Rux 1:12 - Tupanaarü Ore

^12-13 ¡Ẽcü pechiü̃ca̱x pewoegu! Choma rü marü chaya rü ngẽmaca̱x taxũtáma wena chaxãte. Rü woo chi ñomachitama i chütaxü̃gu chaxãtegu rü chingĩxgu rü choxü̃́ nangẽxmagu ya chaunegü ¿rü pema rü chi ípenanguxẽxẽgüxü̃ ñu̱xmachita nayae nax namaxã pingĩgüxü̃ca̱x? Rü ngẽma nax ípenanguxuxẽẽxü̃gagu rü taguchima pixãtegü. Rü dücax, rü taxucürüwama nixĩ, Pa Chauxacügüx. Rü Cori ya Tupana rü ngúxü̃ choxü̃ ningexẽxẽ, natürü yexera chi changechaü̃, rü ngúxü̃ chinge ega chi pexü̃ chada̱u̱xgu nax ngúxü̃ pingegüxü̃ i pemax —ngĩgürügü.

Rux 1:12 Referans Kwoze

Naanearü ügüchiga 17:17

Rü yexguma ga Abraáü̃ rü waixü̃müanegu nanangücuchi. Natürü nüxü̃ nacugüãcüma nügüãẽwa ñanagürü: —¿Ẽ̱xna wüxi ya yatü ya 100 ya taunecü nüxü̃́ ngẽxmacü rü tá naxãxacüxü̃ nax papa yixĩxü̃ca̱x? ¿Rü Chára rü tá naxãxacüxü̃ nax marü 90 ya taunecü ngĩxü̃́ ngẽxmaxü̃? —ñaxü̃gu narüxĩnü ga naãẽwa.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:9

Rü ngẽxguma chi wüxi i ngexü̃ i yutexü̃ naxca̱x ícaxgu nax ngẽma yaxõgüxü̃ ngĩxü̃ rüngü̃xẽẽgüxü̃ca̱x rü tanaxwa̱xe i 60 ya taunecüarü yexera ngĩxü̃́ nangẽxma rü wüxitama nixĩ ga ngĩte.

Naanearü ügüchiga 38:11

Rü yexguma ga Yudá, rü naneã̱x ga Tamáramaxã ñanagürü: —Pa Ngecü Iyutecüx, ¡rü cunatüpatawa naxũ, rü ngéma nangexma ñu̱xmatáta naya ya chaune ya Cherá! —ñanagürü. Yerü nüma ga Yudá rü nagu narüxĩnü ga nane ga Cherá rü tá ta nayuxü̃ naenexẽgürüxü̃. Rü yemaacü ga Tamára, rü ngĩnatüpataca̱x itaegu rü yéma iyexma.

Rux 1:11

Rü ngĩma ga Noemí rü ngĩgürügüchigüama: —¡Pewoegu, Pa Chauxacügüx! ¿Ta̱xacüwa chi chowe perüxĩxü̃? Choma rü marü tagutáma wena chaxãxacü nax wena chaunemaxã pixãtexü̃ca̱x.