Yema Cuáü̃ nüxü̃ dauxü̃ i yixcüra tá ngupetüxü̃chiga 9:11 - Tupanaarü Ore

¹¹ Rü yema munügüarü ãẽ̱xgacü, rü yema ãxmaxü̃ ga taguma iyacuáxü̃arü dauruxü̃ nixĩ. Rü Yudíugügawa rü yema munügüarü ãẽ̱xgacü, rü Abadóü̃ nixĩ. Rü Griégugügawa rü Apirióü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:11 Referans Kwoze

Yox 26:6

Rü Tupanape̱xewa rü nataxuma i ta̱xacü icúxü̃ rü woo ngẽma yuexü̃arü naxmaxü̃gü rü Tupanape̱xewa rü ínangegü.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Ore i mexü̃ ga Cuáü̃ ümatüxü̃ 16:11

Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 4:4

Pa Chauxacügüx, pema rü Tupanaxacügü pixĩgü. Rü marü nüxü̃ perüyexera i ngẽma dorata̱a̱xgüxü̃. Erü ngẽma Tupanaãxẽ ya Üünecü i peãẽwa ngẽxmaxü̃ rü marü nüxü̃ narüyexera i ngẽma Cristuarü uanü i ñoma i naanewa ngẽxmaxü̃.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Yox 28:22

Rü ngẽma yu rü ngẽma nachica i nawa nangugüxü̃ i ngẽma yuexü̃, rü ñanagürügü: “Marü nüxü̃ taxĩnüechiga i ngẽma cua̱x natürü tama nüxü̃ tacua̱x nax ngextá nangẽxmaxü̃”, ñanagürügü.

Yox 31:12

Rü ngẽxguma chi ngẽma chixexü̃ chaxüxgu rü chi name nax noxtacüma wüxi i üxüema i taxüchixü̃ guxü̃ma i chorü ngẽmaxü̃gü yaxaexẽẽxü̃.

Wiyaegü 88:11

Rü ngẽxguma chayu̱xgu rü cho̱xma̱xü̃wa changexmagu ¿rü ñuxũcürüwa duü̃xü̃gümaxã nüxü̃ chixu nax quixaixcümaxü̃ rü toxü̃ cungechaxü̃xü̃?

Ucu̱xẽgüchiga 15:11

Tama Tupanaca̱x nicu̱x i ngẽma yu rü ngẽma naxmaxü̃wa ngẽxmagüxü̃. Rü yexera nüxü̃ nacua̱x i ngẽma nagu naxĩnüexü̃ i duü̃xü̃gü.

Ore i mexü̃ ga Luca ümatüxü̃ 8:31

Rü yema ngo̱xogü rü Ngechuchuna nacagü ga tama ngẽma ãxmaxü̃ i taguma iyacuáxü̃gu nax nawocuãxü̃ca̱x.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:16

Rü yema ngo̱xoãẽgü, rü nanangutaque̱xexẽxẽ ga guxü̃ma ga ñoma ga naanewa yexmagüxü̃ ga nachixü̃anecüã̱xgüarü ãẽ̱xgacügü. Rü yema nachica ga nawa nangutaque̱xegüxü̃, rü Armaguedóü̃ nixĩ i naéga i Yudíugügawa.