Popera ga Títoca̱x naxümatüxü̃ ga Pauru 1:15 - Tupanaarü Ore

¹⁵ Rü yíxema aixcüma Tupanaaxü̃́ yaxṍxe rü guxü̃guma mexü̃gu tarüxĩnü. Natürü ngẽma tama Tupanaaxü̃́ yaxõxü̃, rü taxucürüwa mexü̃gu narüxĩnü erü norü ĩnü rü naxãũãchi rü naãxẽwa chixexü̃gu narüxĩnü.

Popera ga Títoca̱x naxümatüxü̃ ga Pauru 1:15 Referans Kwoze

Romanos 14:14

Choma nüxü̃ chacua̱x rü nataxuma i õna i Tupanape̱xewa chixexü̃. Rü aixcümaxü̃chi nüxü̃ chacua̱x i ngẽma erü tórü Cori ya Ngechuchu ya Cristuarü duü̃xü̃ chixĩ, rü nüma choxü̃ nüxü̃ nacua̱xẽxẽ i ngẽma. Natürü ngẽxguma chi texé nagu rüxĩnügu nax tama Tupanape̱xewa namexü̃ i ta̱xacürü õna nax tangṍxü̃, rü name nixĩ i noxtacüma tama nax tanangṍxü̃ ega nagu tarüxĩnügu nax tama namexü̃ i ngẽma.

Romanos 14:20

Rü tama name i õna cungṍxü̃gagu icuyanaxoxẽxẽ i Tupanaarü puracü i cuenexẽarü maxü̃wa. Rü aixcüma nixĩ i guxü̃ma i õnagü i namexü̃ i Tupanape̱xewa. Natürü wüxi i chixexü̃ nixĩ ega ngẽma õna i ingṍxü̃gagu chixexü̃gu nayixẽẽgu i taenexẽgü.

1 Corintios 10:23

Pema rü ñaperügügü: “Marü ítanguxü̃ nax naxügüxü̃ca̱x i ta̱xacü i inaxwa̱xegüxü̃”, ñaperügügü. Rü aixcüma nixĩ i ngẽma, natürü tama tüxü̃́ name i guxü̃ma i ngẽma ixügüchaü̃xü̃. Rü aixcüma ítanguxü̃ nax naxügüxü̃ca̱x i ngẽma inaxwa̱xexü̃, natürü tama guxü̃ma i ngẽma ixügüxü̃ tüxü̃ narüngü̃xẽxẽ nax yexeraãcü yaxõgüxü̃ca̱x.

Ore i mexü̃ ga Matéu ümatüxü̃ 15:18

Natürü guxü̃ma i ngẽma ore i duü̃xü̃gü nüxü̃ ixuxü̃ rü naãẽwa nixĩ i ne naxũxü̃. Rü ngẽma ore i chixexü̃ waxi nixĩ i napecaduã̱xẽẽgüxü̃ i duü̃xü̃gü.

Romanos 14:23

Natürü ngẽxguma wüxíe nagu rüxĩnügu nax tama namexü̃ i Tupanape̱xewa nax ta̱xacürü õna nax tangṍxü̃, rü pemaxã nüxü̃ chixu rü chixexü̃ taxü ega tanangõ̱xomagu, erü tümaãẽwa nagu tarüxĩnü nax tama aixcüma namexü̃ i ngẽma taxüxü̃. Rü guxü̃ma i ngẽma tümaãẽwa nagu tarüxĩnüxü̃ nax nachixexü̃ rü aixcüma pecadu taxü ega tanaxüamagu.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Ngechuchuarü ngúexü̃gü ga yamugüxü̃arü puracüchiga 10:15

Rü yexguma ga yema naga, rü wenaxarü ñanagürü: —Ngẽma choma chamexẽẽxü̃ rü tama name i ãũãchi nüxü̃ cuwogü —ñanagürü.

1 Corintios 8:7

Natürü tama guxü̃ma i yaxõgüxü̃ nüxü̃ nacua̱x i ngẽmachiga. Rü ñuxre i nümagü rü namaxã nixü nax nangõ̱xgüãxü̃ i namachi i ngẽma tupananetachicüna̱xãgüca̱x daixü̃. Natürü naãxẽwa nagu narüxĩnüe nax chixexü̃ naxügüxü̃ i ngẽxguma nangõ̱xgüãgu i ngẽma naxü̃namachi i togü i duü̃xü̃gü norü tupananetachicüna̱xãgüca̱x daixü̃ nax nüxü̃ namaxã yacua̱xüü̃güxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

1 Corintios 10:25

Rü marü name i penangõ̱x i naguxü̃raü̃xü̃ i namachi i namaxã nataxegüxü̃, natürü taxuca̱xma tü̱xcüü̃ naxca̱x ípeca rü marü tupananetagüxü̃ namaxã yacua̱xüü̃güxü̃ i namachi yixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:5

Rü ngẽmaãcü i ngẽma duü̃xü̃gü i chixeãẽgüxü̃, rü nügümaxã nanueecha, rü tama nüxü̃ nacua̱xgü i ngẽma ore i aixcüma ixĩxü̃, rü nagu narüxĩnüe rü Tupanaarü orewa yixĩxü̃ i diẽru ngĩxü̃ nayauxgüxü̃.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Aguéu 2:13

Rü yexguma ga nüma ga Aguéu rü nüxna nicachigüama rü ñanagürü: —¿Rü ngẽxguma chi texe wüxi i yuxü̃xü̃ ingógügu rü ngẽmaca̱x Tupanape̱xewa taxãũãchigu rü ngẽxguma chi nawena nüxü̃ tingõgügu i ngexü̃rüü̃xü̃ i Tupanapataarü ngẽmaxü̃gü rü tama ẽ̱xna Tupanape̱xewa naxãũãchi i ngẽma ngẽmaxü̃gü? —ñanagürü. Rü nümagü ga yema chacherdótegü rü nanangãxü̃gü rü ñanagürügü: —Ngẽmaãcü —ñanagürügü.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Ucu̱xẽgüchiga 30:12

Rü nangẽxma i duü̃xü̃gü i nügü írümearü maxü̃ã̱xgüxü̃, natürü tama nüxü̃ narüxoe i nacüma i chixexü̃.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.