Rux 4:10 - Tupanaarü Ore

¹⁰ Rü ngẽxgumarüxü̃ ta nüxü̃ pexĩnüe nax ngĩxü̃ chayaxuxü̃ i ngẽma yutecü i Moáanecüã̱x i Rux nax ngẽmaãcü naxãxacüxü̃ca̱x rü yimá ngĩne rü gumá tauxeta ngĩte ga Maróü̃chicüxü nüxna naxüxü̃ca̱x i ngẽma naane —ñanagürü.

Rux 4:10 Referans Kwoze

Wenaxarü naxümatü ga Tupanaarü mugü 25:6

Rü yimá tümane ya nüxíra bucü, rü tümate ya tüxna yucüégagu tá nixĩ i naxãégaxü̃, nax ngẽmaãcü ya yimá yucü ya tümate tama iyanaxoxü̃ca̱x i naéga i Iraétanüxü̃tanüwa.

Efesios 5:25

Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

Maraquía 2:14

Rü pemax rü ípecagüama rü ñaperügügü: —¿Tü̱xcüü̃ tüxna nixũgachi ya Tupana? —ñaperügügü. Rü pemaxã tá nüxü̃ chixu nax tü̱xcüü̃ nax yixĩxü̃, erü nüma ya Cori ya Tupana rü nüxü̃ nadau i ngẽma chixexü̃ i cuxüxü̃ namaxã ga yema uneta ga ngĩmaxã nüxü̃ quixuxü̃ ga yema nge ga ngĩmaxã quingĩcü ga yexguma cungextü̱xügu. Rü cumücü iyixĩ, rü nüxü̃ quixu nax ngĩmaxã tá quixaixcümaxü̃.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Ochéa 12:12

Rü perü o̱xi ga Acóbu ga Iraé rü Aráü̃arü naanewa naña nax yexma yaxãmaxü̃ca̱x. Rü carnérugüarü dauruü̃wa napuracü.

Ochéa 3:2

Rü yexguma ga choma ga Ochéa rü chomücüxü̃tawa ngĩxca̱x chataxe i wüxi i nge. Rü 15 tachinü ga diẽru rü 330 litrugü ga chebádagu nixĩ ga choxü̃́ naxãtanüxü̃.

Ichaía 48:19

Rü yexguma chi naga pexĩnüegu ga chorü mugü rü ngẽma petaagü rü chi namuxũchi ñoma márwa ngẽxmacü ya naxnecürüxü̃, rü choma rü taguchima pexü̃ chadai, rü taguchima pexna chixũgachi.

Ucu̱xẽgüchiga 19:14

Ngẽxguma nayu̱xgu i tórü papa rü tórü mama, rü tüxna naxǘ ya ĩpata rü ngẽmaxü̃gü. Natürü ngẽma ãmare ya Tupana tüxna ãxü̃ nixĩ i taxma̱x i aixcüma ngĩãẽxü̃ cua̱xcü.

Ucu̱xẽgüchiga 18:22

Ngẽxguma wüxi i ngecü ngĩxü̃ icuyangauxgu cuxma̱xruxü̃, rü ngẽma rü guxü̃arü yexera rümemaexü̃ nixĩ i nüxü̃ icuyanga̱u̱xü̃. Ngẽmawa nüxü̃ cucua̱x nax aixcüma Tupana cuxü̃ rüngü̃xẽẽxü̃.

Wiyaegü 109:15

¡Rü guxü̃guma nüxna nacua̱xãchi i ngẽma chixexü̃ i naxüxü̃! ¡Rü duü̃xü̃güãẽwa ínapi i naéga!

Wiyaegü 34:16

Natürü nüxü̃ naxo i ngẽma chixexü̃ ügüxü̃ rü inayanaxoxẽxẽ i ñoma i naanewa nax taxúema nüxna cua̱xãchixü̃ca̱x.

Yochué 7:9

Rü nüma i Canaáü̃tanüxü̃ rü guxü̃ma i duü̃xü̃gü i ñaa naanegu pegüxü̃ rü tá nüxü̃ nacuáchigagü i ngẽma toxü̃ ngupetüxü̃. Rü nüma rü tá wüxigu toxca̱x ínayaxüãchi nax toxü̃ nada̱i̱xü̃ca̱x, rü taxúetama ítayaxǘ i totanüwa. ¿Rü texé tá cuxü̃ ticua̱xüxü̃ rü cuxü̃ tataxẽxẽ i ngẽxguma? —ñanagürü ga Yochué.

Naanearü ügüchiga 29:27

¡Ẽcü ínangu̱xẽxẽ i wüxi i yüxü nax yagúexü̃ i ngẽma ngĩchíxü i Léa! Rü ngẽmawena tá nixĩ i cuxna ngĩxü̃ tamuxü̃ i Raqué ega cuma rü curü me yixĩxgu nax nai ya 7 ya taunecü choxü̃́ cupuracüxü̃ —ñanagürü ga Labáü̃.

Rux 4:9

Rü yexguma nüma ga Boó rü ñanagürü nüxü̃ ga yema ãẽ̱xgacügü ga ĩnüetanüxü̃ruxü̃ ixĩgüxü̃, rü yema togü ga yéma irüdaunüxü̃: —Guxãma i pemax i ñu̱xma nua rüdaunüxe, rü pema nixĩ i nüxü̃ pexĩnüexü̃ nax choma ngĩxü̃ naxca̱x chataxexü̃ i Noemí i ngẽma naane ga Erimérexarü, rü Querióü̃arü, rü Maróü̃arü ixĩxü̃.

Naanearü ügüchiga 38:9

Natürü nüma ga Onáü̃ rü nüxü̃ nacua̱xama nax yema naxacügü ga ngĩwa buexü̃ rü taxũchima naxacüacü nüxü̃ nacua̱xgüxü̃. Rü yemaca̱x ga yexguma ngĩmaxã namaxü̱̃xgu, rü naxuãxẽ nax tama nüxü̃́ naxãxacüxü̃ca̱x nax yemaacü tama nagagu naxãtaxaxü̃ca̱x ga gumá naenexẽ ga yucü.