Popera ga Títoca̱x naxümatüxü̃ ga Pauru 1:13 - Tupanaarü Ore

^13-14 Rü aixcüma nixĩ ga yema ore ga nüxü̃ yaxuxü̃ ga yema yatü. Rü ngẽmaca̱x chanaxwa̱xe i poraãcü cuyaxucu̱xẽgü i ngẽma yaxõgüxü̃ nax aixcüma yaxõgüãxü̃ca̱x, rü tama nagu naxĩxü̃ca̱x i ngẽma Yudíugücüma. Rü tama name nax naga naxĩnüexü̃ i ngẽma duü̃xü̃gü i tama nüxü̃ cua̱xgüchaü̃xü̃ i ore i aixcüma ixĩxü̃.

Popera ga Títoca̱x naxümatüxü̃ ga Pauru 1:13 Referans Kwoze

Popera ga Títoca̱x naxümatüxü̃ ga Pauru 2:2

¡Rü ngẽma yaxõgüxü̃ i yaxü̃ rü yaxucu̱xẽgü nax mea naãẽxü̃ yacuáxü̃ca̱x, rü taxúema chixri nachiga idexagüxü̃ca̱x, rü mexü̃gu naxĩnüexü̃ca̱x! ¡Rü nangúexẽxẽ nax mea Tupanaaxü̃́ yaxõgüãxü̃ca̱x, rü guxü̃ i duü̃xü̃güxü̃ nangechaü̃güxü̃ca̱x, rü yáxna namaxã naxĩnüexü̃ca̱x ega woo ta̱xacürü guxchaxü̃ naxca̱x ínguxgu!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20

Natürü ngẽma yaxõgüxü̃arü ãẽ̱xgacügü i aixcüma pecadugu maxẽxü̃, rü name nixĩ i guxü̃ i yaxõgüxü̃pe̱xewa cunaxucu̱xẽ, nax guxü̃ma i ngẽma togü i yaxõgüxü̃arü ãẽ̱xgacügü rü ta namuü̃exü̃ca̱x nax naxügüãxü̃ i ta̱xacürü chixexü̃.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

2 Corintios 13:10

Rü naxü̃pa nax pexü̃ íchayadauxü̃ nixĩ i pexca̱x chanaxümatüxü̃ i ñaa popera, nax ngẽxguma ngéma changuxgu rü nataxuxü̃ca̱x i ta̱xacüca̱x pemaxã nax chaporagaxü̃. Erü tórü Cori choxü̃ namu nax pexü̃ charüngü̃xẽxẽxü̃ca̱x nax yexeraãcü mea peyaxõgüxü̃ca̱x. Rü tama chixexü̃gu pexü̃ yayixẽẽxü̃ca̱x nixĩ i choxü̃ namuxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:6

Rü ngẽxguma ngẽma cumaxã nüxü̃ chixuxü̃ i oremaxã cunangúexẽẽgu i taenexẽ i yaxõgüxü̃, rü Ngechuchu ya Cristuarü mugüruxü̃ ya mecü tá quixĩ. Rü ngẽxguma nawa cungúechagu i ngẽma ore i marü quixõxü̃, rü ngẽxguma nagu quixũẽchagu i ngẽma mexü̃ i ngu̱xẽẽtae i marü nagu quixũxü̃, rü ngẽxguma tá nixĩ i wüxi ya mecü ya Ngechuchu ya Cristuarü mugüruxü̃ quixĩxü̃.

Ucu̱xẽgüchiga 27:5

Ega aixcüma nüxü̃ cungechaü̃gu i wüxi i duü̃xü̃, rü name nixĩ nax aixcüma cunaxucu̱xẽxü̃, rü tama nüxna cungeáxü̃.

Wiyaegü 141:5

Rü choxü̃́ rü wüxi i ngü̃xẽxẽ nixĩ ega ngẽxguma choxü̃ nawe̱xãchixẽẽgu i wüxi i duü̃xü̃ i cupe̱xewa mexü̃. Natürü ngẽma norü ucu̱xẽ i ngẽma chixexü̃ ügüxü̃ rü tama choxü̃́ name rü taxũtáma naga chaxĩnü. Rü guxü̃gutáma chayumüxẽ nax nüxü̃ naxoexü̃ca̱x i ngẽma chixexü̃ i nagu ínamaxẽxü̃ uxcuxẽ

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!