Popera ga Títoca̱x naxümatüxü̃ ga Pauru 1:11 - Tupanaarü Ore

¹¹ Natürü ngẽma duü̃xü̃gü i ngẽmaãcü chixri ngu̱xẽẽtaegüxü̃, rü chanaxwa̱xe i noxtacüma icuyanangea̱xgüxẽxẽ. Erü muxü̃ma i duü̃xü̃güxü̃ nachixexẽẽgü rü ñu̱xmata ñuxre ya ĩpatawachigü rü nanachixexẽxẽ i guxü̃ma i duü̃xü̃gü nax tama aixcüma Tupanaaxü̃́ yaxõgüãxü̃ca̱x. Rü ngẽma ore i taxuwama mexü̃maxã duü̃xü̃güxü̃ nangúexẽxẽ nax ngẽmaãcü tüxü̃ nawomüxẽẽgüãcüma ngĩxü̃ nayauxgüxü̃ca̱x i diẽru.

Popera ga Títoca̱x naxümatüxü̃ ga Pauru 1:11 Referans Kwoze

Norü taxre ga popera ga Timutéuca̱x naxümatüxü̃ ga Pauru 3:6

Erü ngẽma duü̃xü̃gütanüwa nangẽxmagü i nümaxü̃ i ĩpatagu ichocuetanüxü̃. Rü norü ngu̱xẽẽtaemaxã nayawomüxẽẽgü i ngẽma ngexü̃gü i ngéma ngẽxmagüxü̃ i tama naãẽxü̃ icuáxü̃ rü chixri maxẽxü̃. Rü ngẽma ngexü̃gü, rü norü ngúchaü̃gütama chixexü̃wa nanagagü, rü woo guxü̃guma nangúe natürü taguma aixcüma nüxü̃ nacua̱xgü i ngẽma ore i aixcüma ixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:5

Rü ngẽmaãcü i ngẽma duü̃xü̃gü i chixeãẽgüxü̃, rü nügümaxã nanueecha, rü tama nüxü̃ nacua̱xgü i ngẽma ore i aixcüma ixĩxü̃, rü nagu narüxĩnüe rü Tupanaarü orewa yixĩxü̃ i diẽru ngĩxü̃ nayauxgüxü̃.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Popera ga Títoca̱x naxümatüxü̃ ga Pauru 3:10

Rü ngẽxguma chi petanüwa wüxíe ta̱xacürü ngu̱xẽẽtaemaxã ngẽma yaxõgüxü̃xü̃ titoyegu, rü name i wüxicana rüe̱xna taxree̱xpü̱xcüna tümaca̱x cuca rü tüxü̃ cuxucu̱xẽ nax tama ngexü̃ tawagüxü̃ca̱x. Rü ngẽxguma chi tama cuga taxĩnüchaü̃gu rü tanaxüamagu i ngẽma chixexü̃ rü name i noxtacüma tüxü̃ ícumuxũchi natanüwa i ngẽma yaxõgüxü̃.

Wiyaegü 63:11

Natürü i choma nax ãẽ̱xgacü chixĩxü̃ rü tá Tupanamaxã chataãxẽ. Rü guxãma ya yíxema Tupanaarü ngü̃xẽẽca̱x daugüxe rü tá nüxü̃ ticua̱xüxü̃gü. Natürü ngẽma idorata̱a̱xgüxü̃ rü tá nayarüngea̱xgü.

Popera ga Títoca̱x naxümatüxü̃ ga Pauru 1:9

Rü yíxema yaxõgüxü̃arü ãẽ̱xgacü ixĩxẽ rü name i mea nagu tixũ ga yema ore i aixcüma ixĩxü̃ ga tüxü̃ ingu̱xẽẽxü̃ nax tüma rü ta togüxü̃ tangúexẽẽxü̃ca̱x i ngẽma ore i mexü̃, nax ngẽmaãcü nüxü̃́ tanangúchaü̃xẽẽxü̃ca̱x nax yaxõgüãxü̃ca̱x i ngẽma duü̃xü̃gü i tama yaxõgüchaü̃xü̃.

Popera ga Títoca̱x naxümatüxü̃ ga Pauru 1:7

Erü yíxema yaxõgüxü̃arü ãẽ̱xgacü ixĩxẽ, rü Tupanaarü puracümaxã nixĩ i tacuáxü̃. Rü ngẽmaca̱x tanaxwa̱xe i aixcüma mea tamaxü̃. Rü tama name i wüxi i yatü i chixecümaxü̃ tixĩ rü chixexü̃gu rüxĩnüxü̃ tixĩ. Rü tama name nax tangãxü̃xü̃, rü nuca̱x tadauxü̃, rü duü̃xü̃güxü̃ tawomüxẽẽxü̃ norü diẽruca̱x.

Miquéa 3:5

Rü ngẽma chorü duü̃xü̃gü rü nacüma i chixexü̃gu naxĩ nagagu i ngẽma orearü uruü̃güneta i doramaxã nangúexẽẽxü̃. Rü yíxema õna nüxna ãxe rü ngẽma orearü uruü̃güneta taãxẽ tümamaxã naxuegu. Natürü yíxema tama õna nüxna ãxe rü dai tümamaxã naxuegu.

Wiyaegü 107:42

Rü ngẽmaxü̃ nadaugügu i ngẽma duü̃xü̃gü i Tupanape̱xewa mexü̃ rü tá nataãẽgü. Natürü ngẽma chixexü̃arü üruü̃gü rü tá narüngea̱xgümare.

2 Corintios 11:10

Rü meama nüxü̃ chacua̱x nax aixcüma nüxü̃ chacuáxü̃ i ngẽma Cristuarü ore i aixcüma ixĩxü̃. Rü ngẽma nixĩ i chorü taãxẽ ixĩxü̃. Rü guxü̃ i Acáyaanewa rü taxúetama choxna tanapu i ngẽma taãxẽ i choxü̃́ ngẽxmaxü̃.

Ore i mexü̃ ga Luca ümatüxü̃ 20:40

Rü yemawena rü marü namuü̃e nax ta̱xacüca̱x Ngechuchuna nacagüexü̃.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 13:19

Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Yeremía 8:10

Rü ngẽmaca̱x ya yíxema naxma̱xgü rü togü i yatügüna tá tüxü̃ chamugü, rü ñu̱xũchi ngẽma norü naanegü rü togüna tá chanana. Erü guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü woo ngẽma orearü uruü̃gü, rü ngẽma chacherdótegü rü guxü̃ma womüxẽẽgu namaxẽ.

Ore i mexü̃ ga Cuáü̃ ümatüxü̃ 10:12

Natürü ngẽma diẽruca̱xmare puracüxü̃, rü ngẽxguma aixü̃ nada̱u̱xgu rü carnérugüna ngéma niña. Rü ngẽmaãcü nanaxü erü tama aixcüma norü dauruxü̃ nixĩ i nüma, rü tama noxrü nixĩ i ngẽma carnérugü. Rü ngẽma ai rü carnérugüxü̃ ínayauxü̃ rü ngẽxma tüxü̃ naxüanexẽẽmare.

Ore i mexü̃ ga Matéu ümatüxü̃ 23:13

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü duü̃xü̃güaxü̃́ penaguxchaxẽxẽ nax Tupanaxü̃tawa nangugüxü̃ca̱x. Rü woo i pema rü taxũtáma ngẽxma pechocu, natürü nüxü̃́ penaguxchaxẽxẽ nax ngẽxma nachocuxü̃ca̱x i ngẽma togü i nüxü̃́ nangúchaü̃xü̃ nax ngẽxma nachocuxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4

Natürü ngẽxguma chi wüxi i yutecü ngĩxü̃́ nangẽxmagu i ngĩxacügü rü ẽ̱xna ngĩtaagü, rü name nixĩ i nümagü ngĩxü̃ narüngü̃xẽẽgü rü ngĩxna nanaxã i ta̱xacü i ngĩxü̃́ taxuxü̃. Erü Tupana nanaxwa̱xe nax ngĩtanüxü̃xíra ngĩxna daugüxü̃ nax ngẽmaãcü yangutanüxẽẽgüãxü̃ca̱x ga yema naé nax nayaexẽẽxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:13

Rü ngĩmagü rü ĩpatawa iyaxĩxchigümare rü tama ipuracüechaü̃. Rü tama ngẽmaxicatama ixügü, natürü düxwa ixoregütaxáx, rü guxü̃raxü̃xü̃ i ore i tama mexü̃ i togüchiga iyaxugü.

Norü taxre ga popera ga Timutéuca̱x naxümatüxü̃ ga Pauru 2:18

Yerü nümagü rü nidoragümare ga nüxü̃ nax yaxugüexü̃ rü marü nax nangupetüxü̃ i yuetaarü dachiga. Rü yemaacü nanawomüxẽẽgü ga ñuxre ga duü̃xü̃gü nax tama noxrirüxü̃ yaxõgüãxü̃ca̱x i Tupanaarü ore.