Rux 3:7 - Tupanaarü Ore

⁷ Rü yexguma marü chibüwa yanguxgu ga Boó, rü inachi rü nataãxẽ rü ñu̱xũchi yexma ãũxchitaxü̃ ga chebádaxü̃tagu nayaca nax yexma napexü̃ca̱x. Rü yixcamaxü̃ra rü ngĩma ga Rux rü bexma naxca̱x iyaxũ rü íinangegücutü rü yexma ica.

Rux 3:7 Referans Kwoze

Ester 1:10

Rü yexguma 7 ga ngunexü̃ marü yangexgu ga yema peta, rü nüma ga ãẽ̱xgacü rü marü bínuarü ngu̱xmaxã nataãxẽ. Rü nanamu ga 7 ga norü ngü̃xẽẽruü̃gü ga Meumáü̃, rü Bichá, rü Arboná, rü Bixtá, rü Abáta, rü Chetáx, rü Cacá nax nape̱xewa ngĩxü̃ nagagüxü̃ca̱x ga yema naxma̱x ga Báti ga meama nga̱xãẽcü namaxã ga yema norü nga̱xcueruxü̃. Rü yemaacü nanamu nax guxü̃ma ga duü̃xü̃güxü̃ rü ãẽ̱xgacügüxü̃ ngĩxü̃ nawéxü̃ca̱x nax ñuxãcü namexẽchixü̃, yerü aixcüma imechametüxüchi.

Ãẽ̱xgacügü ga guxchaxü̃güarü mexẽxẽruü̃gü 19:6

Yema taxre rü wüxigu ínarütogü nax nachibüexü̃ca̱x rü ñu̱xũchi naxaxegüxü̃ca̱x. Rü ngĩnatü rü nüxü̃ ñatagürü: —¿Taxũ chi name i ñu̱xmarica ñaa chütaxü̃ nua cungexma nax wüxigu itaãẽgüxü̃ca̱x? —ñatagürü.

2 Chamué 13:28

Rü nüma ga Acharóü̃ rü marü norü duü̃xü̃güxü̃ naxuxcu̱xẽ rü ñanagürü nüxü̃: —¡Peyangugü i Anóü̃, rü ngẽxguma marü bínumaxã nangãxü̱̃xgu, rü choma rü tá pemaxã nüxü̃ chixu nax peyamáxü̃ca̱x, rü peyamá! ¡Rü taxṹ i pemuü̃exü̃! Erü choma nixĩ i pexü̃ chamuxü̃. ¡Rü pegü peporaexẽxẽ rü taxṹ i pemuü̃exü̃! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 19:9

Rü yexguma chibüwa inachixgu ga Lebítanüxü̃ nax nataeguxü̃ca̱x ngĩmaxã ga yema nge ga ngĩmaxã naxããrüã̱xcü rü namaxã ga norü duü̃xü̃, rü tüma ga na̱xtü rü ñatarügü: —¡Nuxãtama rüxã̱ũ̱x erü marü nachütachaü̃! ¡Rü nua nangupetüxẽxẽ i ñaa chütaxü̃ nax mea cupexü̃ca̱x! ¡Rü moxü̃ pa̱xmama írüda nax cupataca̱x cutaeguxü̃ca̱x! —ñatarügü.

Ngu̱xẽẽtaeruü̃arü ore 10:19

Rü ngẽma paũ rü ngõ̱xruxü̃ nixĩ nax tama itaiyaxü̃ca̱x. Rü yimá bínu rü axeruxü̃ nixĩ nax tama ita̱xawaexü̃ca̱x rü nax itaãẽxü̃ca̱x i tórü maxü̃wa. Natürü tanaxwa̱xe nax idiẽruã́xü̃ nax tüxü̃́ ngẽxmaxü̃ca̱x i guxü̃ma i ngẽma.

Ngu̱xẽẽtaeruü̃arü ore 9:7

Rü ngẽmaca̱x, ¡taãẽãcüma nangõ̱x i paũ rü yaxaxü ya bínu! Erü Cori ya Tupana rü namaxã nataãxẽ i guxü̃ma i ngẽma mexü̃ i ñoma i naanewa cuxüxü̃.

Ngu̱xẽẽtaeruü̃arü ore 8:15

Rü ngẽmaca̱x i choma rü ngẽma taãẽétüwa chaxü. Rü ngẽma naxca̱x rümemaexü̃ i wüxi ya yatü i ñoma i naanewa nixĩ nax nachibüxü̃ rü naxaxexü̃ rü ñu̱xũchi nataãẽxü̃. Rü ngexicatama nixĩ i norü puracüwa nayaxuxü̃ ya yima yatü nagu i ngẽma ngunexü̃gü ya Tupana nüxna ãxü̃ nax ñoma i naanewa namaxü̃xü̃.

Ngu̱xẽẽtaeruü̃arü ore 2:24

Rü ngẽma nüxü̃́ rümemaexü̃ ya yimá yatü nixĩ nax nachibüxü̃ rü naxaxexü̃ rü nangóoxü̃ i ngẽma norü puracütanü. Erü guxü̃ma i ngẽma rü ta Tupana nanango̱xẽxẽ.

Wiyaegü 104:15

Rü ngẽmaãcü duü̃xü̃güna cunaxã i norü poraxẽẽruxü̃ i paũ rü norü taãẽxẽẽruxü̃ i bínu rü norü mexẽẽruxü̃ i chíxü̃.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Nüxíraxü̃xü̃ ga popera ga ãẽ̱xgacügüchiga 21:7

Rü yexguma ga naxma̱x ga Yechabé rü inangãxü̃ rü ngĩgürügü nüxü̃: —Natürü cuma quixĩ i nua Iraéanewa ãẽ̱xgacü quixĩxü̃. ¡Rü yachibü rü nataãxẽ! Rü marü choma cuxü̃́ tá chanayaxu i Nabúarü úbanecü —ngĩgürügü.

Ãẽ̱xgacügü ga guxchaxü̃güarü mexẽxẽruü̃gü 19:22

Rü yexguma ínataãẽgüyane, rü ñuxre ga yatügü ga chixexü̃gu maxẽxü̃ ga guma ĩanewa rü o̱xipataxü̃ ínachomaeguãchi rü norü ĩã̱xwa nanacua̱i̱xcagü, rü ñanagürügü o̱xixü̃: —¡Ínamuxũchi i ngẽma yatü i cuxü̃tawa nguxü̃! Erü tanaxwa̱xe nax namaxã ngúchaü̃ taxüexü̃ —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 16:25

Rü poraãcüxüchi nataãẽgü, rü yemaca̱x Chanchóü̃ca̱x ínacagü nax nape̱xewa nagagüãxü̃ca̱x rü nagu nax yadauxcüraxü̃güxü̃ca̱x. Rü poxcupataü̃wa Chanchóü̃xü̃ ínagaxüchigü rü norü tupanapatawa nanagagü. Rü taxre ga caxtaarü ngaxü̃gu nanachixẽẽgü. Rü yéma ĩnüca̱xü̃ nayaxĩxẽẽgü rü nagu nidauxcüraxü̃gü.

Naanearü ügüchiga 43:34

Rü nüma ga Yúche rü naenexẽgüxü̃ nanangõ̱xẽxẽ ga yematama õna ga nüma nangṍxü̃ ga norü mechawa yexmaxü̃. Rü yema õna ga Bẽyamíü̃na naxãxü̃ rü poraãcü yema togü ga naenexẽgüna naxãxü̃xü̃ rütamaexü̃ nixĩ. Rü Yúche rü naenexẽgümaxã wüxigu naxaxegü rü nataãẽgü.

Efesios 5:18

Rü tama name i pengãxẽ, erü ngẽma rü chixexü̃wa tüxü̃ nagagü i ngẽxguma ngẽmaãcü imaxẽgu. Natürü name nixĩ i Tupanaãẽ i Üünexü̃na pegü pexãgü nax pewa nangẽxmaxü̃ca̱x rü pemaxã inacuáxü̃ca̱x.

Rux 3:6

Rü ngĩma ga Rux rü naanewa ixũ, rü inaxü ga guxü̃ma ga yema ngĩ̱xẽ ngĩmaxã nüxü̃ ixuxü̃.

Rux 3:8

Rü nüma ga Boó rü ngürüãchi ngãxü̃cüxü pewa naba̱i̱xãchi. Rü yexguma nangüeguxgu rü ngĩmaxã nayarüña. Rü nüxü̃ nicua̱xãchi ga wüxi ga nge nacutüwaama yexmaxü̃.