Biblia Todo Logo
Bib sou entènèt

- Piblisite -




Rux 1:6 - Tupanaarü Ore

6 Rü wüxi ga ngunexü̃gu ga Noemí ga yexguma Moáanewa nayexmayane, rü nüxü̃ ixĩnü ga guma ngĩrü ĩane ga Beréü̃wa rü marü nax nataxuxü̃ma ga taiya, yerü Tupana rü namaxã nixãũãchi.

Gade chapit la Kopi




Rux 1:6
27 Referans Kwoze  

Rü ngẽma chorü duü̃xü̃güarü nanetügü rü tá poraãcü nüxü̃́ chayaxoxẽxẽ nax ngẽmaãcü tama nataiyaexü̃ca̱x i woo i ngẽma duü̃xü̃gü i ngearü diẽruã̱xgüxü̃.


Rü tüxü̃ naxüwemü ya yíxema nüxü̃ icua̱xüxü̃güxe. Rü nüma rü taguma nüxü̃ inarüngüma i ngẽma norü uneta ga nüxü̃ yaxuxü̃.


Rü nüma ga duü̃xü̃gü rü aixcüma nayaxõgü. Rü yexguma nüxü̃ yacua̱xãchitanügu nax Cori ya Tupana rü nüxü̃́ nüxü̃ naxĩnüxü̃ ga norü yumüxẽ rü nüxü̃ nax nadauxü̃ ga ñuxãcü ngúxü̃ nax yangegüxü̃, rü yemaca̱x nüma ga duü̃xü̃gü rü nataãẽgü. Rü ñaxtüanegu nanangücuchitanü, rü Tupanaxü̃ nicua̱xüü̃gü.


¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.


Rü tá nagu napogüe ya perü ĩane, rü tá pexü̃ nadai. Rü taxucütama ya nuta ngextá nügüxétü nanugüxüra i perü ĩanearü poxeguxü̃tápü̱x. Rü ngẽmaãcü tá pexü̃ naxüpetü, yerü tama nüxü̃ pecua̱xgüchaü̃ ga yexguma Tupana pexü̃ íyada̱u̱xgu —ñanagürü.


Rü ñanagürü: “Namecümaxüchi ya tórü Cori ga tórü o̱xi ga Iraéarü Tupana. Erü núma tatanüwa nangu nax tüxü̃ nangü̃xẽẽxü̃ca̱x i yixema i norü duü̃xü̃gü nax ixĩgüxü̃.


¡Rü toxna naxã i torü paũ i ñoma i ngunexü̃ca̱x ixĩxü̃!


Rü choma ya Cori ya Tupana rü ñachagürü: ‘Ngẽxguma 70 ya taunecü marü inguxgu nax Babiróniaanewa pengẽxmagüxü̃ rü ngẽxguma i choma rü tá pexü̃ charüngü̃xẽxẽxü̃ rü tá chayanguxẽxẽ i ngẽma chorü uneta ga pemaxã nüxü̃ chixuxü̃ nax wena tá pexü̃ chawoeguxẽẽxü̃ naxca̱x i ngẽma naane i pexna chaxãxü̃.


Rü yimá pucü rü ngẽma gáuxü̃ rü dauxü̃wa narüyi rü tama wena dauxü̃wa naxĩ, natürü nayawaixẽxẽ i waixü̃mü nax naxügüxü̃ca̱x i nanetügü rü ngẽmaãcü nangẽxmaxü̃ca̱x i naxchire nax inatoxü̃ca̱x rü norü o nax nangṍxü̃ca̱x.


Rü ngẽma Yudátanüxü̃ i duü̃xü̃gü i íyaxügüxü̃ rü ngẽxguma Tupana nüxü̃ rüngü̃xẽẽgu rü tá nanayauxgü i ngẽma naane i márpechinüwa ngẽxmaxü̃. Rü ngéma tá nanachibüexẽxẽ i norü carnérugü, rü chütacü tá nagu nape ya yima ĩpatagü i Acharóü̃wa ngẽxmagüne.


Rü nüma rü tümaétüwa nachogü ya yíxema togü chixri tümamaxã icuáxe. Rü yíxema taiyagu ímaxẽxe rü nüma ya Tupana rü tüxü̃ nachibüexẽxẽ. Rü yíxema poxcupataü̃wa ngẽxmagüxe rü tüxü̃ ínanguxü̃xẽxẽ.


Rü guxü̃ma i ngẽma cuxüxü̃ rü cuxü̃ narüdaunü nax cuma cunachibüexẽẽxü̃ca̱x i ngẽxguma nataiyaegu.


Rü nüma ga Cori ya Tupana rü Ánaxü̃ narüngü̃xẽxẽ rü yemaca̱x iyaxãxacüchigü. Rü yemaacü tomaepü̱xwa nangu ga ngĩne rü taxre ga ngĩxacü. Rü yoxni ga gumá ngĩne ga Chamué rü Tupanape̱xewa niyachigü.


Rü yexguma ga Yúche rü naenexẽgüxü̃ ñanagürü: —Aixcüma Tupana tá pexü̃ narüngü̃xẽxẽ nax ípechoxü̃xü̃ nawa i ñaa nachixü̃ane. Rü ngẽxguma tá ípechoxü̃gu rü chanaxwa̱xe i chomaxã ipexuneta nax peyangexü̃ i chauxchina̱xã —ñanagürü.


Rü Yúchemaxã mexü̃ naxuegu. Rü ñanagürü: —Pa Chorü Tupanax, cuga nixĩ ga naxĩnüexü̃ ya chorü o̱xi ga Abraáü̃ rü chaunatü ya Ichaá, rü cuma nixĩ ga choxna cudauxü̃ ga noxritama chaxíragucürüwa ñu̱xmata ñoma i ngunexü̃wa nangu.


Rü yema nachicawa rü Acóbu inaxuneta rü ñanagürü: —Ngẽxguma Tupana choxü̃ íixümücügu, rü choxna nada̱u̱xgu i chorü namawa, rü choxna naxãã̱xgu i chorü õna rü chauxchiru, rü wena mea chaunatüca̱x choxü̃ natáeguxẽẽgu, rü aixcümaxü̃chi chorü Cori ya Tupana tá nixĩ.


Rü nüma ga Cori ya Tupana rü yema ngĩmaxã nüxü̃ yaxuxü̃ãcü Cháragu narüxĩnü, rü nayanguxẽxẽ ga yema ngĩmaxã naxueguxü̃.


Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.


Rü ngẽmaca̱x ega tüxü̃́ nangẽxmagu i taxchiru rü tórü õna rü name nixĩ i ngẽmamaãtama tataãẽgü.


Rü nüma nixĩ i pexü̃ nangüxmüexẽẽxü̃ i pechixü̃anewa rü muxũchixü̃ i trigumaxã pexü̃ nataãẽxẽẽgü.


¡Rü choxü̃ rüngü̃xẽxẽ nax tama chidoraxü̃ca̱x! Rü tama chanaxwa̱xe nax choxü̃ cumuarü diẽruã̱xẽẽxü̃ rüe̱xna changearü diẽruã́xü̃. ¡Rü ẽcü choxna naxã i ngẽma nagu mexü̃ nax choxü̃́ nangẽxmaxü̃ca̱x i wüxichigü i ngunexü̃arü õna!


Rü yemaca̱x nagu irüxĩnü ga Yudáarü naaneca̱x nax nataeguxü̃. Rü ngĩma rü ngĩnea̱xgümaxã nawa íchoxü̃ ga yema nachica ga nagu naxãchiü̃chiréxü̃ ga Moáanewa nax ngĩchiü̃ane ga Yudáanewa naxũxü̃ca̱x.


Rü toma nax curü duü̃xü̃gü tixĩgüxü̃ rü nüxü̃ tangechaü̃ ya yimá Yerucharéü̃tapü̱xarü nutagü, rü poraãcü toxü̃́ nangu̱x nax ñuxãcü nagu napogüexü̃.


Rü nüma rü ñanagürü nüxü̃: —Rü tá pexna chanaxã i trigu rü bínu rü chíxü̃ ñu̱xmatáta mea pexü̃́ yangu. Rü marü taxũtáma wena pexü̃ changexrü nax tama pexü̃ nacugüexü̃ca̱x i ngẽma togü i nachixü̃anecüã̱xgü i tama choxü̃́ yaxõgüxü̃.


Swiv nou:

Piblisite


Piblisite