Rux 3:14 - Tupanaarü Ore

¹⁴ Rü ngĩma ga Rux rü yexma ipe, rü Boócutüguama ica rü yexma iyangunexü̃. Rü moxü̃ãcü taxũtáma yangóonexü̃chigu rü írüda yerü yema ñanagürü ngĩxü̃ ga Boó: —Tama chanaxwa̱xe nax texé nüxü̃ nacuáxü̃ i nua chauanewa nax cuxũxü̃ i chebáda íyabuxuchita̱xegüxü̃wa —ñanagürü.

Rux 3:14 Referans Kwoze

2 Corintios 8:21

Rü tama Cori ya Tupanape̱xewaxicatama tanaxwa̱xe nax mea tanaxüxü̃, natürü guxü̃ i duü̃xü̃güpe̱xewa rü ta tanaxwa̱xe nax mea tanaxüxü̃.

Romanos 14:16

Rü ngẽmaca̱x, woo cuxca̱x namexgu i ngẽma cuxüxü̃, natürü tama name nax cunaxüamaxü̃ ega ngẽmaca̱x togü cuxü̃ ixuxgu nax pecadu yixĩxü̃ i ngẽma cuxüxü̃.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

1 Corintios 10:32

Rü tama name i penaxü i ta̱xacü i togüxü̃ chixexü̃gu yixẽẽxü̃, rü woo Yudíugü yixĩgügu rü ẽ̱xna tama Yudíugü yixĩgügu, rü ẽ̱xna yaxõgüxü̃ yixĩgügu.

1 Tesalonicenses 5:22

¡Rü nüxna pixĩgachi i naguxü̃raü̃xü̃ i chixexü̃gü!

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

Ngu̱xẽẽtaeruü̃arü ore 7:1

Ngẽma mexü̃ i pumaraarü yexera rümemaexü̃ nixĩ nax namexü̃ i tachiga. Rü ngẽma ngunexü̃ i nagu ixíxraxü̃arü yexera rümemaexü̃ nixĩ i ngẽma ngunexü̃ i nagu iyuxü̃.

Rux 3:15

Rü yexguma marü inaxũãchichaü̃gu ga Rux, rü nüma ga Boó rü ñanagürü ngĩxü̃: —¡Ẽcü ínacuxuchi i ngẽma curü deyuchiru rü mea nüxü̃ ingĩ! —ñanagürü. Rü ngĩma ga Rux rü mea nüxü̃ iyangĩ ga yema ngĩrü deyuchiru, rü nüma ga Boó rü yema ngĩrü deyuchirugu ngĩxü̃́ nanagü ga 40 quíru naguxü̃ ga chebáda. Rü ñu̱xũchi ngĩxü̃ narüngü̃xẽxẽ ga ngĩãtügu nax naxünagüpüü̃ãxü̃. Rü ngĩma rü yemamaxã ĩaneca̱x itaegu.