̃. Rü nüma ga Cori ya Tupana rü Equítuanewa ínananguxü̃xẽxẽ, natürü yemawena rü nanadai ga yema tama nüxü̃́ yaxõgüchaü̃xü̃.

Popera ga Títoca̱x naxümatüxü̃ ga Pauru 3:14

Rü ngẽma taenexẽgü i yaxõgüxü̃, rü name nixĩ i naxca̱x nangúe nax mexü̃ naxügüxü̃ rü togüxü̃ nangü̃xẽẽgüxü̃ ega ta̱xacü nüxü̃́ taxu̱xgux. Rü ngẽmaãcü i ngẽma togü rü tá nayaxõgü.

Norü taxre ga popera ga Timutéuca̱x naxümatüxü̃ ga Pauru 2:14

Rü ngẽma yaxõgüxü̃ i cuxü̃tawa ngẽxmagüxü̃, rü name nixĩ i Tupanaégagu nüxna nüxü̃ cucua̱xãchixẽxẽ nax tama ngẽma ore i taxuwama mexü̃ca̱x nügümaxã nax yaporagatanücüüxü̃ca̱x. Erü ngẽma rü guxchaxü̃ ínanguxẽxẽ tümaca̱x ya yíxema nüxü̃ ĩnüexe.

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.