Popera ga Títoca̱x naxümatüxü̃ ga Pauru 2:12 - Tupanaarü Ore

¹² Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Popera ga Títoca̱x naxümatüxü̃ ga Pauru 2:12 Referans Kwoze

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Ore i mexü̃ ga Matéu ümatüxü̃ 16:24

Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Romanos 6:19

Rü tauxchaxü̃ i oremaxã pemaxã chidexaxü̃ i ñu̱xmax, erü ngürüãchi taxũtáma nüxü̃ pecua̱x i ta̱xacüchiga nax yixĩxü̃ i ngẽma ore i pemaxã nüxü̃ chixuxü̃. Rü dücax, rü nũxcüma ipenaxã ga pexenegü nax namaxã penaxügüxü̃ca̱x ga naguxü̃raü̃xü̃ ga chixexü̃. Natürü i ñu̱xma rü name nixĩ i Tupanana penaxã i pexenegü nax aixcüma nape̱xewa pimexü̃ca̱x rü naxca̱xicatama pemaxẽxü̃ca̱x.

Wiyaegü 4:3

Nüma ya Cori rü tüxü̃ nicua̱xüxü̃ ya yíxema duü̃xẽ ya aixcüma naga ĩnüxe. Rü nüma ya Cori rü choxü̃ naxĩnü ega norü ngü̃xẽẽca̱x nüxna chacaxgux.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Nüxíraxü̃xü̃ ga popera ga Cuáü̃ ümatüxü̃ 2:6

Rü yíxema ñagüxe: “Tupanaarü duü̃xü̃ chixĩ”, ñagüxe, rü name nixĩ nax mea tamaxü̃xü̃ yema Ngechuchu ya Cristu mea maxü̃xü̃rüxü̃.

Norü taxre ga popera ga Timutéuca̱x naxümatüxü̃ ga Pauru 3:12

Rü aixcüma cumaxã nüxü̃ chixu rü guxãma ya yíxema naxwa̱xegüxe nax Ngechuchu ya Cristuca̱x tamaxẽxü̃, rü duü̃xü̃gü rü tá tümawe ningẽxü̃tanü rü guxchaxü̃ tá tümaca̱x ínangugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:12

Rü ngẽmaca̱x ya yíxema Tupanaarü duü̃xü̃gü ixĩgüxe rü mea norü orega ĩnüexe rü name nixĩ nax yáxna namaxã taxĩnüexü̃ i tümaarü guxchaxü̃gü rü Ngechuchuaxü̃́ nax tayaxõgüamaxü̃.

1 Tesalonicenses 4:7

Erü Tupana tüxü̃ nade nax mea imaxẽxü̃ca̱x rü tama chixexü̃ ixügüxü̃ca̱x.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

1 Tesalonicenses 4:9

Rü ngẽma nax pegü pengechaü̃güxü̃chiga, rü taxuca̱xma pexca̱x chanaxümatü i poperawa. Yerü Tupanatama nixĩ ga marü pexü̃ ngúexẽẽcü nax pegü pengechaü̃güxü̃.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

Romanos 6:12

Rü ngẽmaca̱x rü tama name i pecadutüü̃wa pegü pengẽxmagüxẽxẽ nax pemaxã inacuáxü̃ca̱x. Rü tama name i penaxüchica i pecadu nax pexenearü ngúchaü̃gü i chixexü̃ pexü̃ naxüxẽẽxü̃ca̱x.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

Norü taxre ga popera ga Pedru ümatüxü̃ 3:11

Rü ñu̱xma nax ngẽmaãcü tá namaxã nangupetüxü̃ i guxü̃ma i ta̱xacü i ngẽxmaxü̃, rü yexeraãcü penaxwa̱xe nax naxüünexü̃ i perü maxü̃ rü Tupana nanaxwa̱xexü̃ãcüma nax pemaxẽxü̃.

Popera ga Yudíugü ga yaxõgüxü̃ca̱x ümatüxü̃ 8:11

Rü guxü̃ma i ngẽma duü̃xü̃gü, rü aixcüma tá choxü̃ nacua̱xgü. Rü ngẽmaca̱x taxuca̱xtama tü̱xcüü̃ nügümücümaxã rü nügüenexẽgümaxã nüxü̃ nixugügü i chauchiga nax ngẽmaãcü choxü̃ nacua̱xgüxü̃ca̱x. Erü guxü̃ma i ngẽma duü̃xü̃gü rü aixcüma tá mea choxü̃ nacua̱xgü woo buxü̃ rü ẽ̱xna yáxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:12

¡Mea cugüna nadau nax taxúema cuxü̃ naxoxü̃ca̱x naxca̱x i ngẽma nax cungextü̱xüxü̃! Rü name nixĩ i wüxi i mexü̃ i cua̱xruxü̃ quixĩ naxca̱x i guxü̃ma i ngẽma yaxõgüxü̃. Rü ngẽmaca̱x cunaxwa̱xe i mexü̃ i oremaxã quidexa, rü mea duü̃xü̃güpe̱xewa cumaxü̃, rü aixcüma nüxü̃ cungechaü̃ i guxü̃ma i duü̃xü̃gü, rü mea Tupanaaxü̃́ cuyaxõ, rü nape̱xewa mea cumaxü̃.

Colosenses 1:22

Natürü nüma ya Cristu rü yexguma curuchagu nayu̱xgu rü Tupanamaxã pexü̃ inarüngü̃xmüexẽxẽ. Rü yemaacü nanaxü ga Cristu nax nügüxü̃tawa pexü̃ nagagüxü̃ca̱x rü nape̱xewa pimexü̃ca̱x rü nataxuxü̃ca̱x i perü chixexü̃.

Gálatas 5:24

Rü ngẽma aixcüma Ngechuchu ya Cristuarü duü̃xü̃gü ixĩgüxü̃, rü marü nüxü̃ narüxoe ga naxü̃nearü ngúchaü̃gü, rü guxü̃ma ga yema ngúchaü̃gü ga tama mexü̃.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Romanos 8:13

Erü ngẽxguma chi pexenearü ngúchaü̃ pexü̱xgu rü tá ipeyarütauxe. Natürü ngẽxguma Tupanaãxẽ ya Üünecüarü ngü̃xẽẽmaxã ipeyanaxoxẽẽgu i ngẽma pexenearü ngúchaü̃, rü aixcüma tá pexü̃́ nangẽxma i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Ngechuchuarü ngúexü̃gü ga yamugüxü̃arü puracüchiga 24:16

Rü ngẽmaca̱x nixĩ i guxü̃guma mea chaugüna chadauxü̃ nax chauãẽwa mexü̃gu charüxĩnüxü̃ i Tupanape̱xewa rü duü̃xü̃güpe̱xewa.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Efesios 1:4

Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Cuáü̃ ümatüxü̃ 6:25

Rü yexguma guma naxtaxaarü tocutüwa nangugügu ga yema duü̃xü̃gü, rü Ngechuchuxü̃ yexma nayangaugü. Rü nüxna nacagüe, rü ñanagürügü: —Pa Ngúexẽxẽruxü̃, ¿ñuxgu nixĩ i nua cunguxü̃? —ñanagürügü.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Popera ga Yúda ümatüxü̃ 1:18

Rü nümagü rü ñanagürügü pexü̃: “Ngẽxguma nagúxchaü̃gu i naane rü tá nangẽxma i duü̃xü̃gü i tá nüxü̃ cugüexü̃ i Tupanaarü ore rü noxrütama ngúchaü̃ i chixexü̃gumare maxẽxü̃”, ñanagürügü pexü̃.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Ore i mexü̃ ga Matéu ümatüxü̃ 12:32

Rü guxãma ya texé ya chixexü̃ namaxã ixugüxe ya Tupana Nane ya duü̃xü̃xü̃ ixĩcü rü Tupana tá tüxü̃́ nüxü̃ narüngüma i ngẽma. Natürü texé ya Tupanaãxẽ i Üünexü̃maxã chixexü̃ ixugüxe, rü Tupana rü tagutáma tüxü̃́ nüxü̃ narüngüma i ngẽma, rü bai i ñoma i naanewa, rü bai i daxũguxü̃ i naanewa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:9

Natürü ngẽma duü̃xü̃gü i diẽruã̱xgüchaü̃xü̃, rü tama yáxna namaxã naxĩnüe i ngẽxguma ngẽma diẽruarü ngúchaü̃ nüxü̃ poragu. Rü ngẽmaca̱x nagu nayi i muxü̃ma i ngúchaü̃gü i taxuwama nüxü̃́ mexü̃ i chixexü̃wa nagagüxü̃. Rü ngẽmaca̱x düxwa i ngẽma duü̃xü̃gü rü poraãcü nachixe rü norü guxü̃maãma inayarütauxe.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.