Popera ga Títoca̱x naxümatüxü̃ ga Pauru 2:13 - Tupanaarü Ore

¹³ Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Popera ga Títoca̱x naxümatüxü̃ ga Pauru 2:13 Referans Kwoze

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

1 Corintios 1:7

Rü ñu̱xma nax ípenangu̱xẽẽxü̃ nax wena táxarü núma naxũxü̃ ya tórü Cori ya Ngechuchu ya Cristu, rü taxuxü̃ma i Tupanaarü ngü̃xẽxẽ pexü̃́ nataxu.

Ore i mexü̃ ga Matéu ümatüxü̃ 16:27

Erü Tupana Nane ya duü̃xü̃xü̃ ixĩcü rü wena táxarü núma naxũ. Rü Chaunatü ya Tupanaarü poramaxã rü daxũcüã̱x i orearü ngeruü̃gümaxã tá ínangu. Rü ngẽxguma tá nixĩ i nüxü̃́ naxütanüãxü̃ i wüxichigü i duü̃xü̃ naxca̱x i ngẽma naxüxü̃.

Ore i mexü̃ ga Márcu ümatüxü̃ 14:62

Rü Ngechuchu rü ñanagürü nüxü̃: —Ngü̃. Ngẽma nüxü̃ quixuxü̃ chixĩ. Rü tá nüxü̃ pedau ya Tupana Nane ya duü̃xü̃xü̃ ixĩcü i ngẽxguma Tupana ya Guxü̃étüwa Ngẽxmacüarü tügünecüwawa nato̱xgu i ngẽxguma caixanexü̃gu núma naxũxgu —ñanagürü.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Nüxíraxü̃xü̃ ga popera ga Pedru ümatüxü̃ 1:7

Rü ngẽma perü õ rü ñoma úirurüxü̃ nixĩ. Rü ngẽma úiru rü üxümaxã nüxü̃ taxü nax nüxü̃ icuáxü̃ca̱x rü aixcüma úiruxüchi yixĩxü̃. Rü ngẽxguma peyaxõgüamagu ega woo guxchaxü̃gü pexca̱x ínguxgu, rü ngẽma perü õ rü wüxi i úiruarü yexera nixĩ nax namexü̃. Rü ngẽma úiru rü woo namexẽchi natürü düxwa nangau. Natürü ngẽxguma peyaxõgüamagu ega guxchaxü̃gü pexca̱x ínguxgu rü tá Tupanape̱xewa pime rü tá pexü̃ nicua̱xüxü̃ rü tá pemaxã nataãxẽ rü mexü̃ i pechica tá pexna naxã i ngẽxguma wena núma naxũxgu ya Ngechuchu ya Cristu.

Nüxíraxü̃xü̃ ga popera ga Pedru ümatüxü̃ 1:3

¡Rü ngĩxã nüxü̃ ticua̱xüxü̃gü ya Tupana ya tórü Cori ya Ngechuchu ya Cristu Nanatü! Yerü yexguma Ngechuchu ya Cristuxü̃ wena namaxẽẽgu, rü tüxna nanaxã ga maxü̃ ga yexwaca̱xüxü̃, yerü poraãcü nüxü̃́ tangechaü̃tümüü̃gü. Rü ngẽmaca̱x i ñu̱xma i yixema rü ta ítanangu̱xẽxẽ nax wena tá imaxẽxü̃.

Norü taxre ga popera ga Timutéuca̱x naxümatüxü̃ ga Pauru 4:1

Nüma ya Ngechuchu ya Cristu ya núma tá ũcü nax nüxü̃ yacagüxü̃ca̱x i ngẽma duü̃xü̃gü i maxẽxü̃ rü ngẽma marü yuechiréxü̃, rü yimápe̱xewa rü Tupanape̱xewa cuxü̃ chamu nax nüxü̃ quixuxü̃ca̱x i ngẽma ore i mexü̃. Rü ngẽxguma cuxü̃́ natauxchagu rü woo tama cuxü̃́ natauxchagu, ¡rü nayoxnie nax nüxü̃ quixuamaxü̃ i ngẽma ore! Rü ngẽmaãcü chanaxwa̱xe nax icuyanawe̱xãchixẽẽgüxü̃ rü mea cuyaxucu̱xẽgüxü̃ rü nüxü̃́ cunangúchaü̃xẽẽxü̃ i duü̃xü̃gü. Rü name nixĩ i yáxna namaxã cuxĩnüãcüma mea cunangúexẽxẽ.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ngechuchuarü ngúexü̃gü ga yamugüxü̃arü puracüchiga 24:15

Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

Ore i mexü̃ ga Márcu ümatüxü̃ 8:38

Rü ngẽxguma texé i ñaa duü̃xü̃gü i pecaduã̱xgüxü̃ i tama yaxõgüxü̃pe̱xewa cha̱u̱xca̱x ãnegu rü naxca̱x taxãneegu i chorü ore, rü choma ya Tupana Nane nax duü̃xü̃xü̃ chixĩxü̃ rü tá ta tümaca̱x chaxãne i ngẽxguma Chaunatüarü poramaxã rü norü orearü ngeruü̃gü i daxũcüã̱x i üünegüxü̃maxã wenaxarü núma chaxũxgu —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:7

¡Rü dücax, marü ningaica nax caixanexü̃gu ínanguxü̃ ya Cristu! Rü guxü̃táma i duü̃xü̃gü nüxü̃ nadau, rü woo ga yema nacanapacütüxü̃güxü̃ rü tá ta nüxü̃ nadaugü. Rü guxü̃ i duü̃xü̃gü i guxü̃ i nachixü̃anecüã̱x rü norü ngechaü̃maxã tá naxauxe i ngẽxguma ínanguxgu i nümax. Rü ngẽmaãcü tá nixĩ.

Popera ga Títoca̱x naxümatüxü̃ ga Pauru 3:4

Natürü nüma ya Tupana ya tórü Maxẽxẽxẽruxü̃ rü tüxü̃ nanawe̱x i norü mecüma rü norü ngechaü̃ naxca̱x i guxü̃ma i duü̃xü̃gü.

Colosenses 3:4

Rü nümatama ya Cristu nixĩ i pexü̃ namaxẽxẽẽxü̃. Rü ngẽxguma wena núma naxũxgu, rü pema rü namaxã tá pengóe, rü naxrüxü̃ tá pimexẽchi.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Colosenses 1:5

Rü tataãẽgü erü pema rü ípenangu̱xẽxẽ i ngẽma Tupana pexca̱x ímexẽẽxü̃ i daxũguxü̃ i naanewa. Rü yemachiga nixĩ ga marü nüxü̃ pexĩnüexü̃ ga yexguma pemaxã nüxü̃ tixuxgu i Tupanaarü ore i aixcüma ixĩxü̃.

Ore i mexü̃ ga Matéu ümatüxü̃ 26:64

Rü Ngechuchu nanangãxü̃ rü ñanagürü: —Ngẽma nüxü̃ quixuxü̃ chixĩ. Rü pemaxã nüxü̃ chixu rü tá nüxü̃ pedaugü ya Tupana Nane ya duü̃xü̃xü̃ ixĩcü i ngẽxguma Nanatü ya Guxü̃étüwa Ngẽxmacüarü tügünecüwawa rütocü rü ngẽxguma caixanexü̃gu wenaxarü núma naxũxgu —ñanagürü.

Ore i mexü̃ ga Matéu ümatüxü̃ 25:31

Rü ñanagürü ga Ngechuchu: —Ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü, rü norü tochica i mexẽchixü̃wa tá narüto. Rü norü orearü ngeruü̃gü i daxũcüã̱x rü tá nanaxümücügü.

2 Tesalonicenses 2:16

Rü tórü Cori ya Ngechuchu ya Cristu rü Tanatü ya Tupana ya tüxü̃ ngechaü̃cü rü guxü̃guma taãxẽ tüxna ãcü rü marü tamaxã namecüma rü ngẽmaca̱x tamaxã inaxuneta nax guxü̃gutáma naxü̃tawa ingẽxmagüxü̃.

2 Tesalonicenses 2:8

Rü ngẽxguma ngẽma ínachaxãchixẽẽxü̃ nüxna ixũgachigu, rü tá ínangu i ngẽma Tupanaarü uanü. Natürü nüma ya tórü Cori ya Ngechuchu rü ngẽxguma ínanguxgu rü wüxi i “cue”, ñaxü̃maxã tá nayama̱x. Rü norü ya̱u̱xracüümaxã tá inayanaxoxẽxẽ i ngẽma norü uanü.

Romanos 8:18

Rü choma nagu charüxĩnü rü ngẽma ngúxü̃ i ñu̱xma ñoma i naanewa ingegüxü̃, rü taxuxü̃ma nixĩ i ngẽxguma nagu nanguxgu i ngẽma mexü̃ i yixcüra tá nüxü̃ idauxü̃ i ngẽxguma Cristumaxã ingẽxmagügu i daxũguxü̃ i naanewa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:1

Pa Timutéux, cuxü̃ charümoxẽ. Rü choma i Pauru nixĩ i cuxca̱x chanaxümatüxü̃ i ñaa popera. Rü choxü̃ nixĩ i namuxü̃ ya Tupana ya tüxü̃ maxẽxẽẽcü rü tórü Cori ya Ngechuchu ya Cristu ya ínanguxẽẽgücü nax wena núma naxũxü̃. Pa Timutéux, cuma rü chaune quixĩ i Tupanaarü orewa. Rü chanaxwa̱xe nax Tanatü ya Tupana rü tórü Cori ya Ngechuchu ya Cristu cuxna naxãxü̃ i norü ngü̃xẽxẽ rü norü ngechaü̃ rü norü taãxẽ.

Norü taxre ga popera ga Timutéuca̱x naxümatüxü̃ ga Pauru 1:2

Pa Chaune, Pa Timutéux, cuxü̃ changechaü̃ rü chanaxwa̱xe nax Tanatü ya Tupana rü Ngechuchu ya Cristu ya tórü Cori cuxü̃ nangü̃xẽẽgüxü̃ rü nüxü̃́ cungechaü̃tümüü̃güxü̃ rü cuxü̃ nataãẽxẽẽgüxü̃.

Popera ga Títoca̱x naxümatüxü̃ ga Pauru 1:4

Pa Títox, cuma rü chaune quixĩ i Tupanaarü orewa. Rü ñu̱xma rü chauxrüxü̃ cuyaxõ. Rü chanaxwa̱xe i cuxü̃ narüngü̃xẽẽgü rü cuxü̃ nataãẽxẽẽgü ya Tanatü ya Tupana rü Ngechuchu ya Cristu ya tórü Maxẽxẽxẽruxü̃.

Popera ga Yúda ümatüxü̃ 1:21

¡Rü pegüna pedaugü nax guxü̃guma pewa nangẽxmaxü̃ca̱x i Tupanaarü ngechaü̃! ¡Rü mea ípenangu̱xẽxẽx i ngẽma ngunexü̃ i nagu tá núma naxũxü̃ ya tórü Cori ya Ngechuchu ya Cristu nax nüxü̃́ ingechaü̃tümüxü̃gügagu tüxna naxããxü̃ca̱x i maxü̃ i taguma gúxü̃!