Rux 2:2 - Tupanaarü Ore

² Rü wüxi ga ngunexü̃gu ga Rux rü Noemíxü̃ ngĩgürügü: —Chebádachitaxü̃wa tá chaxũ, rü ngürüãchi ngẽxma tá nüxü̃ chayangau i wüxi i buxetatanüxü̃ i choxü̃ nadexẽẽxü̃ i ngẽma chebáda i nawe iyietanüxü̃ —ngĩgürügü. Rü yexguma ga Noemí rü ngĩgürügü ngĩxü̃: —Marü name Pa Chauxacüx. ¡Ẽcü ngéma naxũ rü naxü i ngẽma nüxü̃ quixuxü̃! —ngĩgürügü.

Rux 2:2 Referans Kwoze

Lebítanüxü̃arü puracüchiga 23:22

Rü ngẽxguma perü nanetügüarü buxgüwa nanguxgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃! ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃” —ñanagürü.

Lebítanüxü̃arü puracüchiga 19:9

Rü ngẽxguma perü nanetügüarü buxgüwa nagu̱xgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃!

Rux 2:7

Rü choxna ica nax ngẽma buxetatanüxü̃we chebádaya̱xa nax yadeetanüxü̃ca̱x. Rü pa̱xmamacürüwa inaxügü nax napuracüxü̃, rü ñu̱xmatama nixĩ i paxaãchi inangü̃xü̃ —ñanagürü.

Lebítanüxü̃arü puracüchiga 19:16

¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Lebítanüxü̃arü puracüchiga 19:10

¡Rü taxṹ i guxü̃ma i úbagü cubuxuxü̃ i ngẽma curü úbanecüwa! Rü tama name nax cunadexü̃ i ngẽma úbagü i rüyixü̃. ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃.

Rux 2:3

Rü yexguma ga Rux rü wüxi ga naanewa ixũ rü yema buxetatanüxü̃we iyadeetanü ga chebádaya̱xa ga yéma iyietanüxü̃. Rü megu ingu yerü yema naane rü Boó ga Erimérextanüxü̃arü nixĩ.

Naanearü ügüchiga 32:6

Rü yexguma marü Acóbuca̱x nawoegu̱xgu ga norü duü̃xü̃gü, rü ñanagürügü: —Marü naxü̃tawa tangugü ya cuenexẽ ya Echaú. Rü nüma rü tá nua naxũ nax nümatama cuxü̃ íyadauxü̃ca̱x namaxã i 400 i norü duü̃xü̃gü —ñanagürügü.

1 Chamué 1:18

Rü ngĩma ga Ána rü inangãxü̃ rü ngĩgürügü: —Moxẽxü̃chi naxca̱x i ngẽma dexa —ngĩgürügü. Rü ñu̱xũchi itaegu rü iyachibü rü marü taguma wena ingechaü̃.