Rux 1:20 - Tupanaarü Ore

²⁰ Natürü ga ngĩma rü inangãxü̃ rü ngĩgürügü: —¡Taxṹ i Noemí ñaperügü choxü̃! Rü name nixĩ i Mára ñapegürü choxü̃. Erü Tupana ya Guxãétüwa Ngẽxmacü rü taxü̃ i guxchaxü̃ choxna naxã.

Rux 1:20 Referans Kwoze

Yox 6:4

Rü nüma ya Yimá Guxãétüwa Ngẽxmacü rü chowa nayanawa̱xẽẽgü ya yima naxnegü, rü ngẽma norü naguchatagü rü chaxunegu nixũ. Rü ngẽma ãũcümaxü̃ i norü nu ya Tupana rü marü chowa nangu.

Popera ga Yudíugü ga yaxõgüxü̃ca̱x ümatüxü̃ 12:11

Rü taxúema tataãẽgü namaxã i wüxi i ucu̱xẽ, erü tüxü̃́ nangu̱x. Natürü ngẽxguma mea naga ixĩnüegu rü wüxi i ngü̃xẽxẽ nixĩ nax mea imaxẽxü̃ca̱x rü mexü̃ ixügüxü̃ca̱x.

Ichaía 38:13

Rü guxü̃ i ngẽma chütaxü̃gu rü choxü̃́ nax nangúxü̃gagu aita chaxü ñoma wüxi i leóü̃ chauxchina̱xãgu wagüxü̃rüxü̃. Rü wüxitama i chütaxü̃gu rü ñu̱xmata yangunemare rü ngúxü̃ choxü̃ quingexẽxẽ rü yuwa choxü̃ cugaxchaü̃.

Wiyaegü 88:15

Rü changextü̱xügucürüwatama rü guxchaxü̃wa changexmaecha rü ngẽmamaxã wixguxüchi chayu. Rü poraãcü yáxna namaxã chaxĩnü ga yema guxchaxü̃gü ga cuma cha̱u̱xca̱x ícunguxẽẽxü̃. Rü ñu̱xma rü düxwa marü tama namaxã chapora.

Wiyaegü 73:14

Erü ñu̱xma nax Tupanawe charüxũxü̃ rü taxuwama choxü̃́ name. Erü guxü̃ i ngunexü̃gu rü ngúxü̃ chinge rü guxchaxü̃ choxü̃́ ngẽxmaxü̃.

Yox 19:6

Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.

Yox 5:17

Rü nataãxẽ ya yimá yatü ya Tupana ucu̱xẽcü. ¡Rü taxṹ i nüxü̃ cuxoxü̃ ya yimá Guxãétüwa Ngẽxmacüarü ucu̱xẽ!

Yox 11:7

¿Rü nüxü̃ cucuáxü̃ yixĩxü̃ i ngẽma Tupanaarü cua̱x i ẽxü̃guxü̃? ¿Rü cuxü̃́ natauxchaxü̃ nax nüxü̃ cucuáxü̃ i ngẽma nüxü̃ nacuáxü̃ ya Yimá Guxãétüwa Ngẽxmacü?

Naanearü ügüchiga 43:14

Rü chanaxwa̱xe ya Tupana ya Guxü̃étüwa Ngẽxmacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimeóü̃, rü taxuxü̃ma nüxü̃ ngupetüxü̃ca̱x ya Bẽyamíü̃. Natürü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —ñanagürü ga Acóbu.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:22

Rü guma ĩanewa rü taxúnema ga Tupanapata ya taxü̃nexü̃ chadau, yerü Tupana ya Guxü̃étüwa Ngẽxmacü rü gumá Carnéruxacü nixĩ i Tupanapata ya taxü̃ne.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:8

Rü nüma ya tórü Cori ya Tupana ya Guxü̃étüwa Ngẽxmacü ya Guxü̃guma Yexmacü rü Ñu̱xma Ngẽxmacü, rü Guxü̃gutáma Ngẽxmaechacü rü ñanagürü: “Chowa nixĩ ga inaxügüxü̃ ga guxü̃ma, rü chowa nixĩ i yacuáxü̃”, ñanagürü.

Ínachoxü̃xü̃chiga 15:23

Rü yexguma Maráwa nangugügu, rü yexma dexáxü̃ inayangaugü, natürü taxucürüwama nawa naxaxegü yerü naxüxchiü. Rü yemaca̱x nixĩ ga Marágu naxüégagüãxü̃ ga yema nachica.

Yox 9:18

Rü oegaãẽmaxã chi choxü̃ nanapaxẽxẽ rü choxü̃́ nanaguxchaxẽxẽ nax chingü̃ãcüüxü̃ca̱x.